Хасанова Нилуфар Хакназаровна
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даражалар бериладиган фан тармоғи): “Хориж тажрибаси асосида кимё фанини ўқитиш самарадорлигини оширишни квалиметрик мезонлар орқали аниқлаш ва таҳлил қилиш методикаси”, 13.00.02-Таълим ва тарбия назарияси ва методикаси (кимё).
Диссертация мавзуси рўйхатга олинган рақам: Б2023.2PhD/Ped5227 
Илмий раҳбар: Низамова Саида Адиловна, педагогика фанлари доктори.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Ўзбекистон Миллий университети, DSc.03/30.12.2019.К.01.03.
Расмий оппонентлар: Бозоров Нурад Исматович, кимё фанлари доктори, катта илмий ходим; Аширов Мансур Алланазарович, кимё фанлари бўйича фалсафа доктори, катта илмий ходим.
Етакчи ташкилот: Фарғона давлат университети
Диссертация йўналиши: назарий ва амалий аҳамиятга молик.
II. Тадқиқотнинг мақсади академик лицейларда хориж тажрибаси асосида кимё фанини ўқитиш самарадорлигини ошириш, квалиметрик мезонлар асосида аниқлаш ва таҳлил қилиш методикасини ишлаб чиқиш.
III. Тадқиқотнинг илмий янгилиги.
академик лицейларда хориж давлатларининг тажрибаларини кимё дарсларида қўллашнинг назарий ва услубий асослари такомиллаштирилган; 
хориж тажрибаси асосида кимё фанини ўқитиш самарадорлигини оширишни квалиметрик мезонлар асосида аниқлаш ва таҳлил қилиш методикаси бўйича ташкилий- педагогик модел такомиллаштирилган;
хориж тажрибаси асосида кимё фанини ўқитишда таълим самарадорлигини оширишга, ўқувчиларнинг ижодкорлик, яратувчанлик қобилиятлари, илмий саводхонлигини ошишига йўналтирилган лойиҳа иши, мантиқий топшириқлар, муаммоли ўқитиш бўйича таълим ресурслари ишлаб чиқилган;
кимё фанини ўқитишни хориж тажрибаси асосида ташкил этиш ва таълим самарадорлиги квалиметрик мезонлар, педагогик тажриба-синов таҳлиллари асосида аниқланган, олинган натижалар таҳлил қилинган.
IV. Тадқиқот натижаларининг жорий қилиниши.
Тадқиқот натижалари асосида академик лицейларда анорганик кимё фанидан “Анорганик кимё” номли дарслик ўқув жараёнига татбиқ этилди (Ўзбекистон Республикаси Олий ва ўрта махсус таълим вазирлигининг 2021 йил 23 ноябрдаги “500” -сонли буйруғи, 500/4-033). Натижада академик лицейларда кимё таʼлимига илғор хорижий тажрибалардан лойиҳа ишлари жорий этиш орқали ўқувчиларнинг ижодкорлик, яратувчанлик, илмий саводхонлик қобилиятлари ривожлантирилган;
акдемик лицейларнинг рус тилида ўқийдиган гуруҳлари учун “Неорганическая химия” (Ўзбекистон Республикаси Олий ва ўрта махсус таълим вазирлигининг 2023 йил 26 декабрдаги “754” -сонли буйруғи, 000-040) номли дарслик ўқув жараёнига татбиқ этилди. Натижада дарсликда берилган мантиқий топшириқлардан фойдаланиш ўқувчиларнинг креатив фикрлашга, билим олишни фаоллаштиришга эришилган;
кимё таълимида муаммоли ўқитиш усуллари такомиллаштирилган ва фойдаланилган. Дунёда ва атроф муҳитда рўй бераётган муаммоларнинг сабаблари ва уларнинг эчимларини топиш учун муаммоли вазиятлар ва муаммоли саволлар ишлаб чиқилиб амалиётга татбиқ этилган. Ўзбекистон Республикаси олий таълим, фан ва инновациялар вазирлиги, олий таълимни ривожлантириш тадқиқотлари марказининг амалиётга татбиқ этилганлик маълумотномаси (2024 йил 22 ноябр, 02/01-01-126). Натижада муаммоли ўқитиш асосида ўқувчиларда мустақил фикрлаш ва фанга оид умумий компетенсиялар ривожлантирилган;
кимё фанини ўқитишда хориж тажрибасидан фойдаланиш ва олинган натижалар квалиметрик мезонлар, математик ҳисоблашлар билан таҳлил қилинган. Ўзбекистон Республикаси олий таълим, фан ва инновациялар вазирлиги, олий таълимни ривожлантириш тадқиқотлари марказининг амалиётга татбиқ этилганлик маълумотномаси(2025 йил 21 январ, 02/01-01-17). Натижада кимё фанини ўқитиш самарадорлиги 12,65 % ошган.