Тошметов Убайдулло Хамидуллоевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Шарқий Ўзбекистоннинг Чотқол-Пском минтақасидаги скарнли ва грейзенли ноёб металлли маъданлашувининг башоратли қидирув комплекси”, 04.00.02 – Қаттиқ фойдали қазилма конларининг геологияси, уларни қидириш ва разведка қилиш. Металлогения ва геокимё (геология-минералогия фанлари).
Диссертация мавзуси рўйхатга олинган рақам: B2025.4.PhD/GM292.
Илмий раҳбар: Пирназаров Мажид Махкамович, геология-минералогия фанлари доктори, профессор.
Диссертация бажарилган муассаса номи: “Минерал ресурслар институти” давлат муассасаси.
ИК фаолият кўрсатаётган муассаса номи, ИК рақами: “Минерал ресурслар институти” ДМ, DSc.31/2025.27.12.GM.02.01.M.
Расмий оппонентлар: Карабаев Маматхон Садирович - геология-минералогия фанлари доктори, профессор; Жанибеков Бобур Омонович - геология-минералогия фанлари бўйича фалсафа доктори (PhD), доцент.
Етакчи ташкилот: “Ўзбек геология қидирув” АЖ.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Чотқол-Пском минтақасида нодир металлар маъданлашувининг маъдан-формация турлари, минералогик-геокимёвий шаклланиш кетма-кетлигини, жойлашиш қонуниятларини баҳолаш ва истиқболларини ўрганишдан иборат.
III. Тадқиқотнинг илмий янгилиги:
Чотқол-Пском минтақасидаги Ташкерган, Дайкали, Саргардон 
ва Кошмансой ноёб металли конларнинг комплекс маъдан-формацион туркумлари тузилган;
ноёб металли маъданларнинг асосий ва йўлдош критик элементларининг латерал ва чуқур геокимёвий зоналлик қаторлари (профиллари) ва кўрсаткичлари аниқланган;
ноёб металли майдонларни баҳолаш омиллари тизими ва уларнинг истиқболлигини баҳолаш тизими ишлаб чиқилган.
IV. Тадқиқот натижаларининг жорий қилиниши. Чотқол-Пском минтақасидаги нодир металл конларининг геологик тузилиши, маъдандорлиги ва истиқболларини ўрганиш бўйича олинган илмий натижалар асосида:
Ташкерган, Дайкали, Саргардон ва Кошмансой конларининг генетик ҳамда маъдан-формацион белгилари “Ўзбек геология қидирув” АЖ фаолиятига жорий этилган (Ўзбекистон Республикаси Тоғ-кон саноати ва геология вазирлигининг 2025 йил 30 октябрдаги № 08-3982-сонли маълумотномаси). Натижалар конларнинг атроф ҳудудлари ва чуқур горизонтларидаги нодир металл маъданлашуви истиқболларини кенгайтириш имконини берган.
Чотқол-Пском минтақасидаги нодир металл маъданлашувини башорат-қидирув ишлари комплекси “Ўзбек геология қидирув” АЖ фаолиятига жорий этилган (Ўзбекистон Республикаси Тоғ-кон саноати ва геология вазирлигининг 2025 йил 30 октябрдаги № 08-3982-сонли маълумотномаси). Натижалар ноёб (критик) металларни қидириш бўйича дала экспедицияларида қидирув ишларининг самарадорлигини оширишга хизмат қилган.
Ташкерган, Дайкали, Саргардон ва Кошмансой конларининг вольфрам, молибден, ниобий, висмут ва бериллий билан боғлиқ комплекс маъданларга бўлган салоҳиятини саноат миқёсида қайта баҳолаш бўйича тавсиялар «Ўзбек геология қидирув» АЖ фаолиятига жорий этилган (Ўзбекистон Республикаси Тоғ-кон саноати ва геология вазирлигининг 2025 йил 30 октябрдаги № 08-3982-сонли маълумотномаси). Натижада маъдандорлик салоҳиятини кенгайтириш ва конларнинг геологик-иқтисодий баҳолаш кўрсаткичларини яхшилаш имконини берган.