Рашидов Хусан Ширинбоевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): Таснифлаш масалаларида релевант белгиларни танлаб олиш гибрид алгоритмлари, 05.01.11 – “Рақамли технологиялар ва сунʼий интеллект” (техника фанлари).
Диссертация мавзуси рўйхатга олинган рақам: В2024.3.PhD/Т4877.
Илмий раҳбар: Фазилов Шавкат Хайруллаевич, техника фанлари доктори, профессор.
Диссертация бажарилган муассаса номи: Рақамли технологиялар ва сунъий интеллектни ривожлантириш илмий-тадқиқот институти.
Илмий кенгаш фаолият кўрсатаётган муассаса (муассасалар) номи, Илмий кенгаш рақами: Рақамли технологиялар ва сунъий интеллектни ривожлантириш илмий-тадқиқот институти, DSc.09/2025.27.12.Т.02.01.М.
Расмий оппонентлар: Мадрахимов Шавкат Файзуллаевич, техника фанлари доктори, профессор; Абдуллаев Шерзод Шавкатжонович, техника фанлари бўйича фалсафа доктори(PhD), доцент.
Етакчи ташкилот: Шароф Рашидов номидаги Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади таснифлаш масалаларида релевант белгиларни танлашнинг турли усулларини интеграциялаш асосида белгилар фазоси ўлчамини қисқартиришнинг гибрид алгоритмларини ишлаб чиқишдан иборат.
III. Тадқиқотнинг илмий янгилиги қуйидагилардан иборат: 
филтр усулларининг алгоритмик композициясини амалга оширишга асосланган релевант белгиларни танлашнинг гибрид алгоритми ишлаб чиқилган;
ФCБФ (Фаст Cоррелатион Басед Филтер) филтр усули ва қобиқ усулини кетма-кет амалга оширишга асосланган релевант белгиларни танлашнинг гибрид алгоритми ишлаб чиқилган;
филтр усуллар мажмуаси ва генетик алгоритмдан кетма-кет фойдаланишга асосланган релевант белгиларни танлашнинг гибрид алгоритми ишлаб чиқилган;
белги индекслари бўйича турғунлик мезонидан фойдаланиб, таклиф этилган релевант белгиларни танлашнинг гибрид алгоритмларининг турғунлигини эмпирик баҳолари олинган.
IV. Тадқиқот натижаларининг жорий қилиниши: Релевант белгиларни танлаб олишда филтр ҳамда қобиқ усулларини интеграциялаш асосида ишлаб чиқилган гибрид алгоритмлар бўйича олинган илмий натижалар асосида: 
релевант белгиларни танлашнинг гибрид алгоритмлари ва улар асосида ишлаб чиқилган дастурий мажмуа Самарқанд вилояти Паяриқ тумани тиббиёт бирлашмасига жорий қилинган (Самарқанд вилояти ҳокимлигининг 2026-йил 17-февралдаги 04-04/1446-сон маълумотномаси). Илмий тадқиқот натижасида ревматик ва ёндош аутоиммун касалликларни ташхислаш жараёнида меҳнат унумдорлиги 14% ошган, ташхислаш аниқлиги ўртача 11% га ошган; 
релевант белгиларни танлашнинг гибрид алгоритмлари асосида ишловчи дастурий мажмуа Санитария-эпидемиологик осойишталик ва жамоат саломатлиги қўмитасининг Самарқанд шаҳар бўлими лабораториясида жорий қилинган (Самарқанд вилояти ҳокимлигининг 2026-йил 17-февралдаги 04-04/1446-сон маълумотномаси). Илмий тадқиқот натижаларига кўра, дастурий мажмуани қўллаш профилактик чора-тадбирларни ишлаб чиқиш жараёнида меҳнат унумдорлигини ўртача 11% га ошириш имкониятини берган.