Турғунбоева Азизахон  Ғуломовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи):  “Бўлажак педагогларда ижтимоий перцепция шаклланишининг  психологик хусусиятлари”, 19.00.06–Ёш ва педагогик психология. Ривожланиш психологияси (психология фанлари).
Диссертация мавзуси рўйхатга олинган рақам: B2018.1.PhD/Psi72.
Илмий раҳбар: Нишанова Замира Таскараевна, психология фанлари доктори, профессор.
Диссертация бажарилган муассаса номи:  Наманган  давлат университети.
ИК фаолият кўрсатаётган муассаса номи, ИК рақами:  Тошкент давлат педагогика университети, DSc.03/30.01.2020.P.26.02.
Расмий оппонентлар: Эргашев Пўлат Собирович, психология  фанлари доктори,  доцент,  Мажидов Наби Махмудович, психология фанлари номзоди, доцент. 
Етакчи ташкилот: Бухоро давлат университети.
Диссертация йўналиши: амалий ва назарий аҳамиятга молик.
II. Тадқиқотнинг мақсади: бўлажак педагогларда ижтимоий перцепция шаклланишининг психологик хусусиятларини ўрганишдан иборат.
III. Тадқиқотнинг илмий янгилиги: 
бўлажак педагогларда эмпативлик ва рефлексивликнинг ривожланиши ижтимоий-педагогик перцепция шаклланишининг муҳим омили сифатида кўриб чиқилган;
бўлажак  педагоглар ўқув фаолияти мотивлари, хусусан, касбни эгаллаш билан боғлиқ мотивларнинг ижтимоий-перцептив кўникма ва малакаларнинг ривожланишига кўрсатадиган ижобий таъсири очиб берилган; 
касбий тайёргарлик давомида шаклланиб борувчи ижтимоий перцепция таркибида перцептив-интерактив ва перцептив-новербал компетентликнинг ўрни ва педагогик фаолият самарадорлигига таъсири кўрсатиб ўтилган;
психологик коррекцион дастурларни амалга ошириш давомида  бўлажак педагогларда ижтимоий-перцепция шаклланиш динамикаси таҳлили аниқланган ҳамда эмпирик маълумотлар, коррекцион тадбирлар самарадорлиги асосида бўлажак педагог касбий тайёргарлиги жараёнида ижтимоий перцептив кўникма ва малакаларни ривожлантириш модели такомиллаштирилган.
IV. Тадқиқот натижаларининг жорий қилиниши. 
Бўлажак педагог касбий тайёргарлигида  ижтимоий-перцепцияни ривожлантириш бўйича амалга оширилган илмий тадқиқот  натижалари асосида: 
бўлажак педагоглар касбий тайёргарлиги  жараёнида эмпативлик ва рефлексивликнинг ривожланиши ижтимоий-перцепция шаклланишининг муҳим омили сифатида кўриб чиқилганлигига доир илмий натижалар Психология ўқув-илмий маркази амалий фаолиятига жорий қилинган (Психология ўқув-илмий марказининг 2019 йил  27 декабрдаги ПМ-19-сон маълумотномаси). Натижада, бўлғуси амалий психологлар назарий-касбий тайёрлиги сифатини ошириш имкониятлари яхшиланган;
бўлажак педагоглар ўқув фаолияти мотивлари, хусусан, касбни эгаллаш билан боғлиқ мотивларнинг ижтимоий-перцептив кўникма ва малакаларнинг шаклланишига кўрсатадиган ижобий таъсири эмпирик жиҳатдан асосланганлигига доир илмий янгилик Психология ўқув-маркази амалий фаолиятига жорий қилинган (Психология ўқув-илмий марказининг 2019 йил 27 декабрдаги ПМ-19-сон маълумотномаси). Натижада, иқтисодиётнинг турли тармоқлари учун тайёрланадиган амалиётчи психологларда касбий аҳамиятли таянч компетенцияларни шакллантириш сифатини оширишга эришилган; 
касбий тайёргарлик давомида шаклланиб борувчи ижтимоий-педагогик перцепция таркибида перцептив-интерактив ҳамда перцептив-новербал  компетентликнинг ўрни ва педагогик фаолият самарадорлигига таъсирига оид тавсиялар Психология ўқув-илмий маркази 18-сон буйруғининг “Жамиятда долзарб ижтимоий муаммоларни ўрганиш, таҳлил қилиш ва ҳал этиш бўйича илмий психологик тадқиқотлар ўтказиш ҳамда уларда қўлланиладиган самарали методларни ишлаб чиқилишини таъминлаш” методикасига тадбиқ этилган (Психология ўқув-илмий марказининг 2019 йил 27 декабрдаги ПМ-19-сон маълумотномаси). Натижада марказнинг бўлғуси амалий психологларининг педагогик-психологик ишлари самарадорлиги оширилган;
психологик коррекцион дастурларни амалга ошириш давомида касбий тайёргарлик жараёнида ижтимоий перцепция ривожланиш динамикаси таҳлил қилинган, олиб борилган эмпирик маълумотлар ва диагностик ҳамда коррекцион тадбирлар натижасида бўлажак педагоглар касбий тайёргарлиги жараёнида ижтимоий перцептив кўникма ва малакаларни ривожлантириш моделини такомиллаштириш бўйича таклифлари Психология ўқув-илмий маркази 18-сон буйруғининг “Давлат буюртмаси ҳамда ижтимоий талаблар асосида жамият ҳаётидаги шахс психологияси билан боғлиқ бўлган махсус ва тизимли муаммолар бўйича амалий психологик тадқиқотлар ўтказиб, уларнинг ечими бўйича таклифлар ишлаб чиқиш” методикасига тадбиқ этилган (Психология ўқув-илмий марказининг 2019 йил  27 декабрдаги ПМ-19-сон маълумотномаси). Натижада, бўлғуси амалий психологлар назарий-касбий тайёрлиги сифатини ошириш имкониятлари яхшиланган.