Тиллаволдиев Азизбек Отабек ўғлининг
фалсафа доктори (PhD) Диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): Таниб олиш алгоритмларини к ўлчамли бўсағавий функсиялар асосида ишлаб чиқиш, 05.01.11 – “Рақамли технологиялар ва сунʼий интеллект” (техника фанлари).
Диссертация мавзуси рўйхатга олинган рақам: В2025.1.PhD/Т5323.
Илмий раҳбар: Мирзаев Номаз Мирзаевич, техника фанлари доктори, профессор.
Диссертация бажарилган муассаса номи: Рақамли технологиялар ва сунъий интеллектни ривожлантириш илмий-тадқиқот институти.
Илмий кенгаш фаолият кўрсатаётган муассаса (муассасалар) номи, Илмий кенгаш рақами: Рақамли технологиялар ва сунъий интеллектни ривожлантириш илмий-тадқиқот институти, DSc.09/2025.27.12.Т.02.01.М.
Расмий оппонентлар: Урунбаев Эркин, физика-математика фанлари доктори, доцент; Абдусаломов Акмалбек Бобомирзаевич, техника фанлари доктори (DSc).
Етакчи ташкилот: Нукус давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади к ўлчамли бўсағавий функсияларни қуришга асосланган таниб олиш моделларини ишлаб чиқиш ва уларни тадқиқ этишдан иборат.
III. Тадқиқотнинг илмий янгилиги қуйидагилардан иборат: 
ажратиш тамойили асосида к ўлчамли бўсағавий функсияларни қуришга таянган таниб олиш модели ишлаб чиқилган;
обектларни ўзаро яқинлигини таснифловчи 𝓀 ўлчамли бўсағавий функсияларни қуришга таянган таниб олиш модели ишлаб чиқилган
ажратиш ва яқинлик тамойиллари асосида ишлаб чиқилган таниб олиш моделларининг хар бирига мос параметрик фазолар аниқланган ва уларда экстремал таниб олиш операторларини қуришга ёʻналтирилган тегишли ҳисоблаш алгоритмлари ишлаб чиқилган;
ажратиш ва яқинлик тамойиллари асосида ишлаб чиқилган таниб олиш моделлари доирасида экстремал таниб олиш алгоритмларини қуриш процедураларини ҳисоблаш мураккаблиги  баҳоланган.
IV. Тадқиқот натижаларининг жорий қилиниши: Таниб олиш алгоритмларини к  ўлчамли бўсағавий функсияларни ишлаб чиқиш асосида олинган илмий натижалар:
ажратиш тамойили асосида к ўлчамли бўсағавий функсияларни қуришга таянган таниб олиш модели асосида яратилган дастурий мажмуа Фарғона вилояти ветеринария ва чорвачиликни ривожлантириш бошқармасигага жорий қилинган (Фарғона вилояти хокимлигининг 2025 йил 17 декабрдаги № 06-7/14456-сонли маълумотномаси). Илмий тадқиқот натижаларини жорий қилиш орқали қорамолларда мастит касаллигини аниқлаш ва таҳлил қилиш учун сарфланадиган вақт 10–15% га қисқартирилган. 
яқинлик тамойили асосида к ўлчамли бўсағавий функсияларни қуришга таянган таниб олиш модели асосида яратилган дастурий мажмуа Фарғона вилояти кўп тармоқли тиббиёт марказига жорий қилинган (Фарғона вилояти хокимлигининг 2025 йил 17 декабрдаги № 06-7/14456-сонли маълумотномаси). Илмий тадқиқот натижаларини жорий қилиш орқали ЭЕГ сигналлари ёрдамида текширувдаги шахсларнинг мия фаолияти таснифлаш аниқлиги 10% га ошириш имконияти пайдо бўлган.