Зарипов Муслиддин Баҳодир ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўзгарувчан кесимли каналларнинг ностационар оқим шароитида гидравлик ҳисоб усулини такомиллаштириш”.
05.09.07 – “Гидравлика ва муҳандислик гидрологияси”.
Диссертация мавзуси рўйхатга олинган рақам: B.2025.2. PhD /Т5780
Илмий раҳбарнинг Ф.И.Ш., илмий даражаси ва унвони: 
Бабажанов Юлдаш Тилавович, физика-математика фанлари номзоди, доцент.
Диссертация бажарилган муассаса номи: Қарши давлат техника университети университети.
ИК фаолият кўрсатаётган муассаса (муассасалар) номи, ИК рақами: Қарши давлат техника университети ҳузуридаги илмий даражалар берувчи PhD.03/2025.27.12.T.17.02 рақамли Илмий кенгаш.
Расмий оппонентлар: Норқулов Беҳзод Эшмирзаэвич, техника фанлари доктори, доцент, Суюнов Жавлон Ширалиевич, техника фанлари фалсафа доктори, доцент
Етакчи ташкилот: Аму-Қашқадарё ирригация тизимлари ҳавза бошқармаси
Диссертация йўналиши: назарий ва амалий аҳамиятга молик.
II.Тадқиқотнинг мақсади: Ўзгарувчан кесимли каналларнинг ностационар оқим шароитида гидравлик ҳисоб усулини такомиллаштиришдан иборат.
III. Тадқиқотнинг илмий янгилиги:
ўзгарувчан кесимли каналларда суюқликнинг уюрмали ҳаракати масалаларининг аналитик ечими ва уюрмали зонанинг геометрик ўлчамлари оқимнинг стационар ва ностационар ҳолатлари инобатга олинган ҳолда аниқланган;
суюқликнинг ностационар оқимини гидравлик ва геометрик параметрларини ҳисоблаш усули каналларда кичик таьсирлантиришлар усулидан фойдаланилган ҳолатда  ишлаб чиқилган;
гидродинамиканинг конформ акслантириш усулидан фойдаланилган ҳолда ўзгарувчан кесим юзасига эга каналнинг уюрмасиз оқимини таьминлайдиган геометрик шакли илмий асосланган; 
оқимнинг асосий каналдан тораювчи каналга кириш жараёнинининг гидравлик ҳисоб усули жараёнда содир бўладиган уюрмали зона инобатга олинган ҳолда такомиллаштирилган.
IV. Тадқиқот натижаларининг жорий қилиниши. ўзгарувчан кесимли каналларнинг ностационар оқим шароитида гидравлик ҳисоб усулини такомиллаштириш асосида:
тораювчи канал участкасида кинематик параметрларни ҳисоблаш усули Қишлоқ ва сув ҳўжалиги вазирлиги тасарруфидаги “Қарши магистраль каналидан фойдаланиш” бошқармаси тасарруфидаги Талимаржон сув омбори сув қабул қилувчи иншоотида жорий этилган (Сув хўжалиги вазирлигининг 2025-йил 10-ноябрь 04/20-5941-сонли маьлумотномаси). Натижада каналларнинг сув ўтказиш имконияти таклиф қилинган ҳисоб усулининг қўлланиши асосида 4-6 % га ошириш имкони яратилган;
“ўзгарувчан кесимли каналларнинг ностационар оқим шароитида гидравлик ҳисоб усулини такомиллаштириш бўйича тавсиялар” “Сув хўжалиги вазирлиги” тасарруфидаги “УЗГИП” АЖ лойиҳалаш институтида гидротехника иншоотларини лойиҳалашда фойдаланилган (Сув хўжалиги вазирлигининг 2025-йил 10-ноябрь 04/20-5941-сонли маьлумотномаси). Натижада, каналнинг сув ўтказиш қобилиятини 3-7% га ошириш имконияти яратилган.
ўзгарувчан кесимли каналларнинг ностационар оқим шароитида гидравлик ҳисоб усули маьлумотлари “Қарши магистраль каналидан фойдаланиш” бошқармаси тасарруфидаги Талимаржон сув омбори сув қабул қилувчи иншоотида фойдаланилган (Сув хўжалиги вазирлигининг 10-ноябрь 2025-йил 04/20-5941-сонли маьлумотномаси). Натижада каналнинг сув ўтказиш қобилиятини 7–8 фоизга оширишга имконияти яратилган.