Ахмедов Жохон Кулдашевичнинг 
фалсафа доктори (PhD) диссертацияси ҳимояси ҳақида эълон

I.Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): “Кураш спорти орқали ўқувчиларда миллий ифтихор туйғусини шакллантириш омиллари”, 13.00.01 – Педагогика назарияси. Педагогик таълимотлар тарихи (педагогика фанлари).
Диссертация мавзуси рўйхатга олинган рақам: B2021.1.PhD/Ped2153
Диссертация бажарилган муассаса номи Шароф Рашидов номидаги Самарқанд давлат университети,
 Илмий Кенгаш фаолият кўрсатаётган муассаса номи, ИК рақами: Ўзбекистон давлат жисмоний тарбия ва спорт университети, DSc.03/30.12.2019.Ped.28.01.
Илмий раҳбар: Киямов Нишон Садикович педагогика фанлари доктори (DSc), доцент.
Расмий оппонентлар: Мамуров Баходир Бахшуллоевич педагогика фанлари доктори (DSc), профессор; Келдиёров Шуҳрат Эргашевич педагогика фанлари бўйича фалсафа доктори (PhD), профессор.
Етакчи ташкилот: Термиз давлат университети
Диссертация йўналиши: назарий ва амалий аҳамиятга молик.
II. Тадқиқотнинг мақсади кураш спорти орқали ўқувчиларда миллий ифтихор туйғусини шакллантириш омилларини аниқлашдан иборат.
III. Тадқиқотнинг илмий янгилиги қуйидагилардан иборат:
кураш спорти орқали ўқувчиларда миллий ифтихор туйғуси миллий қадрятларга, курашнинг тарихий услубий асосларига устуворлик бериш асосида шакллантирилган;
дарс ва дарсдан ташқари тарбиявий тадбирларда кураш спортининг инсонпарварлик, анъанавийлик ва миллийлик хусусиятларига асосий эътиборни қаратиш орқали ўқувчиларда миллий ифтихор туйғусининг шаклланганлиги далилланган;
кураш спортининг фанлараро интеграцияси, педагогик мақсад ва вазифалари, дидактик материаллар мазмунини бойитиш, ўқувчиларнинг шахсий ривожланиши, ижодий фаолиятлар воситасида ўқувчиларда миллий ифтихор туйғусини шакллантиришнинг модели ишлаб чиқилган;
“Полвонлар сулоласи” ҳамда “Давлат рамзлари ва кураш” йўналишларида ишлаб чиқилган дидактик воситаларни ўқув ва машғулотлар жараёнида қўллаш натижасида ўқувчиларда кураш спорти орқали миллий ифтихор туйғусини шакллантириш самарадорлиги оширилган;
IV. Тадқиқот натижаларининг жорий қилиниши. Кураш орқали умумий ўрта таълим мактаб ўқувчиларида миллий ифтихор туйғусини шакллантириш бўйича ўтказилган тадқиқот натижалари асосида:
кураш спортинининг ўқувчиларда миллий ифтихор туйғусини шакллантиришга ижобий таъсирини баҳолаш юзасидан ишлаб чиқилган тавсиялар “Кураш ва уни ўқитиш услубияти” номли ўқув қўлланма мазмунига сингдирилган (Ўзбекистон Республикаси Жисмоний тарбия ва спорт вазирлиги ҳузуридаги мувофиқлаштирувчи кенгашнинг 2021-йил 29-мартдаги 2-сон баённомаси). Натижада умумтаълим мактабларида кураш спортини ўқитиш жараёнининг ўқувчиларда миллий ифтихор туйғусини шакллантиришга таъсирини баҳолаш имконияти кенгайтирилган;
кураш спортининг ўқувчиларда миллий ифтихор туйғуларини шакллантириш имкониятларини ошириш юзасидан ишлаб чиқилган таклиф ва тавсиялар “Кураш ва уни ўқитиш услубияти” номли ўқув қўлланма мазмунига сингдирилган (Ўзбекистон Республикаси Жисмоний тарбия ва спорт вазирлиги ҳузуридаги мувофиқлатирувчи кенгашнинг 2021-йил 29-мартдаги 2-сон баённомаси). Натижада кураш спортининг ўқувчиларда миллий ифтихор туйғусини шакллантириш самарадорлиги оширилган;
кураш спорти воситасида ўқувчиларда миллий ифтихор туйғусини шакллантириш механизмларини ишлаб чиқиш бўйича таклиф ва тавсиялар “Болалар спорт машғулотлари назарияси” номли ўқув қўлланма мазмунига сингдирилган (Низомий номидаги Тошкент давлат педагогика университетининг 2023-йил 4-октябрдаги 02-07-4445/04-сон маълумотномаси). Натижада кураш спорти орқали ўқувчиларга миллий ифтихор туйғусини сингдириш имконияти кенгайтирилган;
ўқувчиларда миллий ифтихор туйғусини шакллантириш ва такомиллаштириш бўйича ишлаб чиқилган тавсиялар “Болалар спорт машғулотлари назарияси” номли ўқув қўлланма мазмунига сингдирилган (Низомий номидаги Тошкент давлат педагогика университетининг 2023-йил 4-октябрдаги 02-07-4445/04-сон маълумотномаси). Натижада ўқувчиларга кураш орқали миллий ифтихор туйғусини шакллантириш юзасидан тавсиялар ишлаб чиқилган.