Абдуллаева Муслима Ахадовнанинг
фалсафа доктори (PhD) диссертацияси ҳимояси ҳақида эълон
 

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Носпецифик аортоартериити бор беморларда даво натижасидаги эндотелиал дисфункция ва иммунологик кўрсаткичлар», 14.00.36–Аллергология ва иммунология (тиббиёт фанлари).
Диссертация мавзуси рўйхатга олинган рақам: B2018.4.PhD/Tib298.
Илмий раҳбар: Абдурахманов Маъмур Мустафаевич, тиббиёт фанлари доктори.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса номи, ИК рақами: Иммунология ва инсон геномикаси институти, DSc.30.08.2018.Tib.50.01.
Расмий опонентлар: Уразметова Маиса Дмитриевна, тиббиёт фанлари доктори, профессор; Гулямов Наримон Гулямович, тиббиёт фанлари доктори, профессор.
Етакчи ташкилот: Тошкент педиатрия тиббиёт институти
Диссертация йўналиши: амалий аҳамиятга молик.
II. Тадқиқотни мақсади: носпецифик аортоартериити бор беморларда даволашдан олдин ва кейин эндотелиал дисфункция ва иммунологик кўрсаткичларни аниқлашдан иборат.
III. Тадқиқотнинг илмий янгилиги:
илк бор носпецифик аортоартериит бўлган беморларда иммун тизим ва қон томирлар эндотелийси дисфункцияси кўрсаткичлари миқдори ўзаро пропорционал ортиши аниқланган;
илк бор носпецифик аортоартериити бўлган беморларда артериал гипертензия босқичлари ривожланиши қонда эндотелин-1 миқдорининг ишонарли ортишига боғлиқлиги аниқланган;
яллиғланишга хос цитокинлар миқдорининг кескин ортиши, қон реологиясини бузилиши, томирлар тонуси ва қаршилигининг ортиши ҳамда ремоделлашув жараёнларини кучайтириши аниқланган;
томирлар девори эндотелиясидаги ўзгаришлар оғирлик даражасининг ортиши вазоконстрикция жараёни, лейкоцитлар адгезияси ва тромблар ҳосил бўлишининг кучайиши билан тўғри пропорционал боғлиқлиги асосланган.
IV. Тадқиқот натижаларининг жорий қилиниши.
Носпецифик аортоартериити бор беморларда даво натижасидаги эндотелиал дисфункция ва иммунологик кўрсаткичларни аниқлаш бўйича олинган илмий натижалар асосида:
«Носпецифик аортоартериит билан оғриган беморларни экватор ва плавикс билан комплекс даволашда иммун статус кўрсаткичлари ва эндотелий функциясининг динамикаси» услубий қўлланмаси тасдиқланган (Соғлиқни сақлаш вазирлигининг 2018 йил 23 октябрдаги 8н-д/220-сон маълумотномаси). Мазкур услубий қўлланма носпецифик аортоартериит билан оғриган беморларда иммун ҳолат кўрсаткичларини ва эндотелий фаолиятининг динамикасини аниқлаш, ташхислаш, касаллик кечишини башорат қилиш ва ўз вақтида даволаш чора-тадбирларини қўллашга хизмат қилган;
носпецифик аортоартериити бор беморларда даво натижасидаги эндотелиал дисфункция ва иммунологик кўрсаткичларни аниқлаш бўйича олинган илмий натижалар соғлиқни сақлаш тизимига, жумладан, Республика шошилинч тиббий ёрдам илмий маркази Бухоро филиали ва Бухоро шаҳар тиббиёт бирлашмаси амалиётларига жорий этилган (Соғлиқни сақлаш вазирлигининг 2018 йил 23 октябрдаги 8н-д/220-сон маълумотномаси). Жорий қилинган натижалар носпецифик аортоартериити бор беморларни даволаш натижасида гипертензив ўзгаришларнинг олдини олиш, касаллик асоратларини камайтириш ҳисобига беморлар ўлими кўрсаткичларини пасайтириш ҳамда уларни стационарда даволаниш муддатини қисқартириш орқали 30% иқтисодий самарадорликка эришишга ва тиббий ёрдам кўрсатиш сифатини оширишга имконият яратган.