Axmadiyorov Ulug‘bek Solijonovichning
falsafa doktori (PhD) dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Aylana shaklidagi markazi ochiq bo‘lgan ikki tasmali oldindan zo‘riqtirilgan osma yopmalar», 05.09.01–Qurilish konstruksiyalari, bino va inshootlar (texnika fanlari).
Dissertatsiya mavzusi ro‘yxatga olingan raqam: B2018.2.PhD/T823.
Ilmiy rahbar: Razzoqov Sayidmaxsud Raxmonovich, texnika fanlari doktori, professor.
Dissertatsiya bajarilgan muassasa nomi: Samarqand davlat arxitektura-qurilish instituti.
IK faoliyat ko‘rsatayotgan muassasa (muassasalar) nomi, IK raqami: Toshkent arxitektura-qurilish instituti, Toshkent temir yo‘l muhandislari instituti, Samarqand Davlat arxitektura-qurilish instituti va Namangan muhandislik-qurilish instituti, DSc 27.06.2017. T.11.01.
Rasmiy opponentlar: Xodjaev Abbas Agzamovich, texnika fanlari doktori, professor; Berdiev Oblaqul Boboqulovich, texnika fanlari nomzodi.
Yetakchi tashkilot: «O‘zog‘irsanoatloyiha» AJ.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: aylana shaklidagi yirik markaziy halqaga ega ikki tasmali oldindan zo‘riqtirilgan osma yopmalarning tayanch konturi deformatsiyasi e’tiborga olingan simmetrik va bir tomonlama yuklanish holatidagi muhandislik hisoblash usullarini takomillashtirish, yangi konstruktiv echimlarini ishlab chiqishdan iborat.
III. Tadqiqotning ilmiy yangiligi:
aylana shaklidagi markazi ochiq bo‘lgan ikki tasmali oldindan zo‘riqtirilgan osma yopmaning simmetrik va bir tomonlama yuklar ta’sirida markazdagi ochiqlikni hisobga olingan holda muhandislik hisoblash usullari ishlab chiqilgan;
aylana shaklidagi markazi ochiq bo‘lgan ikki tasmali oldindan zo‘riqtirilgan chiziqsiz deformatsiyalanuvchi osma yopmalarni ikki qatlamli konussimon qobiq nazariyasiga asoslangan holda muhandislik hisoblash usuli takomillashtirilgan;
tajribaviy konstruksiyalarning tayanch halqasi deformatsiyasini hisobga olgan holdagi fizik modellashtirishga asoslangan sinash usullari, kompyuter dasturi asosida hisoblashning blok sxemasi ishlab chiqilgan va kuchlanish-deformatsiya holatlari simmetrik va bir tomonlama yuklar ta’sirida aniqlangan;
aylana shaklidagi markazi ochiq bo‘lgan ikki tasmali oldindan zo‘riqtirilgan osma yopmaning mustahkamligi, bikrligi tayanch halqalarining egiluvchanligini e’tiborga olgan holda aniqlangan va yangi konstruktiv echimi ishlab chiqilgan.
IV. Tadqiqot natijalarining joriy qilinishi.
Aylana shaklidagi markazi ochiq bo‘lgan ikki tasmali oldindan zo‘riqtirilgan osma yopmalar bo‘yicha olingan natijalar asosida:
oldindan zo‘riqtirilgan vantli osma yopmalarning hisoblash usullari Namangan shahri Islom Karimov ko‘chasidagi «Yoshlar bog‘i» hududida barpo etilgan engil tipdagi pavil`onlarning konstruksiyalarini hisoblash jarayonida joriy etilgan (O‘zbekiston Respublikasi Qurilish vazirligining 2018 yil 7 sentyabrdagi 3279/11-10-son ma’lumotnomasi). Natijada material sarfini 20,6%ga, mehnat sarfini 31,7%ga kamaytirish imkonini bergan;
vantli osma yopmalarning konstruktiv elementlari Farg‘ona shahri Yuksalish ko‘chasida joylashgan «Suv suzish sport saroyi» majmuasini loyihalash jarayonida joriy etilgan (O‘zbekiston Respublikasi Qurilish vazirligining 2018 yil 7 sentyabrdagi 3279/11-10-son ma’lumotnomasi). Natijada material sarfini 15%ga, mehnat sarfini 22%ga kamaytirish imkonini yaratgan;
oldindan zo‘riqtirilgan osma yopmalarning konstruktiv echimlari Namangan shahri Amir Temur ko‘chasidagi «Kichkintoylar bog‘i» hududida barpo etilgan engil tipdagi pavil`onlar qurilishini loyihalash jarayonida joriy etilgan (O‘zbekiston Respublikasi Qurilish vazirligining 2018 yil 7 sentyabrdagi 3279/11-10-son ma’lumotnomasi). Natijada material sarfini 22,4%ga, mehnat sarfini 19,6%ga kamaytirish imkonini bergan.
