Ubaydullaev Utkirjon Murodillaevichning

falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.

Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Paxta terish mashinalarining texnologik parametrlarini nazorat va diagnostika qilish tizimi», 05.03.01-Asboblar.O‘lchash va nazorat qilish usullari (texnika fanlari).

Dissertatsiya mavzusi ro‘yxatga olingan raqam: B2017.3.PhD/T363.

Ilmiy rahbar: Uljaev Erkin, texnika fanlari nomzodi, dotsent.

Dissertatsiya bajarilgan muassasa nomi: Toshkent davlat texnika universiteti.

IK faoliyat ko‘rsatayotgan muassasa nomi, IK raqami: Toshkent davlat texnika universiteti, DSc.27.06.2017.T.03.02.

Rasmiy opponentlar: Nazarov Abdulaziz Muminovich, texnika fanlari doktori, professor; Sattarov Xurshid Abdishukurovich,texnika fanlari nomzodi, dotsent.

Yetakchi tashkilot: Toshkent temir yo‘l muhandislari instituti.

Dissertatsiya yo‘nalishi: nazariy va amaliy ahamiyatga molik.

II. Tadqiqotning maqsadi: paxta terish mashinalarining texnologik parametrlarini nazorat va diagnostika qiladigan tizimni hamda uning dasturiy ta’minotini ishlab chiqishdan iborat.

III. Tadqiqotning ilmiy yangiligi:

Bul` funksiyasini qo‘llash asosida paxta terish mashinalari texnologik parametrlarini noaniqlik sharoitida nazorat va diagnostika qilishning matematik modellari va algoritmlari ishlab chiqilgan;

paxta terish mashinalarining texnologik parametrlarini nazorat va diagnostika qilish uchun yaratilgan tizimning bort va apparat qismlari orasida tezkor ma’lumot almashinuvini ta’minlaydigan algoritmlar ishlab chiqilgan;

paxta terish mashinalari texnologik parametrlarini pnevmotransport kamerasining holati, shpindellari va ventilyatorlarining aylanish tezligini hisobga olgan holda nazorat va diagnostika qilish tizimining matematik modeli ishlab chiqilgan;

qo‘shimcha nazorat qilish signalini kiritish va uzatiladigan axborotni takrorlash yo‘li bilan noaniq diagnostika funksiyasini yo‘qotish asosida nazorat qilinadigan parametrlarning holatini nazorat va diagnostika qilish aniqligini oshirish usuli ishlab chiqilgan.

IV. Tadqiqot natijalarining joriy qilinishi.

Paxta terish mashinalarining texnologik parametrlarini nazorat va diagnostika qilish bo‘yicha olingan natijalar asosida:

paxta terish mashinasi shpindellarining aylanish tezligini o‘lchash va nazorat qilish tizimi uchun qurilmaga Intellektual mulk agentligining ixtiroga patenti olingan («Paxta terish mashinalarining shpindellarining aylanish tezligini nazorat qiluvchi qurilma», IAP 05526-2017 y.). Natijada paxta terish mashinalari shpindellarining aylanish tezligini nazorat qilish orqali paxtani sifatli terish jarayonini takomillashtirishga erishilgan;

Bul` funksiyasini qo‘llash asosida paxta terish mashinalari texnologik parametrlarini noaniqlik sharoitida nazorat va diagnostika qilishning algoritmlari «Traktor» maxsus konstruktorlik byurosi UKda joriy qilingan («BMKB-AGROMASH» AJning 2018 yil 12 noyabrdagi 01-497/1-son ma’lumotnomasi). Natijada paxta terish mashinalarining texnologik parametrlarini paxtani terish paytida nazorat qilish hisobiga terilayotgan paxtaning isrofini kamaytirishga imkon bergan;

qo‘shimcha nazorat qilish signalini kiritish va uzatiladigan axborotni takrorlash yo‘li bilan noaniq diagnostika funksiyasini yo‘qotish asosida nazorat qilinadigan parametrlarning holatini nazorat va diagnastika qilish aniqligini oshirish usuli «Traktor» maxsus konstruktorlik byurosi UKda joriy qilingan («BMKB-AGROMASH» AJning 2018 yil 12 noyabrdagi 01-497/1-son ma’lumotnomasi). Natijada paxta terish mashinalarining texnologik parametrlarini diagnostika qilish ishonchliligini oshirish imkonini bergan;

paxta terish mashinalari texnologik parametrlarini pnevmotransport kamerasining holati, shpindellari va ventilyatorlarining aylanish tezligini hisobga olgan holda nazorat va diagnostika qilish tizimi«Traktor» maxsus konstruktorlik byurosi UKda joriy qilingan («BMKB-AGROMASH» AJning 2018 yil 12 noyabrdagi 01-497/1-son ma’lumotnomasi). Natijada paxta terish mashinalarining pnevmotransport tizimida paxtani terish vaqtida uchraydigan nosozliklarni nazorat qilish imkonini bergan.