Уралов Олимжон Махаммаджоновичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, Рақамли иқтисодиёт шароитида кабел маҳсулотлари натижадорлиги ва сотиш жараёнининг самарадорлигини ошириш (“Узкабел” АЖ ҚК мисолида), ихтисослик шифри 08.00.16-“Рақамли иқтисодиёт ва халқаро рақамли интеграция” (иқтисодиёт фанлари).
Диссертация мавзуси рўйхатга олинган рақам: B2024.Iqt.3930
Илмий раҳбар: иқтисодиёт фанлари доктори, доцент, Саиткамолов Мухаммадхўжа Собирхўжа ўғли
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети.
ИК фаолият кўрсатаётган муассаса (муассасалар) номи, ИК рақами: Тошкент ахборот технологиялари университети, DSc.13/30.12.2019.Т.07.02.
Расмий оппонентлар: Аллаева Гулчехра Жалгасовна, иқтисодиёт фанлари доктори, профессор; Кенжабаев Оман Тургунович, иқтисодиёт фанлари доктори, профессор.
 Етакчи ташкилот: Г.В.Плеханов номидаги Россия иқтисодиёт университети Тошкент филиали
Диссертация йўналиши: назарий ва амалий аҳамиятга молик.
II. Тадқиқотнинг мақсади: рақамли иқтисодиёт шароитида  “УЗКАБЕЛ” АЖ ҚКнинг жаҳон бозорида кабел маҳсулотларини сотишни яхшилаш бўйича тегишли тавсиялар доирасида таклиф ва тавсияларни ишлаб чиқишдан иборат.
III. Тадқиқотнинг илмий янгилиги:
“Узкабел” АЖ ҚК кабел маҳсулотлари сифати, ассортименти ва жаҳон бозорида реализацияси даражасини оширишнинг стратегик модели 9 турдаги омилга кўра такомиллашатирилган ҳамда унинг рақамли технологияларга кўра ташкил қилиниши таклиф этилган;
рақамли иқтисодиётда “Узкабел” АЖ ҚК кабел маҳсулотларининг жаҳон бозорида муваффақиятли реализациясига кўра ташқи муҳит шароитларини таҳлил қилишнинг уч ва беш баллик шкалалар оралиғида бўлган баҳолаш ёндашуви таклиф этилган;
кабел маҳсулотлари сотиш жараёни самарадорлигини оширишда маълумотларни сотиш графикасидаги    аниқлик ва яхлитликнинг тақсимланишига кўра “CАБСАЛЕПРО” дастурий воситасининг алгоритми такомиллаштирилган ва маҳсулотлар сотилишдаги дастурий таъминот ишонлилиги бўйича тавсиялар асосланган;
“Узкабел” АЖ ҚК қўшма  корхонасининг 2030 йилгача бўлган муддатда асосий фаолияти бўйича фойда, жорий ва узоқ муддатли мажбуриятлар, пул маблағлари ва фойда солиғИ каби омилларга кўра прогноз қийматлари ишлаб чиқилган.
IV. Тадқиқот натижаларининг жорий қилиниши.
Рақамли иқтисодиёт шароитида кабел маҳсулотлари натижадорлиги ва сотиш жараёнининг самарадорлигини ошириш бўйича олинган натижалар асосида:
“Узкабел” АЖ ҚК кабел маҳсулотлари сифати, ассортименти ва жаҳон бозорида реализацияси даражасини оширишнинг стратегик модели 9 турдаги омилга кўра такомиллашатириш бўйича таклиф “Узкабел” АЖ ҚК фаолиятига жорий қилинган (“Узелтехсаноат” уюшмасининг 2024 йил 2 июлдаги 2361/21-сонли, “Узкабел” АЖ ҚК 2024 йил 11 июлдаги 1/105-сонли маълумотномалари). Ушбу илмий янгилик “Узкабел” АЖ ҚКнинг 2023 йилдаги бизнес режасига қўшимча 9 та омилни киритиш асосида корхонанинг асосий фаолиятдан тушган фойдасини муайян даражага оширишга хизмат қилган;
рақамли иқтисодиётда “Узкабел” АЖ ҚК кабел маҳсулотларининг жаҳон бозорида муваффақиятли реализациясига кўра ташқи муҳит шароитларини таҳлил қилишнинг 3 ва 5 баллик шкалалар оралиғида бўлган баҳолаш ёндашуви бўйича таклиф “Узкабел” АЖ ҚК фаолиятига жорий    қилинган (“Узелтехсаноат” уюшмасининг 2024 йил 2 июлдаги 2361/21-сонли, “Узкабел” АЖ ҚК 2024 йил 11 июлдаги 1/105-сонли маълумотномалари). Ушбу таклиф “Узкабел” АЖ ҚКнинг 2023 йилдаги фаолиятининг баҳоси 2,31 ва 2,92 баллга тенг бўлишига хизмат қилган;
кабел маҳсулотлари сотиш жараёни самарадорлигини оширишда маълумотларни сотиш    графикасидаги аниқлик ва яхлитликнинг тақсимланишига кўра “CАБСАЛЕПРО” дастурий воситаси алгоритмини такомиллаштириш ва маҳсулотлар сотилишдаги дастурий таъминот ишонлилиги бўйича тавсиялар “Узкабел” АЖ ҚК фаолиятига жорий қилинган (“Узелтехсаноат” уюшмасининг 2024 йил 2 июлдаги 2361/21-сонли, “Узкабел” АЖ ҚК 2024 йил 11 июлдаги 1/105-сонли маълумотномалари). Ушбу янгиликни амалиётга жорий қилиш натижасида “Узкабел” АЖ ҚК ходимларининг вақтини тежашга имкон берган;
“Узкабел” АК қўшма корхонасининг 2030 йилгача бўлган муддатда асосий фаолияти бўйича фойда, жорий ва узоқ муддатли мажбуриятлар, пул маблағлари ва фойда солиғи каби омилларга кўра прогноз қийматлари қўшма корхона томонидан “Узкабел” АЖ ҚК қўшма корхонасини стретегик ривожлантириш режаси”ни ишлаб чиқишда фойдаланилган  фаолиятига жорий қилинган (“Узелтехсаноат” уюшмасининг 2024 йил 2 июлдаги 2361/21-сонли, “Узкабел” АЖ ҚКнинг 2024 йил 11 июлдаги 1/105-сонли маълумотномалари). Прогноз бўйича таклифлар қўшма корхона фаолиятига рақамли формат технологияларини кенг жорий қилиш ва ички имкониятларни ишлаб чиқариш жараёнига жалб қилишга кўра истиқболда маҳсулотларни сотишдан соф тушум ҳажмини 1.5 баробарга оширишга муайян даражада хизмат қилган.