Хасанов Абдушоҳид Абдурашидовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража берадиган фан тармоғи номи): “Касб-ҳунар коллежларида ўқувчиларни фанлараро алоқадорлик воситасида касбий фаолиятга тайёрлашнинг методик тизими”, 13.00.05–Касб-ҳунар таълими назарияси ва методикаси (педагогика фанлари).

Диссертация мавзуси рўйхатга олинган рақам: B2017.3.PhD/Ped327.

Илмий раҳбар: Иноятов Улуғбек Илясович, педагогика фанлари доктори, профессор.

Диссертация бажарилган муассаса номи: Касб-ҳунар таълими тизимини инновацион ривожлантириш, педагог кадрларнинг малакасини ошириш ва уларни қайта тайёрлаш институти.

ИК фаолият кўрсатаётган муассаса (муассасалар) номи, ИК рақами: Касб-ҳунар таълими тизимини инновацион ривожлантириш, педагог кадрларнинг малакасини ошириш ва қайта тайёрлаш институти, DSc.27.06.2017.Ped.48.01.

Расмий оппонентлар: Муслимов Нарзулла Алиханович, педагогика фанлари доктори, профессор; Шодиев Ризамат Давранович, педагогика фанлари доктори, доцент.

Етакчи ташкилот: Гулистон давлат университети.

Диссертация йўналиши: амалий ва назарий аҳамиятга молик.

II. Тадқиқотнинг мақсади: касб-ҳунар коллежларида бўлажак кичик мутахассисларни фанлараро алоқадорлик воситасида касбий фаолиятга тайёрлашнинг методик тизимини такомиллаштиришдан иборат.

III. Тадқиқотнинг илмий янгилиги:

касб-ҳунар коллежларида банк иши тайёрлов йўналиши ўқув режаcидаги умумкасбий ва махсус фанларнинг ички ва ташқи алоқадорлигини синергетик  ёндашув асосида чуқурлаштириш орқали ўқувчиларни касбий фаолиятга тайёрлашнинг дидактик имкониятлари (мотивацион, когнитив, рефлексив ва танқидий баҳолаш) кенгайтирилган;

банк иши тайёрлов йўналишларида ташкил этиладиган ўқув жараённинг педагогик шарт-шароитларини интегратив ва лойиҳалаштириш асосида такомиллаштириш орқали касб-ҳунар коллежларида бўлажак кичик мутахассисларни тайёрлаш сифатини оширишнинг ташкилий-тузилмавий (мазмуний, мотивацион, процессуал ва натижавий) модели ишлаб чиқилган;

касб-ҳунар коллежлари банк иши тайёрлов йўналиши ўқув режасининг умумкасбий ва махсус фанларни фанлараро алоқадорлик воситасида ўқитишда мавзулараро кесишувчи (горизонтал ва вертикал) интеграциялар асосида бўлажак кичик мутахассисларнинг касбий кўникмаларни шакллантириш методикаси такомиллаштирилган;

ўқувчиларнинг касбий компетентлик сифат кўрсаткичлари (таҳлилий-баҳолаш, бошқариш ва ижодийлик)ни шакллантиришга имкон берувчи ўқув-услубий таъминотни ишлаб чиқиш орқали тайёргарлик даражаларини мустақил равишда баҳолаш мезонлари (ахборотли, фаолиятли ва новаторлик) такомиллаштирилган.

IV. Тадқиқот натижаларининг жорий қилиниши.

Касб-ҳунар коллежларида ўқувчиларни фанлараро алоқадорлик воситасида касбий фаолиятга тайёрлаш бўйича ўтказилган тадқиқот натижалари асосида:

умумкасбий ва мутахассислик фанлари бўйича фанлараро алоқадорлик воситасида бўлажак кичик мутахассисларда касбий кўникмаларни шакллантириш методикасига оид банк иши тайёрлов йўналиши учун “Иш жойларини компьютерлаштириш” фанининг ўқув-услубий таъминоти ишлаб чиқилган ҳамда амалиётга татбиқ қилинган (Олий ва ўрта махсус таълим вазирлигининг 2018 йил 3 декабрдаги 89-03-4170-сон маълумотномаси). Мазкур методика иқтисод соҳаси, банк иши тайёрлов йўналиши касб-ҳунар коллежларининг ўқувчиларини касбий фаолиятга тайёрлаш жараёнини такомиллаштиришга хизмат қилган;

касб-ҳунар коллежларида бўлажак кичик мутахассисларни тайёрлаш сифатини оширишнинг ташкилий-тузилмавий модели асосида “Банк иши”, “Бухгалтерия ҳисоби ва аудит”, “Молия”, “Суғурта иши” тайёрлов йўналиши ўқувчилари учун “Иш жойларини компьютерлаштириш” фанининг ўқув-услубий таъминоти мазмунига сингдирилган ва ўқув жараёнига татбиқ этилган (Олий ва ўрта махсус таълим вазирлигининг 2018 йил 3 декабрдаги 89-03-4170-сон маълумотномаси). Мазкур ўқув материаллари касб-ҳунар коллежларининг иқтисод соҳаси йўналишлари ўқув-услубий таъминотини такомиллаштиришга хизмат қилган;

касб-ҳунар коллежларида ўқувчиларни фанлараро алоқадорлик воситасида касбий фаолиятга тайёрлашни такомиллаштириш асосида касб-ҳунар коллежларининг “Банк иши”, “Бухгалтерия ҳисоби ва аудит”, “Молия”, “Суғурта иши” таълим йўналиши ўқувчилари учун “Иш жойларини компьютерлаштириш” фанини фанлараро алоқадорлик воситасида ўқитиш бўйича электрон ва ўқув қўлланма мазмунига сингдирилган (Олий ва ўрта махсус таълим вазирлигининг 2018 йил 3 декабрдаги 89-03-4170-сон маълумотномаси). Мазкур электрон ва ўқув қўлланмалар касб-ҳунар коллежларининг ўқувчиларини фанлараро алоқадорлик воситаси касбий фаолиятга тайёрлаш жараёнида касбий мотивацияни шакллантиришга хизмат қилган.