Буранов Самандар Бахтиёровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Шаҳар йўловчи транспорт тизимида йўловчилар оқимини шакллантириш масалалари (Тошкент шаҳри мисолида)”, 18.00.02 – “Раёнлаштириш. Шаҳарсозлик. Қишлоқ турар жойларини режалаштириш. Ландшафт архитектураси. Бино ва иншоотлар архитектураси” (техника фанлари) 
Диссертация мавзуси рўйхатга олинган рақам: В2025.3.PhD/Т6070  
Илмий раҳбар: Абдихалилов Фитрат Абдихалил ўғли, PhD, доцент.
Диссертация бажарилган муассаса номи: Тошкент архитектура-қурилиш университети.
ИК фаолият кўрсатаётган муассаса (муассасалар) номи, ИК рақами: Тошкент архитектура-қурилиш университети ҳузуридаги PhD.03/2026.09.01.Т.03.М рақамли Илмий кенгаш.
Расмий оппонентлар: Абдуназаров Жамшид Нурмухаматович, техника фанлари доктори, профессор.  Мусулманов Кувончбек Насруллаевич, техника фанлари бўйича фалсафа доктори (PhD), доцент.
Етакчи ташкилот: Қорақалпоқ давлат университети
Диссертация йўналиши. Техника йўналиши. Назарий ва амалий аҳамиятга молик.
II. Тадқиқотнинг мақсади: Шаҳар йўловчи транспорт тизимини фаолиятини такомиллаштиришда йўловчилар оқимини интеграллашган моделини ҳамда шаҳар кўча-йўлларининг тоифасидан келиб чиқиб алоҳида ҳаракат йўлкасига эга автобус йўлакларини режалаштириш бўйича таклиф лойиҳасини ишлаб чиқишдан иборат.
III. Тадқиқотнинг илмий янгилиги:
Тошкент шаҳри йўловчи транспорт тизимининг автобус йўналишларида йўловчилар оқими ва маршрут юналишидаги қатновлар ҳаракати, тезлиги, оралиқ вақт интервали йўловчи транспорт тизимининг самарадорлигига комплекс таъсири реал кўча шароитида экспериментал тадқиқотлар натижасида аниқланган;
Ҳудудлардаги потенсиал йўловчиларнинг оқими, сафар вақти, транспорт турини танлаш омилларидан келиб чиқиб, йўловчи транспорт тизимида йўловчилар оқимини шакллантиришнинг интеграллашган математик моделини ишлаб чиқилган; 
ГАТ (географик ахборот тизими) технологиялари асосида Тошкент шаҳри йўловчи транспорт тизимида автобус йўналишларининг бекатларида йўловчи айланмаси даржасни акс эттирувчи дастлабки картограммаси экспериментал тадқиқотлар натижасида ишлаб чиқилган;
Шаҳар кўча-йўл тармоғининг тоифасидан келиб чиқиб Тошкент шаҳри учун алоҳида ҳаракат йўлкасига эга автобус йўлакларини режалаштириш бўйича таклиф лойиҳасини ишлаб чиқилган;
Ишлаб чиқилган таклиф лойиҳа бўйича йўловчилар оқимини шакллантириш асосида йўловчи транспорт тизими самарадорлигини 20% оширишга эришилганлиги илмий асосланган.
IV.Тадқиқот натижаларининг жорий қилиниши. Шаҳар йўловчи транспорт тизимида йўловчилар оқимини шакллантириш бўйича олинган илмий натижалар асосида:
Тошкент шаҳри кўча-йўл тармоғининг тоифасидан келиб чиқиб магистрал кўча-йўл тармоғи учун алоҳида ҳаракат йўлкасига эга автобус йўлакларини режалаштиришга оид ечимлардан ШНҚ 2.07.06-24 «Шаҳар кўчалари ва йўллари. 3-қисм» шаҳарсозлик нормалари ва қоидаларини ишлаб чиқишда фойдаланилган (Ўзбекистон Республикаси Қурилиш ва уй-жой коммунал хўжалиги вазирлиги Техник меъёрлаш ва стандартлаштириш илмий-тадқиқот институтининг 2025-йил 1-декабрдаги 751-сон далолатномаси). Натижада алоҳида ҳаракат тасмасига эга автобус йўлаги (АҲТАЙ)да ҳаракатланувчи йўналишларнинг ҳаракат тезлиги 15 км/соатдан 19 км/соатгача оширишга эришилган;
Таклиф этилаётган алоҳида ҳаракат тасмасига эга автобус йўлакларида ҳаракатланаётган автобус маршрутларида йўловчилар сони 19,7% га ортишига эришилган ҳамда техник-иқтисодий самарадорликни қарийб 20% га оширишга эришилганлигининг амалий аҳамияти Ўзбекистон Республикаси Қурилиш ва уй-жой коммунал хўжалиги вазирлиги томонидан тасдиқланган (2026-йил 19-июндаги 34-06/8297-сон маълумотнома).