Нажметдинова Дилфуза Фархатовнанинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Муддатдан ўтган ҳомиладорликда туғруқни ташхислаш ва олиб боришнинг замонавий жиҳатлари», 14.00.01–Акушерлик ва гинекология (тиббиёт фанлари).
Диссертация мавзуси рўйхатга олинган рақам: В2017.1.PhD/Tib10.
Илмий раҳбар: Негматуллаева Мастура Нуруллаевна, тиббиёт фанлари доктори, профессор.
Диссертация бажарилган муассаса номи: Бухоро давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти, DSc.27.06.2017.Tib.29.01.
Расмий оппонентлар: Каримова Деля Фахрутдиновна, тиббиёт фанлари доктори, профессор; Пахомова Жанна Евгеньевна, тиббиёт фанлари доктори, профессор.
Етакчи ташкилот: Самарқанд тиббиёт институти.
Диссертация йўналиши: амалий аҳамиятга молик.
Тадқиқотнинг мақсади: муддатидан ўтган ҳомиладорликда туғруқнинг бошланиши, кечиши хамда ўз вақтида туғруқ индукцияси самарадорлигини баҳолашда қон зардоби таркибий оптик хусусиятларининг қийматини аниқлашдан иборат.
Тадқиқотнинг илмий янгилиги:
ҳомиладорлар қон зардобида радикал симметрик суратга эга булган морфологик турдаги фасциялар аниқланиши орқали бир неча кун аввал спонтан туғруқ фаолиятининг бошланишини прогноз қилиш мумкинлиги аниқланган;
бошқа морфологик турларда спонтан туғруқ фаолиятини прогноз қилишнинг имкони мавжуд эмаслиги исботланган;
муддатидан ўтган ҳомиладорликда қон зардобида апоВоқсили ошиши фонида апоАоқсили пасайишининг фетоплацентар тизим томирлари атерогенезига таъсири аниқланган;
бачадон бўйни етилганлиги босқичига қон зардобининг структуравий-оптик хоссалари корреляцион боғлиқлиги исботланган.
Тадқиқот натижаларининг жорий қилиниши.
Муддатидан ўтган ҳомиладорликда туғруқни бошқариш ташхисоти ва тактикасининг замонавий жиҳатлари бўйича олинган илмий натижалар асосида:
«Муддатидан ўтган ҳомиладорлик» услубий қўлланмаси тасдиқланган (Соғлиқни сақлаш вазирлигининг 2011 йил 30 майдаги 8Н-р/132-сон маълумотномаси). Ушбу услубий қулланма муддатидан ўтган ва муддати узайган ҳомиладор аёлларда туғруққа тайёргарлик даврининг характерини, унинг патологик кечишини ўз вақтида ташхислаш, туғруқнинг ижобий якунига эришиш мақсадида туғдириш тактикасини танлашга имконият яратган;
«Туғруқ фаолияти аномалиялари ва унинг коррекцияси» услубий қўлланмаси тасдиқланган (Соғлиқни сақлаш вазирлигининг 2010 йил 3 ноябр 8сп/192-сон маълумотномаси). Мазкур услубий қўлланма туғруқ якунлари ва туғдириш услубини танлашнинг 66,6% ҳолларда юқори даражадаги тиббий ва ижтимоий самарага эришиш имконини берган;
муддатидан ўтган ҳомиладорларни кузатиш ва туғруқ индукцияси тамойиллари бўйича ишлаб чиқилган схемани қўллашда олинган натижалар соғлиқни сақлаш тизими, жумладан, Бухоро шаҳар туғруқ комплекси, Бухоро шаҳар шифохонаси туғруқ бўлими клиник амалиётига жорий этилган (Соғлиқни сақлаш вазирлигининг 2016 йил 22 августдаги8н-g/49-сон маълумотномаси). Тадқиқот натижаларининг амалиётга жорий этилиши муддатидан ўтган ҳомиладорларда туғруқни прогнозлаш ва туғруқни бошқариш бўйича ташхис ва тактика сифатининг яхшиланиши, табиий бошланган туғруқлар миқдорининг ошиши, она ва ҳомиланинг туғруқ шикасти частотасининг ўртача 27,7% кўрсаткичга пасайишига ёрдам берган.
