Ўзбекистон Республикаси Олий аттестация комиссияси Раёсати томонидан фанлар соҳасида илмий даража талабгорларининг диссертация ишлари бўйича асосий илмий натижаларини чоп этиш тавсия этилган хорижий илмий журналлар рўйхатини такомиллаштириш юзасидан қарор қабул қилинди.
Қарорга мувофиқ, “Диссертациялар асосий илмий натижаларини чоп этиш тавсия этилган илмий нашрлар рўйхати”дан айрим журналлар чиқарилди. Таҳлилларга кўра, мазкур нашрлар халқаро илмий базаларда етарли даражада индексланмаган, иқтибослик кўрсаткичлари паст бўлган, фаолияти тўхтатилган ёки халқаро эътироф этилган маълумотлар базаларида қайд этилмагани аниқланди. Хусусан:

Қишлоқ хўжалиги фанлари бўйича:
1. «Вопросы мелиорации»;
2. «Агроэкология» (Россия Федерацияси);
3. «Journal Genetics and Plant Physiology»;
4. «Time Journal of Biological Science and Technology» (Болгария);
5.  «International Journal of Agricultural Science and Bioresource Engineering Research»;
6. «International Research Journal of Agricultural Science and Soil Science»; 
7. «International Journal of Agriculture Research and Reviews» (АҚШ);
8. «Indian Journal of Plant Genetic Resources»;
9. «Journal of Cotton Research and Development»;
10 «Sericologia» (Ҳиндистон);
11. «The Asian and Australasian Journal of Plant Science and Biotechnology» (Япония).

Кимё фанлари бўйича:
1. Canadian Journal of Science and Education (Cаnаdа. Informa UK Limited, an Informa Group Company);
2. International Journal of Biochemistry Research & Review (The USA. Science Domain International);
3.  International Journal of Chemical Petrochemical Technology (Cаnаdа, India, Qаtаr, Singapore, USA, Great Britain. Trans Streller international chemistry and petro chemistry technologies organization);
4. International Journal of Food Processing Technology (The USA. Department of Food Science);

Биология фанлари бўйича:
1. Biochemistry and Biotechnology: Research and Development  (The USA. Nova Science Publisher, Inc);
2. Journal of Biochemical and Pharmacological Research (The USA. Research Publisher Inc).
Тиббиёт фанлари бўйича:
1. American Journal of Medicine and Medical Sciences.

Техника фанлари бўйича: 
1. Journal of Textile Science & Engineering;
2. Computing Science and Technology International Journal;
3. Engineering;
4. Materials Sciences and Applications;
5. Open Journal of Polymer Chemistry;
6. World Journal of Mechanics;
7. Journal of Automobile Engineering;
8. Journal of Bio-Technology and Research;
9. Journal of Chemical Engineering and Technology;
10. Journal of Civil, Structural, Environmental & Water Resources Engineering Research;
11. Journal of Computer Networking, Wireless and Mobile Communications;
12. Journal of Computer Science Engineering and Information Technology Research;
13. Journal of Electrical and Electronics Engineering;
14. Journal of Electronics, Communication and Instrumentation Engineering Research;
15. Journal of Engineering and Technology;
16. Journal of Food Science & Technology (Transstellar);
17. Journal of Industrial Engineering and Research;
18. Journal of Mechanical and Production Engineering;
19. Journal of Metallurgical and Materials Engineering Research;
20. Journal of Plastic and Polymer Technology;
21. Journal of Textile and Fashion Technolog.

Санъатшунослик фанлари бўйича:
1. (2019) Anthropology & Archeology of Eurasia The USA. Taylor & Francis, Inc.

Архитектура фанлари бўйича:
1. International Journal of Scientific and Technology Research France/India. Publication Ethics and Malpractice Statement;

Шу билан бирга, халқаро илмий нашрларнинг номлари ўзгариши билан боғлиқ ҳолатлар ҳам инобатга олинди. Хусусан, қишлоқ хўжалиги фанлари бўйича аввал рўйхатда алоҳида қайд этилган «Вестник сельскохозяйственной науки» ва «Вестник Российской академии сельскохозяйственных наук» журналлари ягона нашрнинг турли йиллардаги номлари экани аниқланиб, мазкур журналнинг амалдаги номи — «Вестник российской сельскохозяйственной науки» шаклида рўйхатга киритилди. Шунингдек, Россия Федерациясининг «Научный журнал Российского НИИ проблем мелиорации» журнали 2021 йилдан бошлаб «Мелиорация и гидротехника» номи билан нашр этилаётгани сабабли рўйхатда янги номи билан қайд этилди. Болгариянинг «Растениевъдни науки (Plant Sciences)» журнали эса ҳозирги кунда «Растениевъдни науки» (Bulgarian Journal of Crop Science) номи билан нашр этилаётгани муносабати билан рўйхат тегишли равишда янгиланди.
Япониянинг «Journal of Sericultural Science of Japan» журнали номи «Journal of Insect Biotechnology and Sericology» деб ўзгаргани ҳамда мазкур журнал Scopus халқаро илмий маълумотлар базасида индексланиши инобатга олиниб, рўйхатда янги номи билан қайд этилди.

Таъкидлаш жоизки, мазкур қарор  қабул қилингунига қадар (10.06.2026 й.) рўйхатдан чиқарилган журналларда нашр этилган илмий мақолалар диссертация ишларининг асосий илмий натижалари сифатида белгиланган тартибда эътиборга олинади.

Олий аттестация комиссияси томонидан илмий нашрлар рўйхатини мунтазам равишда қайта кўриб чиқиш ва такомиллаштириб бориш илмий тадқиқотлар сифати ҳамда илмий натижаларнинг халқаро талабларга мувофиқлигини таъминлашга хизмат қилади.

Ахборот хизмати.