Атауллаев Аминжон Одиловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Технологик жараёнлар бошқарув тизимлари учун суюқлик сарфини ўлчовчи ҳалқасимон каналли электромагнит ўзгартиргичлар», 05.01.06–Ҳисоблаш техникаси ва бошқарув тизимларининг элементлари ва қурилмалари (техника фанлари).
Диссертация мавзуси рўйхатга олинган рақам: B2019.1.PhD/T998.
Илмий раҳбар: Амиров Султон Файзуллаевич, техника фанлари доктори, профессор.
Диссертация бажарилган муассаса номи: Тошкент темир йўл муҳандислари институти.
ИК фаолият кўрсатаётган муассаса номи, ИК рақами: Тошкент давлат техника университети, DSc.27.06.2017.Т.03.02.
Расмий оппонентлар: Сиддиқов Илхомжон Хакимович, техника фанлари доктори, профессор; Назаров Хайриддин Нуритдинович, техника фанлари номзоди, доцент.
Етакчи ташкилот: Ирригация ва сув муаммолари илмий-тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: технологик жараёнлар бошқарув тизимлари учун мўлжалланган сезгирлиги ва асимметрик суюқлик оқими сарфини ўлчаш аниқлиги юқори ҳамда чизиқли статик тавсифга эга бўлган суюқлик сарфини ўлчовчи электромагнит ўзгартиргичларни ишлаб чиқишдан иборат. 
III. Тадқиқотнинг илмий янгилиги: 
сезгирлиги ва аниқлиги юқори ҳамда чизиқли статик тавсифга эга бўлган суюқлик сарфини ўлчовчи ҳалқасимон каналли электромагнит ўзгартиргич ишлаб чиқилган;
электромагнит ўлчаш ўзгартиргичларининг кўп контурли ва тарқоқ параметрли электромагнит занжирларини ҳисоблаш усули ишлаб чиқилган;
электр ва магнит занжирлар параметрлари тақсимланишини ҳисобга олган ҳолда янги суюқлик сарфини ўлчовчи ҳалқасимон каналли электромагнит ўзгартиргичнинг математик модели ишлаб чиқилган;
суюқлик сарфини ўлчовчи электромагнит ўзгартиргич ҳалқасимон каналида қутб наконечниклари навбати билан алмашиниб келадиган магнит тизимини жойлаштириш орқали ўзгартиргич сезгирлигини ошириш мумкинлиги асосланган.
IV. Тадқиқот натижаларининг жорий қилиниши. 
Технологик жараёнлар бошқарув тизимлари учун суюқлик сарфини ўлчовчи ҳалқасимон каналли электромагнит ўзгартиргичлар бўйича олинган натижалар асосида:
сезгирлиги ва аниқлиги юқори ҳамда чизиқли статик тавсифга эга бўлган суюқлик сарфини ўлчовчи ҳалқасимон каналли электромагнит ўзгартиргич қурилмасига Интеллектуал мулк агентлигининг ихтиро патенти олинган (№IAP 04960-2014 й.). Натижада технологик жараёнлар бошқарув тизимларида қўлланадиган суюқлик сарфини ўлчаш ўзгартиргичларида юқори сезгирлик, аниқлик, суюқлик сарфининг бутун ўлчаш диапазони бўйлаб электр сигналга ўзгартиришнинг чизиқлилиги, эксплуатациянинг экстремал шароитларида тавсифларнинг юқори ишончлилиги ва барқарорлигига эришилган; 
сезгирлиги ва асимметрик суюқлик оқими сарфини ўлчашда аниқлигининг юқорилиги ҳамда бутун ўлчаш диапазонида чизиқли статик тавсифларга эга бўлган янги суюқлик сарфини ўлчовчи ҳалқасимон каналли электромагнит ўзгартиргич “Бирлашган энергия хизмати” шаҳар сув таъминоти тизимига жорий этилган (“Навоий кон-металлургия комбинати” давлат корхонасининг 2019 йил 21 октябрдаги 01-01-10/13380-сон маълумотномаси). Илмий тадқиқот натижасида суюқлик сарфини ўлчовчи ҳалқасимон каналли электромагнит ўзгартиргич сезгирлигини ошириш, асимметрик суюқлик оқими сарфини ўлчашдаги хатоликни камайтириш ва бутун ўлчаш диапазонида статик тавсифининг чизиқлилигини таъминлашган эришилган; 
электромагнит ўлчаш ўзгартиргичларининг кўп контурли ва тарқоқ параметрли электромагнит занжирларини ҳисоблаш усули “Бирлашган энергия хизмати” шаҳар сув таъминоти тизимига жорий қилинган (“Навоий кон-металлургия комбинати” давлат корхонасининг 2019 йил 21 октябрдаги 01-01-10/13380-сон маълумотномаси). Натижада кўп контурли ва параметрлари тарқоқ жойлашган магнит занжирларини ҳисоблаш кетма-кетлигини ишлаб чиқиш имкони яратилган;
электр ва магнит занжирлар параметрлари тақсимланишини ҳисобга олган ҳолда янги суюқлик сарфини ўлчовчи ҳалқасимон каналли электромагнит ўзгартиргичларнинг математик модели “Бирлашган энергия хизмати” шаҳар сув таъминоти тизимига жорий қилинган (“Навоий кон-металлургия комбинати” давлат корхонасининг 2019 йил 21 октябрдаги 01-01-10/13380-сон маълумотномаси). Натижада яратилган ўзгартиргич қўлланиладиган тизим сифат кўрсаткичларини ҳисоблаш аниқлигини ошириш имкони яратилган.