Расулев Алиакбар Хамидуллаевичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Стохастик ҳолат кузатувчилари асосида технологик объектларни адаптив бошқариш системаларини синтезлашнинг алгоритмлари», 05.01.08–Технологик жараёнлар ва ишлаб чиқаришларни автоматлаштириш ва бошқариш (техника фанлари).

Диссертация мавзуси рўйхатга олинган рақам: B2017.3.PhD/T312.

Илмий раҳбар: Игамбердиев Хусан Закирович, техника фанлари доктори, профессор, академик.

Диссертация бажарилган муассаса номи: Тошкент давлат техника университети.

ИК фаолият кўрсатаётган муассасалар номи, ИК рақами: Тошкент давлат техника университети, DSc.27.06.2017.Т.03.02.

Расмий оппонентлар: Каипбергенов Батирбек Тулепбергенович, техника фанлари доктори; Туляганов Шухрат Дильшатович, техника фанлари бўйича фалсафа доктори (PhD).

Етакчи ташкилот: Тошкент кимё-технология институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: стохастик ҳолат кузатувчилари асосида технологик объектларни адаптив бошқариш системаларини синтезлаш алгоритмлари ва уларни амалга оширишнинг ҳисоблаш схемаларини ишлаб чиқишдан иборат.

III. Тадқиқотнинг илмий янгилиги:

етарлича аниқланмаган матрицаларни турғун мавҳум ўзгартириш усуллари асосида динамик системаларнинг ҳолатлари ва ғалаёнларини баҳолаш алгоритмлари ишлаб чиқилган;

соддалаштирилган мунтазамлаштиришнинг ретроспектив ва итерацион усуллари асосида адаптив кузатувчини синтезлашнинг мунтазам алгоритмлари ишлаб чиқилган;

бошқариш объектининг ҳолат вектори ва номаълум параметрларига мослашувчи кузатувчи қурилмаларни синтезлашнинг турғун алгоритмлари ишлаб чиқилган;

кенгайтирилган матрицаларни меъёрлаштирилган ажратиш асосида бошқарилувчи объектларнинг параметрларини адаптив кузатувчиларини синтезлашнинг мунтазам итерацион алгоритмлари ишлаб чиқилган.

IV. Тадқиқот натижаларининг жорий қилиниши.

Стохастик ҳолат кузатувчиларидан фойдаланиб, технологик объектларни адаптив бошқариш системаларини синтезлашдан олинган натижалар асосида:

етарлича аниқланмаган матрицаларни турғун мавҳум ўзгартириш усуллари асосида динамик системаларни ҳолат ва ғалаёнларини баҳолашнинг ишлаб чиқилган алгоритмлари «Муборак ГҚИЗ» МЧЖда жорий қилинган («Ўзнефтгазқазибчиқариш» АЖнинг 2019 йил 30 январдаги 05/09-56ж-сон маълумотномаси). Натижада ростлагичларнинг параметрларини ҳисоблаш аниқлиги ошган;

соддалаштирилган мунтазамлаштиришнинг ретроспектив ва итерацион усуллари асосида адаптив кузатувчини синтезлашнинг ишлаб чиқилган мунтазам алгоритмлари «Муборак ГҚИЗ» МЧЖда жорий қилинган («Ўзнефтгазқазибчиқариш» АЖнинг 2019 йил 30 январдаги 05/09-56ж-сон маълумотномаси). Натижада алгоритмлар газли аралашмаларни адсорбцион ажратиш жараёни боришининг технологик режимларини барқарорлаш имконини берган;

бошқариш объектининг ҳолат вектори ва номаълум параметрларига мослашувчи кузатиш қурилмаларини синтезлашнинг ишлаб чиқилган турғун алгоритмлари «Муборак ГҚИЗ» МЧЖда жорий қилинган («Ўзнефтгазқазибчиқариш» АЖнинг 2019 йил 30 январдаги 05/09-56ж-сон маълумотномаси). Натижада объектнинг параметрлари ва ғалаёнларни аниқлаш аниқлиги ошган.