Файзуллаев Хайриддин Алимуродовичнинг
фалсафа доктори  (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Полиз экинларини плёнка остига экиш учун тупроқни тайёрлайдиган комбинациялашган машинанинг параметрларини асослаш», 05.07.01–Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2018.4.PhD/T946.
Илмий раҳбар: Маматов Фармон Муртозевич, техника фанлари доктори, профессор.
Диссертация бажарилган муассаса номи: Қарши муҳандислик-иқтисодиёт институти.
ИК фаолият кўрсатаётган муассаса номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSс.27.06.2017.Т.10.01.
Расмий оппонентлар: Тўхтақўзиев Абдусалим, техника фанлари доктори, профессор; Нурмихамедов Бурон Умарович, техника фанлари номзоди.
Етакчи ташкилот: “BMKB-Agromash” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: полиз экинларини ёпиқ тоннелли плёнка остида етиштириш учун тупроққа сифатли ишлов бериш ва уни экишга тайёрлашни таъминлайдиган энергия- ва ресурстежамкор машина ишлаб чиқишдан иборат.
III. Тадқиқотнинг илмий янгилиги:
ёпиқ тоннеллар ўрнатиладиган йўлаклар тупроғини полиз экинлари экиш учун тайёрлайдиган машинанинг конструктив схемаси ишлаб чиқилган ва технологик иш жараёни асосланган;
чуқурюмшаткич тупроқ билан ўзаро таъсирлашиш жараёнларини ифодаловчи аналитик боғланишлар олинган ва улар асосида чуқурюмшаткичларни ўзаро жойлашиш схемаси ва мақбул параметрлари аниқланган;
машина таркибидаги иш органларни ўрнатилиш схемаси ишлаб чиқилган ва уларнинг технологик иш жараёни асосланган;
комбинациялашган машина агротехник ва энергетик иш кўрсаткичларини чуқурюмшаткичнинг параметрлари ва агрегат ҳаракат тезлигига боғлиқ равишда ўзгаришини ифодаловчи боғланишлар асосида уларнинг мақбул қийматлари аниқланган.
IV. Тадқиқот натижаларининг жорий қилиниши.
Ёпиқ тоннеллар ўрнатиладиган йўлаклар тупроғини полиз экинлари экиш учун тайёрлайдиган машина ишлаб чиқиш ва унинг иш органлари параметрларини асослаш бўйича олинган натижалар асосида:
тупроққа ағдармасдан ишлов берадиган иш органга Ўзбекистон Республикаси Интеллектуал мулк агентлигининг фойдали моделга патенти олинган («Ағдаргичсиз тупроққа ишлов бериш қуролининг ишчи органи», №FAP 00656-2011 й.). Натижада тупроққа сифатли ишлов берилиши ва ундаги намни сақланишини таъминлаш имкони яратилган;
ёпиқ тоннеллар ўрнатиладиган йўлаклар тупроғини полиз экинлари экиш учун тайёрлаш технологик жараёни бажарилишининг сифат кўрсаткичларини баҳолашга дастлабки талаблар ва машина конструкциясини лойиҳалашга техник топшириқ ишлаб чиқилган (Ўзбекистон Республикаси Қишлоқ хўжалиги вазирлигининг 2019 йил 27 августдаги 02/023-1987-сон маълумотномаси). Натижада машина иш органларининг турлари ва уларни рамада жойлаштириш схемаси асосланиб, машина конструкциясини ишлаб чиқиш имкони яратилган;
ёпиқ тоннеллар ўрнатиладиган йўлаклар тупроғини полиз экинлари экиш учун тайёрлаш учун ишлаб чиқилган машина Ўзбекистон Республикаси Қишлоқ хўжалиги вазирлиги тасарруфидаги фермер хўжаликларида, жумладан Қашқадарё вилояти Қарши, Қамаши ва Чироқчи туманлари фермер хўжаликларида жорий этилган (Ўзбекистон Республикаси Қишлоқ  хўжалиги вазирлигининг 2019 йил 27 августдаги 02/023-1987-сон маълумотномаси). Натижада комбинациялашган машинани полиз экинларини ёпиқ тоннелли плёнка остида етиштириш учун тупроққа ишлов беришда қўллаш ҳар гектар майдонга сарфланадиган ёнилғи-мойлаш маҳсулотлари ва тўғридан-тўғри харажатларни мос равишда 1,38 мартага ва 33,4 фоизга камайиши таъминланган.