Akbarov Feruz Ikbolovichning 
falsafa doktori (PhD) dissertatsiyasi himoyasi haqida e’lon

I.Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): “Iqlim o‘zgarishlarini Surxondaryo viloyati tabiiy florasiga ta’sirini baholash”, 03.00.05 - Botanika (biologiya fanlari).
Dissertatsiya mavzusi ro’yxatga olingan raqam: B2024.3.PhD/B1240
Ilmiy rahbar: Tojibaev Komil Sharobitdinovich, biologiya fanlari doktori, akademik.
Dissertatsiya bajarilgan muassasa nomi: Botanika instituti. 
IK faoliyat ko‘rsatayotgan muassasa (muassasalar) nomi, IK raqami: Botanika instituti, DSc.05/2025.27.12.V.23.01.M.
Rasmiy opponentlar: Adilov Behzod Abdullaevich, biologiya fanlari doktori; Xo‘janazarov O‘ktam Eshtemirovich, biologiya fanlari doktori, professor.
Yetakchi tashkilot: Namangan davlat universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: Surxondaryo florasiga iqlim o‘zgarishining ta’sirini baholash va floristik o‘zgarishlarni prognozlash.
III. Tadqiqotning ilmiy yangiligi:
Surxondaryo viloyatida kuzatilayotgan global iqlim o‘zgarishining mintaqaviy xususiyatlari ilk bor 1×1 km aniqlikda kompleks baholangan va asosiy iqlim indikatorlarining vaqt bo‘yicha o‘zgarish dinamikasini ko‘rsatuvchi analitik xaritalar tuzigan;
iqlim o‘zgarishining tabiiy floraga ta’siri ilk bor oila, turkum va tur darajasida aniqlangan va ularga bo‘lgan xavf darajasi iqlim omillari kesimida kompleks tarzda baholangan;
geografik elementlar, botanik-geografik rayonlar va indekslar florasining global isish va qurg‘oqchilikka nisbatan ta’sirchanlik darajasi aniqlangan, natijalar mintaqaviy iqlim o‘zgarishining real indikatori sifatida ko‘rsatilgan;
birinchi marotaba Surxondaryo viloyati tabiiy florasiga iqlim o‘zgarishining ta’sirini aks ettiruvchi, real vaqt ma’lumotlariga asoslangan yuqori rezolyusiyadagi SSDM prognoz modellari ishlab chiqilgan;
Consensus habitat suitability xaritalari asosida Surxondaryo florasining biologik xilma-xillik markazlari (floristik hotspotlar) ilk bor aniqlanib, turlar uchun ekologik moslikning eng yuqori konsentratsiyalashgan hududlari belgilangan;
iqlim o‘zgarishi va flora o‘rtasidagi o‘zaro bog‘liqlikni raqamli modellar yordamida baholash uchun yangi konseptual yondashuv taklif etilgan.
IV. Tadqiqot natijalarining joriy qilinishi: Iqlim o‘zgarishlarini Surxondaryo viloyati tabiiy florasiga ta’sirini baholash tadqiqotlari doirasida:
Surxondaryo viloyati tabiiy florasiga mansub 187 turning 1005 ta gerbariy na’munalariga tegishli ma’lumotlar Global bioxilma-xillik ma’lumotlari tizimiga (www.gbif.org, GBIF) kiritilgan (Global bioxilma-xillik ma’lumotlari bazasi sertifikati, 2025-yil 30-may № 040 sonli guvohnomasi). Natijalar, GBIF portalining o‘simliklar bazasini boyitishga xizmat qilgan; 
Surxondaryo viloyati tabiiy florasida tarqalgan 117 ta turning 200 dan ortiq gerbariy namunalari O‘zbekiston Milliy gerbariysi (TASh) ilmiy noyob ob’ekti fondiga taqdim etilgan (O‘zbekiston Respublikasi Fanlar akademiyasining 2025-yil 30-maydagi №4/1255-1336-son ma’lumotnomasi). Natijalar, O‘zbekiston Milliy gerbariysi (TASh) ilmiy noyob ob’ekti fondining O‘rta Osiyo bo‘limi kolleksiyasini boyitishga xizmat qilgan.