O‘zbekiston Respublikasi Vazirlar Mahkamasi huzuridagi Oliy attestatsiya komissiyasining navbatdagi Rayosat majlisi bo‘lib o‘tdi.
Unda Rayosat a’zolari, mas’ul xodimlar, tegishli ekspert kengashlari raislari ishtirok etdilar.
Majlis kun tartibidagi masalalar muhokama qilindi.
Rayosat majlis qaroriga ko‘ra, talabgorning 54 nafari fan doktori, 278 nafari falsafa doktori ilmiy darajalarida, 10 nafari professor, 63 nafari dotsent va 13 nafari katta ilmiy xodim unvonlarida tasdiqlandi. Shuningdek, 6 nafar talabgorning ilmiy daraja olganligi to‘g‘risidagi diplomlari nostrifikatsiya qilindi.
Rayosat majlisidan so‘ng ilmiy daraja va unvonda tasdiqlanganlarga diplom va attestatlar topshirildi.