Турсунова Одинахон Азимжановнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ўзбек тили фонетик бирликларининг поэтик имкониятлари”, 10.00.01–Ўзбек тили.
Диссертация мавзуси рўйхатга олинган рақам: В2019.1.PhD/Fil297.
Илмий раҳбар: Шаҳобиддинова Шоҳида Ҳошимовна, филология фанлари доктори, профессор.
Диссертация бажарилган муассаса номи: Андижон давлат университети.
ИК фаолият кўрсатаётган муассаса номи, ИК рақами: Фарғона давлат университети, DSc.27.06.2017.Fil.05.02.
Расмий оппонентлар: Одилов Ёрқинжон Рахмоналиевич, филология фанлари доктори; Муҳаммаджонова Гўзалхон, филология фанлари номзоди, доцент.
Етакчи ташкилот номи: Наманган давлат университети.
Диссертация йўналиши: назарий ва амалий аҳамиятга молик.
II. Тадқиқот мақсади: ўзбек тилидаги фонетик воситаларнинг поэтик имкониятларини ёритиб беришдан иборат.
III. Тадқиқотнинг илмий янгилиги:
герменевтиканинг поэтик нутқни тушуниш ва тушунтиришда методологик асос сифатидаги роли ҳамда матннинг поэтик қурилишида унли ва ундош товушларнинг эмоционал-экспрессив вазифалари асосланган;
нутқнинг фонопоэтик шаклланишида геминация, ономатопея, анаграмма, фонетик такрор каби воситаларининг аҳамияти очиб берилган;
поэтик нутқда товушларнинг коннотативликни оширишдаги роли, уларнинг поэтик, прагматик, семантик функциялари аниқланган;
фонетик воситаларнинг бадиий матнларда мазмунни ёрқин ифодалашда поэтик ифодани юзага чиқаришдаги роли далилланган.
IV. Тадқиқот натижаларининг жорий қилиниши.
Ўзбек тили фонетик бирликларининг поэтик имкониятлари мавзусида олиб борилган тадқиқотлар асосида олинган натижалар қуйидаги ишларда жорийланган:
бадиий нутқни шакллантирувчи фонетик бирликлар тадқиқида «Узлуксиз таълимда ўқувчилар тил компетентлигини шакллантиришнинг замонавий усуллари» мавзусидаги А-1-126 рақамли амалий лойиҳани бажаришда фойдаланилган (Ўзбекистон Республикаси Олий ва ўрта махсус таълим вазирлигининг 2018 йил 5 январдаги 89-03-22-сон маълумотномаси). Натижада грант доирасида яратилган услубий қўлланмаларнинг илмийлиги ортган;
масалларда товушларнинг поэтик маъно ҳамда уларнинг рамзий ифода хусусиятларини очиб беришда ЁФ 8-08 рақамли «Масал ва масал типидаги асарларнинг қиёсий-типологик тадқиқи» мавзусидаги фундаментал ва амалий тадқиқотлар илмий-техник дастури грантида фойдаланилди (Ўзбекистон Республикаси Олий ва ўрта махсус таълим вазирлигининг 2018 йил 5 январдаги 89-03-22-сон маълумотномаси). Натижада масалларнинг фонетик хусусиятлари бўйича қарашларнинг илмийлиги ошишига хизмат қилган;
фонопоэтик воситаларнинг аҳамияти хусусидаги хулосалардан Андижон вилоят телерадиокомпаниясининг эфирга узатилган «Ижод гулшани» кўрсатуви ҳамда «Андижон–ФМ» радиосининг «Кўнгил бекати» радиоэшиттириш сценарийсида фойдаланилган (Андижон вилоят телерадиокомпаниясининг 2018 йил 29 январдаги 20-24/30-сон маълумотномаси). Натижада ушбу телекўрсатув ва эшиттиришлар учун тайёрланган материалларнинг мазмуни мукаммаллашган.
