Мамажанов Ғуломжон Одилжоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Нитро- ва диацетат целлюлозаларидан лак-бўёқ материалларини олиш технологиясини яратиш», 02.00.14–Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: B2019.3.PhD/Т976. 
Илмий раҳбар: Мирзакулов Холтура Чориевич, техника фанлари доктори, профессор.
Диссертация бажарилган муассаса номи: Наманган давлат университети.
ИК фаолият кўрсатаётган муассаса (муассасалар) номи, ИК рақами: Термиз давлат университети, Тошкент кимё-технология илмий-тадқиқот институти, PhD.29.12.2018.T.78.01. 
Расмий оппонентлар: Каримов Масъуд Убайдулла ўғли, техника фанлари доктори, катта илмий ходим; Сидиқов Абдужалил Сидиқович, кимё фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: таркибида целлюлоза тутган иккиламчи хомашё асосида хоссаларини яхшилаш билан нитробўёқлар (каллоксилин) ва ацетат бўёқларини ишлаб чиқариш технологиясини яратиш ва олишдан иборат.
III. Тадқиқотнинг илмий янгилиги:
янги усул асосида паст концентрацияли нитрат кислотаси иштирокида нитро- ва диацетат целлюлоза синтез қилинган;
синтез қилинган целлюлоза эфирлари таркибининг ҳароратга, синтез давомийлигига, компонентларнинг дастлабки нисбатиига ва муҳитнинг рН-га боғлиқлиги аниқланган;
паст концентрацияли кислоталар иштирокида нитро- ва диацетат целлюлозалар олиш жараёни асосланган, уларнинг структуравий таҳлили ва термик барқарорлиги исботланган;
нитратлаштирувчи восита сифатида паст концентрацияли нитрат кислотасининг киритилиши целлюлоза нитратининг олинишига ва улар асосидаги материалларнинг эксплуатацион хоссаларининг яхшиланишига олиб келиши исботланган;
нитро- ва диацетат целлюлозалар олишнинг технологик усули ва паст концентрацияли кислоталар иштирокида целлюлоза эфирларини олиш жараёнининг мақбул технологик параметрлари аниқланган.
IV. Тадқиқот натижаларининг жорий қилиниши.
Нитро- ва диацетат целлюлозаларидан лак-буёқ материалларини олиш технологиясини ишлаб чиқиш бўйича олинган илмий натижалар асосида:
паст концентрацияли нитрат кислотаси ва целлюлозали иккиламчи маҳсулотлардан нитроцеллюлозалар олиш технологияси «Farg’onaazot» АЖнинг «амалиётга жорий қилиш бўйича истиқболли ишланмалар рўйхати»га киритилган («O’zkimyosanoat» АЖнинг 2019 йил 9 декабрдаги 14-7551-сон маълумотномаси). Натижада нитро- ва диацетат целлюлоза эфирларининг физик-кимёвий хоссаларини яхшилаш имконини берган;
таркибида целлюлоза тутган маҳсулотларни нитролаш жараёнининг технологик параметрлари «Farg’onaazot» АЖнинг «амалиётга жорий қилиш бўйича истиқболли ишланмалар рўйхати»га киритилган («O’zkimyosanoat» АЖнинг 2019 йил 9 декабрдаги 14-7551-сон маълумотномаси). Натижада нитроцеллюлоза ва диацетат целлюлозалар асосида лак-бўёқ маҳсулотлари ишлаб чиқариш имконини беради.