Уразалиев Камолиддин Тажикуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Электрон тижорат ва уни солиққа тортиш масалалари”, 08.00.07–Молия, пул муомаласи ва кредит (иқтисодиёт фанлари).
Диссертация мавзуси рўйхатга олинган рақам: B2018.3.PhD/Iqt724.
Илмий раҳбар: Тошматов Шухрат Амонович, иқтисодиёт фанлари доктори, профессор.
Диссертация бажарилган муассаса номи: Тошкент молия институти.
ИК фаолият кўрсатаётган муассаса номи, ИК рақами: Тoшкeнт мoлия институти, DSc.27.06.2017.I.17.01.
Расмий оппонентлар: Жумаев Нодир Хосиятович, иқтисодиёт фанлари доктори, профессор; Тўраев Шавкат Шухратович, иқтисодиёт фанлари номзоди, доцент.
Етакчи ташкилот: Тошкент давлат иқтисодиёт университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ўзбекистонда электрон тижорат субъектларини солиққа тортишни такомиллаштиришга қаратилган таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
электрон тижоратда тадбиркорлик субъектлари фаолиятини кенгайтиришни солиққа тортиш тизими орқали рағбатлантириш таклиф этилган;
солиққа тортишда электрон тижорат субъектлари тоифасига киритиш мезонлари электрон савдо майдончалари, товарларни етказиб бериш, электрон ҳужжатлар ва хабарларни сақлаш хизматлари асосида такомиллаштирилган;
электрон тижорат соҳасида фаолият кўрсатаётган субъектларга пасайтирилган солиқ ставкаларини жорий этиш асосида ягона солиқ тўловини тўлаш таклиф этилган;
электрон тижорат ривожланишининг мақсадли таҳлили электрон тижорат соҳасидаги субъектларнинг фаолиятини тизимли мониторингини олиб бориш ва самарали баҳолаш асосида такомиллаштирилган.
IV. Тадқиқот натижаларининг жорий қилиниши:
Электрон тижорат ва уни солиққа тортишни такомиллаштириш бўйича олинган илмий натижалар асосида:
электрон тижорат соҳасидаги тадбиркорлик субъектлари, жумладан, ахборот воситачилари фаолиятини кенгайтиришни солиққа тортиш тизими орқали рағбатлантириш юзасидан, хусусан, ушбу соҳада фаолият кўрсатаётган субъектларга солиққа тортишда енгиллаштирилган тартибни жорий этиш бўйича таклиф Ўзбекистон Республикаси Президентининг 2018 йил 14 майдаги “Электрон тижоратни жадал ривожлантириш чора-тадбирлари тўғрисида”ги ПҚ-3724-сон қарорида ўз аксини топган (Давлат солиқ қўмитасининг 2019 йил 30 июлдаги 19-22470-сон маълумотномаси). Ушбу таклиф асосида электрон тижорат иштирокчиларининг миллий реестрига киритилган юридик шахслар ва хусусий тадбиркорлар учун енгиллаштирилган тартиб бўйича ягона солиқ тўлови тўлаши белгиланган;
солиққа тортиш мақсадида электрон тижорат субъектлари тоифасига киритиш мезонларини аниқлаштириш ва белгилаш юзасидан таклиф Ўзбекистон Республикаси Президентининг 2018 йил 14 майдаги “Электрон тижоратни жадал ривожлантириш чора-тадбирлари тўғрисида”ги ПҚ-3724-сон қарорида ўз аксини топган (Давлат солиқ қўмитасининг 2019 йил 30 июлдаги 19-22470-сон маълумотномаси). Натижада товар(хизмат)ларни электрон тижорат орқали сотишдан олган даромадлари умумий сотилган товарлар (хизматлар) ҳажмининг камида 80 фоизини ташкил этувчи, шу жумладан, электрон тижоратда электрон савдо майдончалари, товарларни етказиб бериш, электрон ҳужжатлар ва хабарларни сақлаш хизматларини кўрсатувчи тадбиркорлар электрон тижорат субъектлари тоифасига киритилган;
солиққа тортиш тизими орқали электрон тижорат соҳасидаги тадбиркорлик субъектлари фаолиятини рағбатлантириш юзасидан, хусусан, ушбу соҳада фаолият кўрсатаётган субъектларга пасайтирилган солиқ ставкаларини жорий этиш бўйича таклиф Ўзбекистон Республикаси Президентининг 2018 йил 14 майдаги ПҚ-3724-сон қарорида ўз аксини топган (Давлат солиқ қўмитасининг 2019 йил 30 июлдаги 19-22470-сон маълумотномаси). Ушбу таклифнинг жорий этилиши электрон тижорат иштирокчиларининг миллий реестрига киритилган юридик шахслар ва хусусий тадбиркорлар учун 2 фоизли ставкада ягона солиқ тўлови белгилаш имконияти яратилган;
электрон тижорат субъектлари фаолиятини самарали ўрганиш мақсадида электрон тижорат иштирокчиларининг миллий реестрини яратиш бўйича таклиф Ўзбекистон Республикаси Президентининг 2018 йил 14 майдаги “Электрон тижоратни жадал ривожлантириш чора-тадбирлари тўғрисида”ги  ПҚ-3724-сон қарорининг 8-бандига киритилган (Давлат солиқ қўмитасининг 2019 йил 30 июлдаги 19-22470-сон маълумотномаси). Мазкур таклиф асосида электрон тижорат иштирокчилари тўғрисидаги ягона электрон ахборот банкини яратиш, электрон тижоратни жорий этиш ва ривожлантириш ҳолатининг тизимли мониторингини олиб бориш ва баҳолаш, шу жумладан, ахборот тизимлари ва ресурсларини жорий қилишнинг самарадорлигини ўрганиш, электрон тижоратни самарали ривожлантириш учун мақсадли таҳлилни олиб бориш имконияти яратилган.