Камилов Шукрулло Хабибиллаевичнинг
фалсафа доктори  (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Қадимий қоришмаларни тадқиқ қилиш ва тарихий обидаларни таъмирлаш учун уларнинг янги таркибларини ишлаб чиқиш», 05.09.05–Қурилиш материаллари ва буюмлари (техника фанлари).
Диссертация мавзуси рўйхатга олинган рақам: B2019.2.PhD/T1225.
Илмий раҳбар: Тулаганов Абдикабил Абдунабиевич, техника фанлари доктори, профессор.
Диссертация бажарилган муассаса номи: Тошкент архитектура-қурилиш институти.
ИК фаолият кўрсатаётган муассасалар номи, ИК рақами: Тошкент архитектура-қурилиш институти, Тошкент темир йўл муҳандислари институти, Самарқанд давлат архитектура-қурилиш институти ва Наманган муҳандислик-қурилиш институти, DSc.27.06.2017.Т.11.01.
Расмий оппонентлар: Ҳасанов Баҳридин Баратович, техника фанлари доктори, профессор; Махаматалиев Иркин Муминович, техника фанлари номзоди, профессор.
Етакчи ташкилот номи: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ишратхона мақбарасини барпо этишда фойдаланилган қурилиш қоришмаларини тадқиқ этиш ва таъмирлаш учун тарихий қоришмаларга мос қоришма таркибларини ишлаб чиқишдан иборат. 
III. Тадқиқотнинг илмий янгилиги: 
тарихий технология бўйича пиширилган гипсда кўп компонентли маҳсулот ҳосил бўлишини ҳисобга олган ҳолда қоришманинг гидратацияси икки босқичда рўй бериши назарий жиҳатдан асосланган; 
тарихий технология бўйича пиширилган гипс таркибини асосан юқори ҳароратда пишган  гипс ташкил этиши аниқланган; 
тарихий обидадаги фойдаланиладиган жойини ҳисобга олган ҳолда таъмирлаш учун қурилиш қоришмаларининг таркиблари ишлаб чиқилган;
гипс асосида таъмирлаш учун кўп компонентли гипс ва минерал қўшимчалардан фойдаланиш ҳисобига қоришмаларнинг мустаҳкамлиги ва сув таъсирига чидамлилиги оширилган.
IV. Тадқиқот натижаларининг жорий қилиниши. 
Қадимий қоришмаларни тадқиқ қилиш ва тарихий обидаларни таъмирлаш учун уларнинг янги таркибларини ишлаб чиқиш бўйича олинган илмий натижалар асосида:
таъмирлаш учун ишлаб чиқилган қурилиш қоришмаларининг таркиблари Самарқанд шаҳридаги Ишратхона мақбарасини консервациялашда жорий қилинган (Ўзбекистон Республикаси Маданият вазирлиги Маданий мерос департаментининг 2019 йил 10 октябрдаги 01-01/676-сон маълумотномаси). Натижада мақбаранинг умрбоқийлиги ва консервациялаш ишлари сифати оширилган;
тарихий ёдгорликларни таъмирлаш учун гипс асосидаги қурилиш қоришмаларини тайёрлаш ва фойдаланиш бўйича услубий кўрсатмалар “Madaniy meros LITI” МЧЖ ва “Маданий меърос таъмирлаш-тиклаш” ДУКда жорий қилинган (Ўзбекистон Республикаси Маданият вазирлиги Маданий мерос департаментининг 2019 йил 10 октябрдаги 01-01/676-сон маълумотномаси). Натижада лойиҳа ишларини бажаришдаги самарадорликни 1,2 марта ошириш имконини берган. 
ишлаб чиқилган гипс таркибли қурилиш қоришмаларининг таркиблари “Madaniy meros LITI” МЧЖ ва “Маданий меърос таъмирлаш-тиклаш” ДУКда жорий қилинган (Ўзбекистон Республикаси Маданият вазирлиги Маданий мерос департаментининг 2019 йил 10 октябрдаги 01-01/676-сон маълумотномаси). Натижада таъмирлаш учун қурилиш қоришмаси таркибларини ишлатиладиган жойига қараб белгилаш имконини берган.