Вахидов Умид Фахриддиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Иссиқхоналарда ҳавони бугʻлатиб совутиш қурилмасининг самарадорлигини ошириш”, 05.05.07 – “Қишлоқ хўжалигида электр технологиялар ва электр ускуналар” ихтисослиги (техника фанлари бўйича).
Диссертация мавзуси рўйхатга олинган рақам: В2024.3.PhD/Т4909
Илмий раҳбар: Анарбаев Анвар Изатуллаевич, DSc, катта илмий ходим.
Диссертация бажарилган муассаса номи: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети.
ИК фаолият кўрсатаётган муассаса номи, ИК рақами: “Тошкент ирригация ва қишлоқ хўжалигини механизациялаш муҳандислари институти” Миллий тадқиқот университети, DSc.03/30.12.2019.Т.10.01
Расмий оппонентлар: Мухаммадиев Ашираф Мухаммадиевич, техника фанлари доктори, профессор; Мухторов Фаррух Хамдамович, техника фанлари номзоди, доцент.
Етакчи ташкилот: Қарши давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: атиргулларини сифатли етиштиришда иссиқхоналарда талаб қилинадиган микроиқлим параметрлари учун ҳавони буғлатиб совутиш тизимининг энергия самарадорлиги ошириш.
III. Тадқиқотнинг илмий янгилиги:
ҳавони буғлатиб совутиш тизимлари самарадорлигига таъсир этувчи аниқланган омиллар ҳисобга олган ҳолда энергия тежовчи техник ечимлари ишлаб чиқилган;
иссиқхоналарда микроиқлим катталикларининг ҳавони буғлатиб совитиш тизими параметрларига боғлиқлигини ифодаловчи дифференциал-сонли усуллар асосида иссиқлик ва масса алмашиниш жараёнларининг математик модели ишлаб чиқилган;
иссиқхоналарда ҳавони буғлатиб совитиш тизимларининг самарадорлиги юқори бўлган вентиляцион электр ускуналарининг энергетик параметрларини ҳисоблашнинг математик модели ишлаб чиқилган;
иссиқхоналарда экспериментал тадқиқот натижалар асосида ҳавони  буғлатиб совутиш тизимининг рационал параметрлари аниқланди.
IV. Тадқиқот натижаларининг жорий қилиниши.
Иссиқхоналарда ҳавони бугʻлатиб совутиш қурилмасининг самарадорлигини ошириш бўйича олинган натижалар асосида:
иссиқхонада микроиқлим самарадорлиги ошириш учун буғлатиб совутиш ўрнатишда олинган илмий натижалар асосида Шеробод тумани “Шеробод сабзавот” МЧЖ да жорий этилган (Ўзбекистон Республикаси Қишлоқ хўжалиги вазирлиги, Қишлоқ хўжалигида билим ва инновациялар миллий марказининг 2024-йил 19-апрелдаги 05/01-05/02-05/04-04-150-сонли маълумотномаси). Натижада иссиқхонада сувни буғлатиб совутиш тизими ички ҳаво ҳароратини табиий шамоллатишга қараганда 11,6 °C га камайиш, ҳосилни 6 фоизга ошириш, гулнинг сифатини сезиларли ошириш ҳамда иқтисодий самарадорликда 117 миллион 956 минг сўм маблағ даромад олишга эришилган.