Абдураимова Гулчирой Озотовнанинг фалсафа доктори (PhD) диссертацияси ҳимояси ҳақида эълон
 
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Бўлажак бошланғич синф ўқитувчиларини технология фанини ўқитишга методик тайёргарлигини такомиллаштириш», 13.00.02 – Таълим ва тарбия назарияси ва методикаси (технология) (педагогика фанлари).
Диссертация мавзуси рўйхатга олинган рақам: В2019.2.PhD/Ped941.
Илмий раҳбар: Исянов Равиль Геннадьевич, педагогика фанлари номзоди, доцент. 
Диссертация бажарилган муассаса номи: Тошкент давлат педагогика университети.
ИК фаолият кўрсатаётган муассаса номи, ИК рақами: Тошкент давлат педагогика университети ҳузуридаги DSc.03/30.01.2020.Ped.26.01 рақамли илмий кенгаш асосидаги бир марталик кенгаш.
Расмий оппонентлар: Қўйсинов Одил Алмуратович, педагогика фанлари доктори, доцент; Муҳлибоев Маҳмут Қаршибоевич, педагогика фанлари номзоди, доцент.
Етакчи ташкилот: Бухоро давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: бўлажак бошланғич синф ўқитувчиларининг технология фанини ўқитишга оид методик тайёргарлигини такомиллаштиришдан иборат.
III. Тадқиқотнинг илмий янгилиги:
бўлажак бошланғич синф ўқитувчисининг методик тайёргарлик модели «STEAM – таълим» ёндашуви интерференция резонансини вужудга келтириш асосида такомиллаштирилган; 
бўлажак бошланғич синф ўқитувчисининг касбий тайёргарлик сифати таълим траекторияларини «STEAM–таълим» ёндашувига хос индивидуллаштириш асосида такомиллаштирилган;
бўлажак бошланғич синф ўқитувчисининг технология фанини ўқитишга методик тайёргарлиги «STEAM–таълим» даражаларига мос компетенциялар тизимини ишлаб чиқиш асосида такомиллаштирилган;
бўлажак бошланғич синф ўқитувчиларининг технология фанидан касбий методик тайёргарлик сифати ижтимоий мезонлар ва касбий-рефлексив даражалар мазмунига устуворлик бериш асосида такомиллаштирилган.
IV. Тадқиқот натижаларининг жорий қилиниши.
Бўлажак бошланғич синф ўқитувчиларининг технология фанини ўқитишга методик тайёргарлигини такомиллаштириш бўйича олинган илмий натижалар асосида:
бўлажак бошланғич синф ўқитувчисининг «STEAM – таълим» ёндашуви интерференция резонансини вужудга келтириш асосида такомиллаштирилган методик тайёргарлик моделига оид таклифлар Бошланғич таълим ва спорт-тарбиявий иш бакалавриат таълим йўналишининг Давлат таълим стандарти мазмунига сингдирилган. (Ўзбекистон Республикаси Олий ва ўрта махсус таълим вазирлигининг 2020 йил 1 февралдаги № 89-03-421-сонли маълумотномаси). Натижада бўлажак бошланғич синф ўқитувчиларини «STEAM – таълим» бўйича тайёргарлик даражасини оширишга эришилган;
бўлажак бошланғич синф ўқитувчисининг касбий тайёргарлик сифати таълим траекторияларини индивидуллаштириш ҳамда «STEAM–таълим» даражаларига мос компетенциялар тизимини такомиллаштиришга оид таклифлар «Технология ва уни ўқитиш методикаси» фани бўйича мустақил таълим ва амалий машғулотлар мазмунига сингдирилган   (Ўзбекистон Республикаси Олий ва ўрта махсус таълим вазирлигининг 2020 йил 1 февралдаги 89-03-421-сон маълумотномаси). Натижада талабаларнинг технология ва уни ўқитиш методикаси фанидан ўзлаштириш сифати самарадорлиги оширилган;
бўлажак бошланғич синф ўқитувчиларининг технология фанидан касбий методик тайёргарлигини такомиллаштиришга оид таклилар асосида педагогика олий таълим муассасалари бошланғич таълим ва спорт-тарбиявий иш йўналиши талабалари учун «Меҳнат ва уни ўқитиш методикаси» дарслиги ишлаб чиқилган (Олий ва ўрта махсус таълим вазирлигининг 2019 йил 9 февралдаги 133-сонли буйруғи, 133-078 рақамли гувоҳнома). Натижада бўлажак бошланғич синф ўқитувчиларининг технология фанини ўқитишга методик тайёргарлиги даражаси ортишига хизмат қилган.