Шохимарданова Нигинабону Шавкатовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи номи): “Инновацион педагогик ёндашув асосида фанлар интеграциясини такомиллаштириш методикаси” мавзусидаги 13.00.02 – “Таълим ва тарбия назарияси ва методикаси” (педагогика фанлари).
Диссертация мавзуси рўйхатга олинган рақам: B2026.1.PhD/Ped12310.
Илмий раҳбарнинг Ф.И.Ш., илмий даражаси ва унвони: Чориев Рузимурат Кунгратович, педагогика фанлари доктори, профессор.
Диссертация бажарилган муассаса номи: Бухоро давлат техника университети.
ИК фаолият кўрсатаётган муассаса (муассасалар) номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети ҳузуридаги илмий даражалар берувчи DSc03/30.12.2019.Т.10.02 рақамли Илмий Кенгаш асосидаги бир марталик илмий кенгаш.
Расмий оппонентлар: Муслимов Шерзод Нарзулла ўғли, педагогика фанлари доктори (DSc), профессор; Шеров Анвар Гуламович, техника фанлари доктори, профессор. 
Етакчи ташкилот: Қарши давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади инновацион педагогик ёндашув асосида фанлар интеграциясини такомиллаштириш механизмларини ишлаб чиқиш ҳамда ушбу жараённинг самарали методик тизимини яратишдан иборат.
III. Тадқиқотнинг илмий янгилиги:
фанлар интеграцияси асосида бўлажак сув хўжалиги мутахассисларида касбий компетенцияларни шакллантиришнинг педагогик-психологик ва дидактик имкониятлари касбий фаолият талаблари ҳамда компетенциявий ёндашувнинг интегратив боғлиқлиги асосида аниқлаштирилган;
мутахассислик фанларини ўқитиш жараёнида педагогик таълим методларини ўзаро уйғунлаштириш асосида талабаларда муҳандислик ва агротехник йўналишдаги муаммоларни тизимли ҳамда комплекс ҳал этиш компетенцияларини шакллантиришга қаратилган методик ёндашув такомиллаштирилган;
мутахассислик фанлари ва рақамли технологияларни функционал интеграциялаш асосида бўлажак сув хўжалиги мутахассисларида касбий компетенцияларни шакллантиришнинг таркибий-мазмунли модели лойиҳалаштирилган ҳамда унинг самарадорлигини баҳолаш мезонлари ва кўрсаткичлари аниқлаштирилган;
интегратив ёндашув ҳамда рақамли-дидактик воситалар асосида мустақил таълимни ташкил этиш, бошқариш, мониторинг қилиш ва баҳолаш механизмининг касбий компетенцияларни ривожлантиришдаги самарадорлиги тажриба-синов ишлари орқали илмий жиҳатдан асосланган.
IV. Тадқиқот натижаларининг жорий қилиниши. “Инновацион педагогик ёндашув асосида фанлар интеграциясини такомиллаштириш методикаси” мавзусида олинган илмий натижалар, ишлаб чиқилган методик тавсиялар ва амалий таклифлар асосида:
фанлар интеграцияси асосида талабаларнинг мустақил таълим фаолиятини ташкил этиш, сув тежамкор суғориш технологияларига оид назарий билимларни мустаҳкамлаш, амалий топшириқларни бажариш ҳамда ўзлаштириш натижаларини назорат қилишга қаратилган методик таклифлар “Сув тежамкор суғориш технологиялари” мобил иловаси орқали таълим амалиётига жорий қилинган (Олий таълим, фан ва инновациялар вазирлигининг 2025 йил 2 декабрдаги 02/01-01-539-сон маълумотномаси). Натижада, талабаларнинг мустақил таълим жараёнини рақамли воситалари ёрдамида самарали ташкил этиш, назарий билимларни амалий топшириқлар билан уйғунлаштириш ҳамда касбий тайёргарлик даражасини ошириш имконияти кенгайган;
“Сув тежамкор суғориш технологиялари” фанини инновацион педагогик ёндашув асосида ўқитиш, фанлараро боғлиқликни таъминлаш, ўқув материалларини амалий топшириқлар, визуал материаллар ва электрон-дидактик ресурслар билан бойитишга доир методик тавсиялар асосида “Сув тежамкор суғориш технологиялари” фанидан ишлаб чиқилган электрон дарслик “ТИҚХММИ” Миллий тадқиқот университетининг 2026-йил 15-майдаги 155 а/ф-сонли буйруғи асосида 155 а/ф-022 рўйхат рақами билан нашр рухсатномаси олинган ва ўқув жараёни амалиётига жорий қилинган (Олий таълим, фан ва инновациялар вазирлигининг 2025 йил 2 декабрдаги 02/01-01-539-сон маълумотномаси).  Натижада, мазкур фан бўйича ўқув-методик ва электрон-дидактик таъминот бойитилиб, талабаларнинг мустақил таълим фаолиятини самарали ташкил этиш, сув тежамкор суғориш технологияларига оид назарий билимларни амалий топшириқлар билан уйғунлаштириш ҳамда касбий-амалий тайёргарлик даражасини ошириш имконияти кенгайган;
олий таълим муассасаларида олиб борилган тажриба-синов ишларида фанлар интеграциясини таъминлашга қаратилган интегро-синергетик педагогик ёндашув, STEAM ёндашуви, Case-study, T-жадвал, лойиҳавий топшириқлар, муаммоли таълим ва рефлексив баҳолаш методларини қўллаш бўйича ишлаб чиқилган методик тавсиялар таълим амалиётига жорий қилинган (Олий таълим, фан ва инновациялар вазирлигининг 2025 йил 2 декабрдаги 02/01-01-539-сон маълумотномаси). Натижада, талабаларда фанлараро билимларни интегратив ўзлаштириш, назарий билимларни амалий фаолият билан уйғунлаштириш, касбий муаммоларни таҳлил қилиш ва сув тежамкор технологиялар бўйича асосланган технологик қарор қабул қилиш кўникмалари ривожланган.