Юлчиев Каримжон Салимжоновичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Болаларда кўкрак қафаси килсимон деформациясининг хирургик коррекциялаш самарадорлигини ошириш», 14.00.35–Болалар хирургияси (тиббиёт фанлари).
Диссертация мавзуси рўйхатга олинган рақам: № B2017.1.PhD/Tib143.
Илмий маслаҳатчи: Акилов Хабибулла Атауллаевич, тиббиёт фанлари доктори, профессор.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса номи, ИК рақами: Академик В.Воҳидов номидаги Республика ихтисослаштирилган хирургия илмий-амалий тиббиёт маркази ва Тошкент тиббиёт академияси, DSc.27.06.2017.Tib.49.01.
Расмий оппонентлар: Ахпаров Нурлан Нуркинович, тиббиёт фанлари доктори; Хамраев Абдурашид Джуракулович, тиббиёт фанлари доктори, профессор.
Етакчи ташкилот: Самарқанд давлат тиббиёт институти.
Диссертация йўналиши: амалий аҳамиятга молик.
II. Тадқиқотнинг мақсади: кўкрак қафаси килсимон деформацияси билан болаларда деформация турига кўра хирургик коррекциянинг кам инвазив усулларини ишлаб чиқиш ва қўллаш йўли билан даволаш натижаларини яхшилашдан иборат.
III. Тадқиқотнинг илмий янгилиги:
болалар ёши, жинси ва антропометрик маълумотларига боғлиқ ҳолда кўкрак қафаси килсимон деформациясининг турли шакллари ривожланиши ва жадаллашув хусусиятлари аниқлаштирилган;
кўкрак қафаси килсимон деформациялари аниқланган болаларда марказий гемодинамик ва функционал кардиокўрсаткичларнинг электрофизиологик ва рентгенологик мезонлари белгиланган;
кўкрак қафаси килсимон деформацияларининг турли кўринишлари аниқланган болаларда жароҳатланиш даражасини камайтириш ва жисмоний фаолликни тез тиклаш мақсадида торакопластиканинг кам инвазив ва реконструктив усули ишлаб чиқилган;
тўш орти бойламини тўш орти юзасининг 1/3 қисмига тикиш ва фиксациялаш орқали қисқартириш операциядан кейинги узоқ муддатларда рецидивланиш эхтимолини олдини олиши аниқланган.
IV. Тадқиқот натижаларининг жорий қилиниши:
Кўкрак қафаси килсимон деформацияси бўлган болаларни даволаш натижаларини яхшилашга бағишланган тадқиқот бўйича олинган илмий натижалар асосида:
«Кўкрак қафаси килсимон деформацияси аниқланган болаларда торакопластика усули» ва «Кўкрак қафаси килсимон деформацияси бор болаларнинг юракдаги кичик аномалияларни аниқлашда электрофизиологик усулларнинг аҳамияти» номли услубий тавсияномалар тасдиқланган (Соғлиқни сақлаш вазирлигининг 2018 йил 29 майдаги 8Н-д/132-сон маълумотномаси). Таклиф қилинган тавсиялар КҚКД ни хирургик даволаш сифатини яхшилаш, операциядан кейин тикланиш муддатларини қисқартириш имконини берган;
КҚКД билан бемор болаларни ташхислаш ва даволаш сифатини яхшилашга бағишланган тадқиқотнинг олинган илмий натижалари соғлиқни сақлаш амалий фаолиятига, хусусан, Андижон ва Фарғона вилоят болалар кўп тармоқли тиббиёт марказлари жаррохлик бўлимлари амалий фаолиятига (Соғлиқни сақлаш вазирлигининг 2018 йил 29 майдаги 8Н-д/132-сон маълумотномаси) татбиқ этилган. Тадқиқот натижалари асосида КҚКД аниқланган болалаларга ихтисослашган юқори технологик тиббий ёрдам кўрсатиш кўлами сезиларли даражада кенгайган, шунингдек асоратланиш кўрсаткичларини 23,2% дан 2,52% гача камайтиришга эришилган. Таклиф қилинган усулнинг қўлланилиши касалликни рецидивланиш даражасининг камайиши, шунингдек ижобий функционал ва эстетик натижалар эвазига болаларнинг хаёт сифатини яхшилаш имконини берган.
