Шодиев Маъруфжон Кобулжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Узлуксиз технологик жараёнларни назорат қилиш учун виртуал анализаторларни қуриш ва яратиш концепцияси», 05.03.01–Асбоблар. Ўлчаш ва назорат қилиш усуллари (техника фанлари).
Диссертация мавзуси рўйхатга олинган рақам: B2019.4.PhD/T342.
Илмий раҳбар: Юсупбеков Азизбек Нодирбекович, техника фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.27.06.2017.Т.03.02.
Расмий оппонентлар: Матякубова Парахат Майлиевна, техника фанлари доктори, профессор; Юнусов Исмат Инагамович, техника фанлари номзоди, доцент.
Етакчи ташкилот: Навоий давлат кончилик институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: технологик жараёнлар ва ишлаб чиқаришни назорат қилиш ва такомиллаштирилган бошқаришга мўлжалланган замонавий виртуал анализаторларни қўллашнинг муаммоли масалаларига самарали ечим берадиган концепцияни ишлаб чиқишдан иборат. 
III. Тадқиқотнинг илмий янгилиги: 
ўлчанмайдиган, қийин ёки паст частота билан ўлчанадиган параметрларни, жумладан маҳсулот сифатини баҳолаш учун таркибида виртуал анализаторлари бўлган такомиллаштирилган илғор бошқариш тизими синтезланган; 
юқори мослашувчанликка эга виртуал анализаторлар қуриш концепцияси ишлаб чиқилган;
сифатнинг виртуал анализаторларини қуриш ва яратишнинг ташқи ғалаёнлар ўзгаришига мослашувчанлигини таъминловчи концепция ишлаб чиқилган;
ташқи ғалаёнларга турғун бўлган виртуал анализаторларни қуриш концепцияси ишлаб чиқилган; 
технологик жараёнларни назорат қилишнинг виртуал анализаторларини адаптациялаш алгоритми ишлаб чиқилган; 
виртуал анализаторларнинг фаолият кўрсатиш муддатини узайтириш усули ишлаб чиқилган.
IV. Тадқиқот натижаларининг жорий қилиниши. 
Ишлаб чиқариш ва технологик жараёнларни такомиллаштирилган бошқариш тизими таркибидаги виртуал анализаторларни қуриш ва яратиш концепциясини ишлаб чиқишга бағишланган илмий тадқиқот натижалари асосида:
сифатнинг виртуал анализаторларини қуриш ва яратишнинг ташқи ғалаёнлар ўзгаришига мослашувчанлигини таъминловчи концепция «ОНИКС-Тошкент» МЧЖда жорий қилинган («O‘zAvtosanoat» АЖнинг 2019 йил 6 ноябрдаги 09/03-25-2524-сон маълумотномаси). Натижада ишлаб чиқарилаётган тайёр маҳсулот сифатини ошириш имконини берган ва яроқсиз маҳсулот чиқиши камайган; 
ташқи ғалаёнларга турғун бўлган виртуал анализаторларни қуриш концепцияси “ОНИКС-Тошкент” МЧЖда жорий қилинган («O‘zAvtosanoat» АЖнинг 2019 йил 6 ноябрдаги 09/03-25-2524-сон маълумотномаси). Натижада тайёр маҳсулот сифатини башорат қилиш имкони яратилган;
технологик жараёнларни назорат қилишнинг виртуал анализаторларини адаптациялаш алгоритми «ОНИКС-Тошкент» МЧЖда шиша ишлаб чиқариш жараёнига жорий қилинган («O‘zAvtosanoat» АЖнинг 2019 йил 6 ноябрдаги 09/03-25-2524-сон маълумотномаси). Натижада тайёр маҳсулот сифатини таҳлил қилувчи виртуал анализаторни хизмат кўрсатиш муддатини узайтириш имконини берган.