Mirzoqulov Hotam Baxtiyor o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Metamateriallar asosida antenna-fider qurilmalarining samaradorligini oshirish usullari va modellari”, 05.04.02 – Radiotexnika, radionavigatsiya, radiolokatsiya va televidenie tizimlari va qurilmalari. Mobil`, tolali optik aloqa tizimlari (texnika fanlari).
Dissertatsiya mavzusi ro‘yxatga olingan raqam: B2020.2.PhD/T1617.
Ilmiy rahbar: Salaxitdinov Amritdin Nuritdinovich, fizika-matematika fanlari nomzodi, dotsent.
Dissertatsiya bajarilgan muassasa nomi: Toshkent axborot texnologiyalari universiteti Samarqand filiali. 
IK faoliyat ko‘rsatayotgan muassasa nomi, IK raqami: Toshkent axborot texnologiyalari universiteti, DSc. 13/30.12.2019.T.07.02.
Rasmiy opponentlar: Piseskiy Yuriy Valerevich, texnika fanlar doktori, dotsent; Shaxobiddinov Alisher Shopatxiddinovich, texnika fanlari bo‘yicha falsafa doktori (PhD).
 Yetakchi tashkilot: Toshkent davlat texnika universiteti.
Dissertatsiya yo‘nalishi: nazariy va amaliy ahamiyatga molik. 
II. Tadqiqotning maqsadi: antenna-fider qurilmalarining samaradorligini nanokompozit va metamateriallarda kuzatiladigan fizik hodisa hamda jarayonlarni qo‘llash orqali oshirishdan iborat.
III. Tadqiqotning ilmiy yangiligi:
antenna-fider qurilmalarining parametr va xarakteristikalarini takomillashtiruvchi taqsimlangan parametrli metamaterialning matematik modeli ishlab chiqilgan;
aloqa liniyasi elementlari asosida taqsimlangan parametrli metamaterialning namunalari yaratilgan;
antenna-fider qurilmalarining ishlash samaradorligini taqsimlangan parametrli metamaterial yordamida oshirish usuli ishlab chiqilgan;
radio va optik chastota diapazonlarida ishlovchi taqsimlangan parametrli metamateriallarni qidirish usuli ishlab chiqilgan.
IV. Tadqiqot natijalarining joriy qilinishi:
Metamateriallar asosida antenna-fider qurilmalarining ishlash samaradorligini oshirish usullari va modellari bo‘yicha olingan natijalari asosida:
antenna-fider qurilmalarining parametr va xarakteristikalarini takomillashtiruvchi taqsimlangan parametrli metamaterialning matematik modeli hamda aloqa liniyasining elementlari asosida taqsimlangan parametrlarga ega metamateriallarning namunalari “O‘zbektelekom” AK “Uzmobayl” filiali Camarqand hududiy bog‘lamasida joriy etilgan (Axborot texnologiyalari va kommunikatsiyalarini rivojlantirish vazirligining 2020 yil 17 iyuldagi 33-8/4096-son ma’lumotnomasi). Ilmiy tadqiqot natijasida mobil aloqa tizimlarining 1,7-2,1 GGs chastotalarda ishlovchi bazaviy stansiyalari antenna-fider qurilmalari ishlash samaradorligini 20-25 % gacha oshirish imkoni yaratilgan;
radio va optik chastota diapazonlarida ishlovchi taqsimlangan parametrli metamateriallarni qidirish hamda antenna-fider qurilmalarining ishlash samaradorligini taqsimlangan parametrli metamaterial yordamida oshirish usullari “UMS” MChJ Samarqand shahar xizmat ko‘rsatish markazida joriy etilgan (Axborot texnologiyalari va kommunikatsiyalarini rivojlantirish vazirligining 2020 yil 17 iyuldagi 33-8/4096-son ma’lumotnomasi). Ilmiy tadqiqot natijasida mobil aloqa tizimlarining 1,7-2,1 GGs chastotalarda ishlovchi bazaviy stansiyalari antenna-fider qurilmalari ishlash samaradorligini 25 % gacha oshirish imkoni yaratilgan;
antenna-fider qurilmalarining ishlash samaradorligini taqsimlangan parametrli metamaterial yordamida oshirish hamda radio va optik chastota diapazonlarida ishlovchi taqsimlangan parametrli metamateriallarni qidirish usullari “Turon telecom” savdo belgisi ostida “Dildora-F” xususiy korxonasida joriy etilgan (Axborot texnologiyalari va kommunikatsiyalarini rivojlantirish vazirligining 2020 yil 17 iyuldagi 33-8/4096-son ma’lumotnomasi). Ilmiy tadqiqot natijasida teleradioeshittirish xizmatlarini taqdim etishda ishlatiladigan 2,3-2,5 GGs chastota diapazonida ishlovchi GT-5527100D uzatgichining MMDS antenna qurilmalari ishlash samaradorligini 15-20% gacha oshirish imkoni yaratilgan.