Мирзаева Елена Иннокентьевнанинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Углеводородларни қайта ишлаш жараёнлари учун катализаторлар ишлаб чиқаришда иккиламчи алюминий оксиди адсорбентини қуллаш технологиясини такомиллаштириш», 02.00.14–Органик моддалар ва улар асосидаги материаллар технологияси (техника фанлари).

Диссертация мавзуси рўйхатга олинган рақам: B2018.4.PhD/177.

Илмий раҳбар: Юнусов Мирахмад Пулатович, техника фанлари доктори, профессор.

Диссертация бажарилган муассаса номи: Тошкент кимё-технология институти.

ИК фаолият кўрсатаётган муассаса (муассасалар) номи, ИК рақами: Тошкент кимё-технология институти, DSc.27.06.2017.Т.04.01.

Расмий оппонентлар: Икрамов Абдувахоб Икрамович, техника фанлари доктори, профессор; Хамидов Басит Набиевич, техника фанлари доктори, профессор.

Етакчи ташкилот: Ўзбекистон нефт-газ саноати илмий-тадқиқот ва лойиҳалаш институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: углеводородларни қайта ишлаш жараёнлари учун катализаторлар ишлаб чиқаришда иккиламчи алюминий оксиди адсорбентини қўллаш технологиясини такомиллаштиришдан иборат.

III. Тадқиқотнинг илмий янгилиги:

маҳаллий минерал хомашё Ангрен каолини ва иккиламчи алюмооксид адсорбентдан фойдаланиб олинган янги, самарали металлсизлантирувчи маҳаллий катализатор таркиби яратилган;

иккиламчи алюмооксид адсорбент, алюминий гидроксид ва Ангрен каолини фракцион таркиби ва нисбатларини ўзгартириш орқали, металлсизлантириш катализаторининг зарур текстурали тавсифи аниқланган;

иккиламчи алюмооксид адсорбентдан қайта чўктириш орқали псевдобемит шаклидаги алюминий гидрооксид олиш усули ва технологияси ишлаб чиқилган;

нефть конверсияси катализаторлари магний-алюминийли шпинел ташувчилари - дисперс синтези учун псевдобемит шаклидаги алюминий гидрооксиддан фойдаланиш аниқланган;

гидротозалаш жараёнлари учун иккиламчи алюмооксид адсорбент асосида углеродли катализаторлар ва ташувчиларнинг олиш усули ва технологияси ишлаб чиқилган;

углеводородларни қайта ишлаш жараёнлари учун катализаторлар ишлаб чиқаришда иккиламчи алюминий оксиди адсорбентини қўллаш технологияси такомиллаштирилган.

IV. Тадқиқот натижаларининг жорий қилиниши.

Углеводородларни қайта ишлаш жараёнлари учун катализаторлар ишлаб чиқаришда иккиламчи алюминий оксиди адсорбентини қўллаш технологиясини такомиллаштириш бўйича олинган илмий натижалар асосида:

Ангрен каолини ва иккиламчи алюмооксид адсорбенти асосида ҳимоя қатлами катализатори олиш таркиби ва технологиясига Ўзбекистон Республикаси Интеллектуал мулк агентлигининг патенти олинган (№IAP 05063, 2015 й.). Натижада маҳаллий хомашёлар асосида мойларни тозалаш учун катализатор олиш имконини берган;

Ангрен каолин ва иккиламчи алюмооксид адсорбенти асосида ҳимоя қатлами катализаторларини олиш технологик шарти «Узбекнефтегаз» МХК тармоқ стандарти 6.3.1 бандига асосан (TSt39.0-014:2007) «Фарғона нефтни қайта ишлаш заводи» томонидан тасдиқланган (ТSh 19.03-014:2011). Натижада яратилган ҳимоя қатлам катализаторини ишлаб чиқариш имконини берган;

яратилган ҳимоя қатлам катализатори Фарғона нефтни қайта ишлаш заводининг Р-2 реактори иккинчи потокининг Г-24 қурилмасида амалиётга жорий этилган («Ўзбекнефтгаз» АЖнинг 2018 йил 23 ноябрдаги 06/23-2-87-сон маълумотномаси). Натижада хориждан мойларни тозалаш учун олиб келинадиган ҳимоя қатлами катализаторини 100% алмаштириш имконини берган.