Халилов Нурулло Хамидиллаевичнинг 
фалсафа доктори (РhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Маҳсулотлар рақобатбардошлигини оширишда сифатни бошқариш тизимини такомиллаштириш (Андижон вилояти саноат корхоналари мисолида)», 08.00.13–Менежмент (иқтисодиёт фанлари).
Диссертация мавзуси рўйхатга олинган рақам: В2019.2.PhD/Iqt88.
Илмий раҳбар: Сотволдиев Абдулазиз Абдимўминович, иқтисодиёт фанлари доктори, профессор.
Диссертация бажарилган муассаса номи: Андижон машинасозлик институти.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.10.12.2019.I.16.01.
Расмий оппонентлар: Йўлдошев Нуриддин Қурбонович, иқтисодиёт фанлари доктори, профессор; Отажонов Шухрат Ибрайимжонович, иқтисодиёт фанлари доктори.
Етакчи ташкилот: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: саноат корхоналарида маҳсулотлар рақобат-бардошлигини оширишда сифатни бошқариш тизимини такомиллаштириш бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
саноат корхоналарида маҳсулотлар сифатини бошқариш тизимининг ташкилий механизми корхонада меҳнат тақсимоти ва кооперациясини ташкил этиш, барча тоифадаги ишчи ходимларнинг касбий-малакавий маҳоратини ошириш асосида такомиллаштирилган;
саноат корхоналарида маҳсулотлар сифатини  бошқариш тизимининг иқтисодий механизми корхонада маҳсулот сифатини яхшилашдан ишчи ходимларнинг моддий манфаатдорлигини ошириш ва рағбатлантириш тизимини йўлга қўйиш асосида такомиллаштирилган;
саноат корхоналарида  маҳсулотлар сифатини бошқариш тизимининг мантиқий-тузилмавий модели ташкилий, иқтисодий, техник ва технологик кўрсаткичлар асосида такомиллаштирилган;
ҳудудий саноат корхоналарида сифат бошқаруви самарадорлигини баҳолаш мезони корхона фондларининг эскириш даражаси кўрсаткичи, экспорт салоҳияти билан боғлиқ кўрсаткичлар ва аҳоли жон бошига тўғри келувчи ялпи ҳудудий маҳсулотнинг ўсиш кўрсаткичи асосида такомиллаштирилган; 
IV. Тадқиқот натижаларининг жорий қилиниши. 
Маҳсулотлар рақобатбардошлигини оширишда сифатни бошқариш тизимини такомиллаштириш бўйича олинган илмий натижалар асосида:
саноат корхоналарида маҳсулотлар сифатини бошқариш тизимининг ташкилий механизмини корхонада меҳнат тақсимоти ва кооперациясини ташкил этиш, барча тоифадаги ишчи ходимларнинг касбий-малакавий маҳоратини ошириш бўйича берилган таклифлар «GM Uzbekistan» АЖ тизимидаги «УзХанВу» қўшма корхонаси фаолиятига жорий этилган («GM Uzbekistan» АЖнинг 2019 йил 7 мартдаги 110-6535-сон маълумотномаси). Ушбу таклифларни амалиётга жорий этилиши ишлаб чиқарилаётган маҳсулот турини 32 хилдан 52 хилга ошириш ҳамда бошқарув харажатларини 21,7 фоизга камайтириш имконини берган;
саноат корхоналарида маҳсулотлар сифатини  бошқариш тизимининг иқтисодий механизмини корхонада маҳсулот сифатини яхшилашдан ишчи ходимларнинг моддий манфаатдорлигини ошириш ва рағбатлантириш тизимини йўлга қўйиш асосида такомиллаштириш бўйича берилган таклифлар «GM Uzbekistan» АЖ тизимидаги корхоналар фаолиятига жорий этилган («GM Uzbekistan» АЖнинг 2019 йил 7 мартдаги 110-6535-сон маълумотномаси). Натижада «Равон тараққиёт орзуси» масъулияти чекланган жамиятида маҳсулот ишлаб чиқаришда нуқсонлар вужудга келишини олдини олишга ажратиладиган харажатлар ҳажмини камайтириш орқали 300,0 млн. сўм қўшимча иқтисодий самарадорликка эришилган;
саноат корхоналарида  маҳсулотлар сифатини бошқариш тизимининг мантиқий-тузилмавий моделини ташкилий, иқтисодий, техник ва технологик кўрсаткичлар асосида такомиллаштириш бўйича берилган таклифлар «GM Uzbekistan» АЖ тизимидаги «Sing Lida» масъулияти чекланган жамиятининг бошқарув фаолиятига жорий этилган («GM Uzbekistan» АЖнинг 2019 йил 7 мартдаги 110-6535-сон маълумотномаси). Натижада «Sing Lida» масъулияти чекланган жамиятида бошқарув харажатлари 18,1 фоизга камайган;
ҳудудий саноат корхоналарида сифат бошқаруви самарадорлигини баҳолаш мезонини корхона фондларининг эскириш даражаси кўрсатқичи, экспорт салохияти билан боғлиқ кўрсатқичлар ва аҳоли жон бошига тўғри келувчи ялпи ҳудудий маҳсулотнинг ўсиш кўрсатқичи асосида такомиллаштириш бўйича берилган таклифлар «GM Uzbekistan» АЖ тизимидаги «AUTO FORTIS» МЧЖда сифатни бошқариш жараёнига жорий этилган («GM Uzbekistan» АЖнинг 2019 йил 7 мартдаги 110-6535-сон маълумотномаси). Натижада «AUTO FORTIS» МЧЖда сифатни бошқариш харажатларини 17,8 фоизга камайтиришга ва 132,8 млн. сўм қўшимча даромад олишга эришилган.