Ганиев Эрполат Жамилевичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри: “Тоʻлов хизматларини фуқаролик-ҳуқуқий тартибга солиш”, 12.00.03 – Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ.
Диссертация мавзуси рўйхатга олинган рақам: В2022.4.PhD/Yu534.
Илмий раҳбарнинг Ф.И.Ш., илмий даражаси ва унвони: Палуаниязов Халмухаммед Айтжанович – юридик фанлар номзоди, доцент.
Диссертация бажарилган муассаса номи: Бердақ номидаги Қорақалпоқ давлат университети.
ИК фаолият кўрсатаётган муассаса номи, ИК рақами: Ўзбекистон Республикаси Судялар олий кенгаши ҳузуридаги Судялар олий мактаби ҳузуридаги илмий даражалар берувчи PhD.37/27.02.2020.Yu.107.01.
Расмий оппонентлар: Мадумаров Талантбек Толибжонович – юридик фанлар доктори, профессор; Холбоев Собир Баратович – юридик фанлар номзоди, доцент
Етакчи ташкилот: Тошкент давлат юридик университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тўлов хизматларини фуқаролик-ҳуқуқий тартибга солишни такомиллаштиришга оид таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
иқтисодий барқарорликни таъминлаш мақсадида илғор хорижий тажрибадан келиб чиқиб, банк устав капиталининг энг кам миқдори банкни давлат рўйхатидан ўтказиш ва лицензия бериш тўғрисидаги ариза бериладиган пайтгача банк муассислари томонидан шакллантирилган бўлиши лозимлиги асосланган;
тўловлар хавфсизлигини таъминлаш заруратидан ҳамда истеъмолчилар ҳуқуқлари устуворлигидан келиб чиққан ҳолда тўлов ҳужжатининг реквизити сифатида индентификация рақамлари кўрсатилиши тизими амал қилиш зарурлиги асослантирилган;
тўловлар амалга оширилишини янада соддалаштириш ва аниқлаштириш мақсадида юридик шахсларнинг тўловчи сифатидаги идентификация рақами унинг солиқ тўловчи сифатидаги, жисмоний шахсларда эса шахсий идентификация рақами ҳисобланиши асосланган;
тўлов операцияларини амалга оширишда қўшимча қулайлик яратиш учун мижоз томонидан тегишли тўловлар бўйича тақдим этилган тўлов топшириқномалари тегишли картотекадан чақириб олиниши мумкинлиги асослантирилган;
ортиқча бюроктатик тўсиқларни бартараф этиш мақсадида маблағларни тўловчининг тугатилганлигини тасдиқловчи маълумотлар муддатида тўланмаган тўлов ҳужжатлари ҳисоби юритиладиган балансдан ташқари ҳисобварақдан чақириб олинишига олиб келиши мумкинлиги асослантирилган.
IV. Тадқиқот натижаларининг жорий қилиниши. Тадқиқот иши бўйича олинган илмий натижалардан қуйидагиларда фойдаланилган: 
иқтисодий барқарорликни таъминлаш мақсадида илғор хорижий тажрибадан келиб чиқиб, банк устав капиталининг энг кам миқдорини шакллантиришга оид таклиф Ўзбекистон Республикасининг 2023-йил 19-апрелдаги “Банклар ва банк фаолияти тўғрисида”ги Ўзбекистон Республикаси Қонунига ўзгартишлар киритиш ҳақида” ЎРҚ-831-сон Қонунининг 1-моддасини ишлаб чиқишда фойдаланилган (Ўзбекистон Республикаси Олий Мажлиси Қонунчилик палатаси Бюджет ва иқтисодий масалалар қўмитасининг 2024-йил 1-апрелдаги 04/1-13-4-сон маълумотномаси). Мазкур таклиф банк устав капиталини шакллантиришнинг аниқ муддатини белгишлашга имкон яратган;
тўловлар хавфсизлигини таъминлаш заруратидан ҳамда истеъмолчилар ҳуқуқлари устуворлигидан келиб чиққан ҳолда тўлов ҳужжатининг реквизитида идентификация рақамлари тизимини жорий этиш ҳақидаги таклиф Ўзбекистон Республикаси Марказий банки бошқарувининг 2022-йил 21-февралдаги 2/8-сон қарорига илова сифатида тасдиқланган Ўзбекистон Республикасида нақд пулсиз ҳисоб-китоблар тўғрисидаги Низомга киритилган қўшимча ва ўзгартиришларнининг 1-банди ўн учинчи хатбошисини ишлаб чиқишда фойдаланилган (Ўзбекистон Республикаси Марказий банки Тўлов тизимлари департаменти директорининг 2023-йил 29-августдаги 38-06/1108-сон далолатномаси). Ушбу таклиф тўлов ҳужжатлари реквизитларини ва унинг ишончлилигини таъминлашга хизмат қилган;
тўловлар амалга оширилишини янада соддалаштириш ва аниқлаштириш мақсадида юридик шахсларнинг тўлов ҳужжатларида солиқ тўловчининг идентификация рақами, жисмоний шахсларда эса жисмоний шахснинг шахсий идентификация рақами тўлов ҳужжатининг реквизити ҳисобланиши лозимлигига оид таклифдан Ўзбекистон Республикаси Марказий банки бошқарувининг 2022-йил 21-февралдаги 2/8-сон қарорига илова Ўзбекистон Республикасида нақд пулсиз ҳисоб-китоблар тўғрисидаги Низомга киритилган қўшимча ва ўзгартиришларнининг 1-банди ўн учинчи хатбошисини ишлаб чиқишда фойдаланилган (Ўзбекистон Республикаси Марказий банки Тўлов тизимлари департаменти директорининг 2023-йил 29-августдаги 38-06/1108-сон далолатномаси). Ушбу таклифнинг жорий этилиши юридик ва жисмоний шахсларнинг тўловчи сифатида тўлов ҳужжатларини аниқлаштиришга хизмат қилган;
тўлов операцияларини амалга оширишда қўшимча қулайлик яратиш учун мижоз томонидан тақдим этилган тўлов топшириқномалари тегишли картотекадан чақириб олиниши мумкинлиги ҳақидаги таклифдан Ўзбекистон Республикаси Марказий банки бошқарувининг 2022-йил 21-февралдаги 2/8-сон қарорига илова “Ўзбекистон Республикасида нақд пулсиз ҳисоб-китоблар тўғрисида”ги Низомга киритилган қўшимча ва ўзгартиришларнинг 35-банди бешинчи хатбошисини ишлаб чиқишда фойдаланилган (Ўзбекистон Республикаси Марказий банки Тўлов тизимлари департаменти директорининг 2023-йил 29-агустдаги 38-06/1108-сон далолатнома). Ушбу таклиф мижоз томонидан тўлов топшириқномаларини тақдим этиш мажбурият бажарилиши учун асос сифатида тан олинишига хизмат қилган;
ортиқча бюроктатик тўсиқларни бартараф этиш мақсадида маблағларни тўловчининг тугатилганлигини тасдиқловчи маълумотлар муддатида тўланмаган тўлов ҳужжатлари ҳисоби юритиладиган балансдан ташқари ҳисобварақдан чақириб олинишига олиб келиши мумкинлиги ҳақидаги таклифдан Ўзбекистон Республикаси Марказий банки бошқарувининг 2022-йил 21-февралдаги 2/8-сон қарорига илова “Ўзбекистон Республикасида нақд пулсиз ҳисоб-китоблар тўғрисида”ги Низомга киритилаётган қўшимча ва ўзгартиришларнинг 35-банди бешинчи хатбошисини ишлаб чиқишда фойдаланилган (Ўзбекистон Республикаси Марказий банки Тўлов тизимлари департаменти директорининг 2023-йил 29-агустдаги 38-06/1108-сон далолатномаси). Ушбу таклиф муддатида тўланмаган тўлов ҳужжатлари ҳисоби юритиладиган балансдан ташқари ҳисобварақдан тўловчининг тўлов топшириқномаларини чақириб олиш асоси бўлиши мумкинлигини билишга хизмат қилган.