Ахматжанов Равшанжон Нематжоновичнинг

фалсафа доктори  (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Композицион ёнилғилардан фойдаланиб бензин двигателли автомобилларнинг эксплуатацион кўрсаткичларини ошириш», 05.08.06–Ғилдиракли ва гусеницали машиналар ва уларни ишлатиш (техника фанлари).

Диссертация мавзуси рўйхатга олинган рақам: B2018.4.PhD/T952.

Илмий раҳбар: Базаров Бахтиёр Имамович, техника фанлари доктори, профессор.

Диссертация бажарилган муассаса номи: Тошкент автомобиль йўлларини лойиҳалаш, қуриш ва эксплуатацияси институти.

ИК фаолият кўрсатаётган муассасалар номи, ИК рақами: Тошкент автомобиль йўлларини лойиҳалаш, қуриш ва эксплуатацияси институти, Тошкент шаҳридаги Турин политехника университети, DSc.27.06.2017.Т.09.01.

Расмий оппонентлар: Шарипов Конгратбай Авезимбетович, техника фанлари доктори, профессор; Икрамов Абдувахаб, техника фанлари доктори, профессор.

Етакчи ташкилот: Тошкент ирригация ва қишлоқ хўжалигини механизациялаш муҳандислари институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: композицион ёнилғилардан фойдаланиб бензин двигателли автомобилларнинг эксплуатацион кўрсаткичларини оширишдан иборат.

III. Тадқиқотнинг илмий янгилиги:

қуйи спиртларнинг фазавий турғунлигини, юқори спиртларни қўшишда эса ёнилғининг 50% қайнаш ҳароратини ҳисобга олган ҳолда композицион ёнилғилар таркибидаги спиртларнинг миқдорий юқори чегарасини танлаш усули такомиллаштирилган;

базавий ва композицион ёнилғиларда ишлайдиган двигателлар ва автомобилларнинг тажриба тадқиқотлари ўтказишнинг тартиби (лаборатория, стенд, полигон, эксплуатацион) уларнинг энерго-экологик хусусиятларини ҳар бир босқичда таъминланганлигини ҳисобга олган ҳолда ишлаб чиқилган;

композицион ёнилғиларнинг базавий ёнилғи – бензинга нисбатан фракцион таркиби графигининг ўзгариш тавсифи такомиллаштирилган;

композицион ёнилғилар таснифининг икки ва ундан ортиқ ёнилғи ва моддалар композицияси гуруҳига нефть ёнилғиси – бензинга қўшимча сифатида қуйи ва юқори спиртлар ҳамда турли қўшилмалар қўшиш (антидетонацион, антикоррозион, турғунлаштирувчи) бандини киритиш орқали такомиллаштирилган;

энергиянинг солиштирма сарфини ҳисобга олган ҳолда композицион ёнилғиларда ишлайдиган бензин двигателли автомобилларнинг эксплуатацион кўрсаткичларини баҳолашнинг такомиллашган усули ишлаб чиқилган.

IV. Тадқиқот натижаларининг жорий қилиниши.

Композицион ёнилғилардан фойдаланиб бензин двигателли автомобилларнинг эксплуатацион кўрсаткичларини ошириш бўйича олинган натижалар асосида:

композицион ёнилғилар таркибидаги спиртларнинг миқдорий юқори чегарасини танлашнинг такомиллаштирилган усули «Ўзбекнефтгаз» АЖ тасарруфидаги «ФНҚИЗ» МЧЖ миқёсида жорий қилинган («Ўзбекнефтгаз» акциядорлик жамиятининг 2019 йил 4 февралдаги 02/12-1-21-сон маълумотномаси). Бунинг натижасида двигатель, автомобилнинг динамик хусусияти, ёнилғиларнинг эксплуатацион ва экологик кўрсаткичлари ошган;

базавий ва композицион ёнилғиларда ишлайдиган двигателлар ва автомобилларда тажриба тадқиқотлари (лаборатория, стенд, полигон, эксплуатацион) ўтказишда уларнинг энерго-экологик хусусиятларини ҳар бир босқичда таъминланганлигини ҳисобга олган ҳолда ишлаб чиқилган тартиби «Ўзбекнефтгаз» АЖ тасарруфидаги «ФНҚИЗ» МЧЖ миқёсида жорий қилинган («Ўзбекнефтгаз» акциядорлик жамиятининг 2019 йил 4 февралдаги 02/12-1-21-сон маълумотномаси). Натижада тажриба тадқиқотларини ўтказиш харажатлари тежалган ва композицион мотор ёнилғилари ва ушбу ёнилғиларда ишловчи бензинли автомобиль двигателлари кўрсаткичларини тизимли тадқиқ қилиш имконияти яратилган.

композицион ёнилғиларнинг базавий ёнилғи – бензинга нисбатан фракцион таркиби графиги ўзгаришининг такомиллаштирилган тавсифи «Ўзбекнефтгаз» АЖ тасарруфидаги «ФНҚИЗ» МЧЖ миқёсида жорий қилинган («Ўзбекнефтгаз» акциядорлик жамиятининг 2019 йил 4 февралдаги 02/12-1-21-сон маълумотномаси). Натижада бензин-спиртли композицион мотор ёнилғиларининг 50% буғланиш ҳароратида базавий ёнилғи – бензинга нисбатан 5–6% ёнилғи кўпроқ буғланишига эришилган ва бу кўрсаткич двигатель ҳамда автомобилнинг динамик хусусияти ошишига олиб келган.