Абдужабборов Собир Баҳроновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Kорхонада инқирозга қарши бошқарув стратегиясини ишлаб чиқишнинг илмий асосларини такомиллаштириш», 08.00.13 – Менежмент (иқтисодиёт фанлари).
Диссертация мавзуси рўйхатга олинган рақам: В2017.1/PhD/Iqt59. 
Илмий раҳбар: Беркинов Бозорбой Беркинович, иқтисодиёт фанлари доктори, профессор.
Диссертация бажарилган муассаса номи: Самарқанд давлат университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/10.12.2019.I.16.01. 
Расмий оппонентлар: Махмудов Носир Махмудович, иқтисодиёт фанлари доктори, профессор; Абдуллаев Абдужаббор, иқтисодиёт фанлари доктори, профессор.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: корхонада молиявий-иқтисодий инқирозга қарши бошқариш стратегиясини ишлаб чиқишнинг илмий методологик асосларини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
корхонанинг молиявий-иқтисодий инқирозга қарши бошқариш механизми инқироздан олдинги санация, молиявий соғломлаштириш ва банкротликдан чиқариш дастакларини киритиш асосида такомиллаштирилган;
миллий корхоналарни ривожланиш ҳолатига кўра иқтисодий барқарор, юқори рискли фаолиятга эга ва иқтисодий ночор гуруҳларга ажратиш мезонлари ҳамда зарар билан ишлаётган ва паст рентабелли корхоналарни таркибий ўзгартириш ва молиявий соғломлаштириш стратегияси ишлаб чиқилган;
корхонада инқирозга қарши бошқариш стратегиясини амалга оширишга қаратилган йўл харитасини тузиш ҳамда уни амалга ошириш услуби такомиллаштирилган;
иқтисодий ночор корхонани беқарор ҳолатдан ривожланиш босқичига олиб чиқиш стратегиясини амалга оширишнинг операцион, бошқарув ва молиявий омилларининг йиғма индекслари таклиф этилган.
IV. Тадқиқот натижаларининг жорий қилиниши. 
Корхонада инқирозга қарши бошқариш стратегиясини ишлаб чиқишнинг илмий-услубий асосларини такомиллаштириш юзасидан олинган илмий натижалар асосида:
корхонанинг нормал фаолияти даврида бошланган, ривожланиб борувчи молиявий-иқтисодий инқирозга қарши бошқариш жараёнлари, инқироздан олдинги санация, молиявий инқироз ва банкротликдан чиқаришга асосланган механизмларни киритиш орқали такомиллаштириш бўйича таклифлар «Ховренко номли Самарқанд винокомбинати» АЖ ва «Агромир Адас» МЧЖнинг фаолиятида инқирозни олдини олиш ва молиявий соғломлаштириш чора-тадбирларини асослашда жорий этилган (Ўзбекистон Республикаси Қишлоқ  хўжалиги вазирлигининг 2019 йил 19 декабрдаги 02/033-4333-сон маълумотномаси). Натижада корхоналарда инқирозни олдини олиш бўйича бошқарув жараёнларини тартибга солиш ҳамда корхонанинг молиявий барқарорлигини таъминлаш чораларининг асосланганлигига ва тўлиқлигига эришилган;
миллий корхоналарни ривожланиш ҳолатига кўра иқтисодий барқарор, таваккалчилик билан фаолият юритувчи ва иқтисодий ночор гуруҳларга ажратиш мезонлари ҳамда зарар билан ишлаётган ва паст рентабеллик корхоналарни таркибий ўзгартириш ва молиявий соғломлаштириш чораларини асослаш бўйича таклифлар «Ховренко номли Самарқанд винокомбинати» АЖда инқирозни олдини олиш ва уни бартараф этиш бўйича бошқарув амалиётига жорий этилган (Ўзбекистон Республикаси Қишлоқ  хўжалиги вазирлигининг 2019 йил 19 декабрдаги 02/033-4333-сон маълумотномаси). Натижада корхонада инқирознинг юзага келиши аломатларини ҳамда унинг сабабларини олдиндан диагностика қилишнинг ишончлилигини таъминлашга эришилди ва даромад ҳажми 12 фоизга ошган; 
корхонада инқирозга қарши бошқариш стратегияси ишлаб чиқиш ва уни мақсадларини изчиллиги ва тизимлигини таъминлашга қаратилган йўл харитасини тузиш ва уни амалга ошириш услуби бўйича таклифлар «Ховренко номли Самарқанд винокомбинати» АЖ ва «Агромир Адас» МЧЖнинг фаолиятида корхонада инқирозга қарши бошқариш стратегиясини амалга оширишнинг йўл харитаси тузиш амалиётига жорий этилган (Ўзбекистон Республикаси Қишлоқ  хўжалиги вазирлигининг 2019 йил 19 декабрдаги 02/033-4333-сон маълумотномаси). Натижада иқтисодий ночор ва банкрот корхоналарни самарали фаолият юритиши ва молиявий барқарорлашувига эришилган;
иқтисодий ночор корхонани беқарор ҳолатдан ривожланиш босқичига олиб чиқиш стратегиясини амалга ошириш муҳитининг операцион, бошқарув ва молиявий омилларининг йиғма индекслари ва ишлаб чиқариш самарадорлигини прогноз қилиш бўйича таклифлар «Ховренко номли Самарқанд винокомбинати” АЖ ва «Агромир Адас» МЧЖнинг фаолиятида иқтисодий ночор корхонани ривожланиш босқичига олиб чиқиш самарадорлигини баҳолаш амалиётига жорий этилган (Ўзбекистон Республикаси Қишлоқ  хўжалиги вазирлигининг 2019 йил 19 декабрдаги 02/033-4333-сон маълумотномаси). Натижада «Ховренко номли Самарқанд винокомбинати» АЖни инқирозга қарши бошқаришнинг корпоратив «йўл харитаси» чора-тадбирларини амалга ошириш, турли сценарийлар бўйича соф жорий қиймат (NPV) ишлаб чиқариш таннархи 2 фоизга ошганда, 45,1 млн.сўмга ошди ва даромадлилик ички нормаси 12,3 фоизни ташкил этган.