Шарипов Аброр Комиловичнинг
фалсафа доктори (PhD) диссертацияси ҳимояси ҳақида эълон

I.Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ҳудудларнинг молиявий мустақиллигини оширишга қаратилган солиқ сиёсатини такомиллаштириш”, 08.00.07 – “Молия, пул муомаласи ва кредит”.
Диссертация мавзуси рўйхатга олинган рақам: B2023.3.PhD/Iqt3288.
Илмий раҳбар: Исламкулов Алимназар Худжамуратович, иқтисодиёт фанлари доктори, профессор.
Диссертация бажарилган муассаса номи: Ўзбекистон Республикаси Президенти ҳузуридаги Давлат бошқаруви академияси.
ИК фаолият кўрсатаётган муассаса номи, ИК рақами: Тошкент давлат иқтисодиёт университети, DSc.03/30.12.2019.I.17.01.
 Расмий оппонентлар: Жўраев Абдуғаффор Сафарович, иқтисодиёт фанлари доктори, профессор; Абдуллаев Зафар Алиджанович, иқтисодиёт фанлари доктори, доцент.
Етакчи ташкилот: Ўзбекистон Республикаси Иқтисодиёт ва молия вазирлиги ҳузуридаги Бюджет-солиқ сиёсати тадқиқот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: ҳудудларнинг молиявий  мустақиллигини оширишга қаратилган солиқ сиёсатини такомиллаштириш бўйича илмий таклиф ва амалий тавсияларни ишлаб чиқишдан иборат.
III.Тадқиқотнинг илмий янгилиги қуйидагилардан иборат:
ҳудудлар (вилоят, туман, шаҳар) маҳаллий бюджетлари ихтиёрида шакллантирилган қўшимча маблағларнинг 30 фоизидан кам бўлмаган қисмини жамоатчилик фикри асосида ҳудудларни янада ривожлантириш тадбирларига сарфлаш зарурлиги илмий асосланган;
фуқароларнинг ташаббуслари билан ҳудуднинг ижтимоий-иқтисодий ривожланиши учун қўшимча даромадлардан сарфланаётган маблағлар асосида реализация қилинаётган лойиҳалар ҳар ойда камида бир маротаба ўрганиш ва назоратини кучайтириш таклиф этилган;
ҳудудларда чиқиндиларни тўплаш, олиб чиқиш, саралаш ва қайта ишлаш фаолияти билан шуғулланувчи тадбиркорлик субектларини олган даромадларини солиқ даври якунлари бўйича жами даромадларининг 90 фоизидан кам бўлмаган ҳолларда фойда солиғи ва ижтимоий солиқни 1 фоиз миқдорида белгилаш исботланган;
ҳудудий Кенгашларнинг бюджет соҳасидаги ваколатларини янада ошириш мақсадида маҳаллий бюджетлар маблағларини тақсимловчиларнинг бюджет маблағларининг самарали ва мақсадли сарфланганлигини, харажатларининг амалий натижалари юзасидан ҳисобот бериш амалиётини ижодий қўллаш зарурлиги илмий асосланган.
IV.Тадқиқот натижаларининг жорий қилиниши. Ҳудудларнинг молиявий  мустақиллигини оширишга қаратилган солиқ сиёсатини такомиллаштириш масалаларига бағишланган илмий тадқиқот ишининг натижалари асосида:
ҳудудлар (вилоят, туман, шаҳар) маҳаллий бюджетлари ихтиёрида шакллантирилган қўшимча маблағларнинг 30 фоизидан кам бўлмаган қисмини жамоатчилик фикри асосида ҳудудларни янада ривожлантириш тадбирларига сарфлаш зарурлиги бўйича таклифи Ўзбекистон Республикасининг Президентининг 2023-йил 10-апрелдаги ПҚ-117-сон “Ташаббусли бюджетлаштириш амалиётини янада такомиллаштириш ҳамда фаол маҳаллаларни қўллаб-қувватлаш чора-тадбирлари тўғрисида”ги  қарорини ишлаб чиқишда фойдаланилган (Ўзбекистон Республикаси Иқтисодиёт ва молия вазирлигининг 2024-йил 17-майдаги 03/41-10427-сон маълумотномаси). Бунинг натижасида, Сурхондарё вилояти маҳаллий бюджетлари ихтиёрида қолдирилган маблағларнинг 43,3 млрд.сўм фуқароларнинг ташаббуслари билан маҳаллаларни қўллаб-қувватлашга йўналтиришга эришилган;
фуқароларнинг ташаббуслари билан ҳудуднинг ижтимоий-иқтисодий ривожланиши учун қўшимча даромадлардан сарфланаётган маблағлар асосида реализация қилинаётган лойиҳалар ҳар ойда камида бир маротаба ўрганиш ва назоратини кучайтириш таклифи Ўзбекистон Республикасининг Президентининг 2023-йил 10-апрелдаги ПҚ-117-сон “Ташаббусли бюджетлаштириш амалиётини янада такомиллаштириш ҳамда фаол маҳаллаларни қўллаб-қувватлаш чора-тадбирлари тўғрисида”ги  қарорини ишлаб чиқишда фойдаланилган (Ўзбекистон Республикаси Иқтисодиёт ва молия вазирлигининг 2024-йил 17-майдаги 03/41-10427-сон маълумотномаси). Натижада, назорат органлари томонидан Сурхондарё вилояти маҳаллий бюджети ихтиёрида қолдирилган қўшимча маблағлардан лойиҳаларга сарфланиши жойига сиқиб ўрганилганда 4,3 млрд.сўм ёки қўшимча маблағларнинг 3 фоизи мақсадсиз сарфланаётганлиги аниқланган ва фуқаролар ташаббуси жамғармасига қайтарилишига эришилган.
ҳудудларда чиқиндиларни тўплаш, олиб чиқиш, саралаш ва қайта ишлаш фаолияти билан шуғулланувчи тадбиркорлик субектларини олган даромадларини солиқ даври якунлари бўйича жами даромадларининг 90 фоизидан кам бўлмаган ҳолларда фойда солиғи ва ижтимоий солиқни 1 фоиз миқдорида белгилаш таклифи Ўзбекистон Республикасининг 2022-йил 30-декабрдаги ЎРҚ-812-сон “Солиқ ва бюджет сиёсатининг 2023-йилга мўлжалланган асосий йўналишларини қабул қилинганлиги муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида”ги қонунини ишлаб чиқишда фойдаланилган (Ўзбекистон Республикаси Иқтисодиёт ва молия вазирлигининг 2024-йил 17-майдаги 03/41-10427-сон маълумотномаси).
ҳудудий Кенгашларнинг бюджет соҳасидаги ваколатларини янада ошириш мақсадида маҳаллий бюджетлар маблағларини тақсимловчиларнинг бюджет маблағларининг самарали ва мақсадли сарфланганлигини, харажатларининг амалий натижалари юзасидан ҳисобот бериши тавсияси Ўзбекистон Республикаси Президентининг 2022-йил 30-декабрдаги ЎРҚ-471-сон “Ўзбекистон Республикасининг “2023-йил учун Ўзбекистон Республикасининг давлат бюджети тўғрисида”ги қонуни ижросини таъминлаш чора-тадбирлари тўғрисида”ги қарорини ишлаб чиқишда фойдаланилган (Ўзбекистон Республикаси Иқтисодиёт ва молия вазирлигининг 2024-йил 17-майдаги 03/41-10427-сон маълумотномаси).