Нурымбетова Эльмира Жумамуратовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ички ишлар органлари ходимларининг касбий шаклланиш динамикасининг ижтимоий-психологик хусусиятлари», 19.00.03–Инсон касбий фаолияти психологияси (юридик психология) (психология фанлари).
Диссертация мавзуси рўйхатга олинган рақам: B2019.3.PhD/Psi4.
Илмий раҳбар: Сафаев Нуриддин Салихович, психология фанлари доктори, профессор.
Диссертация бажарилган муассаса номи: Тошкент давлат педагогика университети
ИК фаолият кўрсатаётган муассаса номи, ИК рақами: Ўзбекистон Миллий университети,  DSc.27.06.2017.Psi01.07.
Расмий оппонентлар: Эргашев Пулат Собирович, психология фанлари доктори; Агзамова Елена Юрьевна, психология фанлари номзоди, доцент.
Етакчи ташкилот: Ўзбекистон Республикаси Ички ишлар вазирлиги Академияси.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ички ишлар органлари ходимларининг касбий шаклланиш динамикасида ижтимоий-психологик хусусиятларини аниқлаш ва уларни тадқиқ этишнинг услубий жиҳатларини такомиллаштиришдан иборат.
III. Тадқиқотнинг илмий янгилиги:
ички ишлар органлари ходимлари фаолиятида касбий-муҳим шахсий сифатлар низоли вазиятларда жавоб бериш типлари, шахсий хавотирланиш, ҳиссий ҳолат, мотивация ва масъулиятлилик хусусиятлари намоён бўлишининг қиёсий таҳлилига йўналтирилган шахс хусусиятлари динамикаси аниқланган;
ички ишлар органлари ходимлари фаолиятида хавотирланишнинг ўрта даражаси, низоли вазиятларда жавоб беришнинг «ҳамкорлик» типи, «муваффақиятга интилиш» ва «муваффақиятсизликдан қочиш» мотивацион тенденциялари, юқори масъулият, конструктив ҳиссий ҳолат мавжудлиги ва намоён бўлиши аниқланган;
ички ишлар органи ходимлари фаолиятининг касбий шаклланишини белгиловчи таваккалчиликка мойиллик, ижобий мотивация, мураккаб касбий топшириқларни танлаш ва қарор қабул қилишда жавобгарлик, ўз касбининг муҳимлигини англаш, жамоавий иш каби ижтимоий-психологик хислатлар очиб берилган;
низоли вазиятларни тартибга солиш, меҳнат фаолиятида “ўзини” англашни ривожлантирувчи хулқ-атвор компонентлари ишлаб чиқилган.
IV. Тадқиқот натижаларининг жорий қилиниши:
Ички ишлар органлари ходимларининг касбий шаклланиш динамикасининг ижтимоий-психологик хусусиятлари бўйича олинган илмий натижалар асосида:  
ички ишлар органлари ходимлари фаолиятида касбий-муҳим шахсий сифатлар низоли вазиятларда жавоб бериш типлари, шахсий хавотирланиш, ҳиссий ҳолат, мотивация ва масъулиятлилик хусусиятлари намоён бўлишининг қиёсий таҳлилига йўналтирилган шахс хусусиятларининг динамикаси аниқланганлигига доир олинган натижалар Республика болалар ижтимоий мослашув маркази «Ижтимоий ҳимояга муҳтож ва ҳуқуқий жиҳатдан хатарли гуруҳларга кирадиган болаларга психологик хизмат кўрсатишда мутахассислар тизимини (ички ишлар органлари ходимлари) тайёрлаш ва қайта тайёрлаш” йўналиши ҳамда марказ филиаллари амалиётига татбиқ этилган (Республика болалар ижтимоий мослашув марказининг 2019 йил 14 октябрдаги 01/451-сон маълумотномаси). Натижада соҳа вакиллари учун касбий шахсий сифатларини шакллантириш ишларининг илмий-методик тавсиялари кучайтирилган;
ички ишлар органлари ходимлари фаолиятида хавотирланишнинг ўрта даражаси, низоли вазиятларда жавоб беришнинг «ҳамкорлик» типи, ички ишлар шахсининг «муваффақиятга интилиш» ва «муваффақиятсизликдан қочиш» мотивацион тенденциялари, юқори масъулият, конструктив ҳиссий ҳолат аниқланганлигига доир олинган натижалар Республика болалар ижтимоий мослашув маркази «Ижтимоий ҳимояга муҳтож ва ҳуқуқий жиҳатдан хатарли гуруҳларга кирадиган болаларга психологик хизмат кўрсатишда мутахассислар тизимини (ички ишлар органлари ходимлари) тайёрлаш ва қайта тайёрлаш” йўналиши ҳамда марказ филиаллари амалиётига татбиқ этилган (Республика болалар ижтимоий мослашув марказининг 2019 йил 14 октябрдаги  01/451-сон маълумотномаси). Натижада соҳа вакилларида психологик хусусиятларини ривожлантириш бўйича профилактика ишлари кучайтирилган;
ички ишлар органи ходимлари фаолиятининг касбий шаклланишини белгиловчи таваккалчиликка мойиллик, ижобий мотивация, мураккаб касбий топшириқларни танлаш ва қарор қабул қилишда жавобгарлик, ўз касбининг муҳимлигини англаш, жамоавий иш каби ижтимоий-психологик хислатлар очиб берилганлигига доир олинган натижалар Психология ўқув-илмий маркази амалий фаолиятига жорий қилинган (Психология ўқув-илмий марказининг 2019 йил 13 ноябрдаги ПМ-11сон маълумотномаси). Натижада тингловчилар, амалиётчи психологлар фаолиятида шахслараро муносабатларни шакллантиришга оид илмий, ўқув-методик таъминоти кучайтирилган, бу ўз навбатида касбий мулоқот самарадорлигини таъминлашга хизмат қилган;
низоли вазиятларни тартибга солиш, меҳнат фаолиятида «ўзини» англашни ривожлантирувчи хулқ-атвор компонентлари ишлаб чиқилганлигига доир олинган натижалар Психология ўқув-илмий маркази фаолиятига жорий қилинган  (Психология ўқув-илмий марказининг 2019 йил 13 ноябрдаги № ПМ-11сон маълумотномаси). Натижада курс тингловчиларининг касбий фаолияти давомида самарадорликни кучайтиришга оид билимларини кенгайтиришга имконияти яратилган.