Абдуллаев  Шарофиддин Юсуп ўғлининг
фалсафа доктори(PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Намлиги юқори пахталарни ғарамда сақлаш ва қуритиш режимларини такомиллаштириш” 05.06.02 - “Тўқимачилик материаллари технологияси ва хомашёга дастлабки ишлов бериш”(техника фанлари).
Диссертация мавзуси рўйхатга олинган рақам: B2024.4.PhD/Т156
Илмий раҳбар: Парпиев Азим Парпиевич, техника фанлари доктори, профессор.
Диссертация бажарилган муассаса номи: Тошкент тўқимачилик ва енгил саноат институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.03/30.12.2019.Т.08.01.
Расмий оппонентлар: Жуманиязов Қадам Жуманиязович, техника фанлари доктори, профессор; Саримсоқов Олимжон Шарипжонович, техника фанлари доктори, профессор.
Етакчи ташкилот: Жиззах политехника институти.
Диссертация йўналиши: амалий аҳамиятга молик.
II. Тадқиқотнинг мақсади–намлиги юқори бўлган пахталарни сақлаш ва қуритишни  рационал режимларини ишлаб чиқиш асосида уларни сифатини сақлаб қолишдан иборат.
III. Тадқиқотнинг илмий янгилиги қуйидагилардан иборат:
ғарамланаётган пахта ифлослигини максимал фарқи меъёри ва тола сифатига таъсири технологик жараёнларда пахтани намлиги, ифлослик нотекислигини ўзгариш қонуниялари асосида аниқланган;
пахтани қиздирилган ҳолда шамоллатиб қуритиш жадаллигини асословчи асосий механизмлари  асосланди ва қуриш кинетикасини характерловчи боғланишлар кичик квадратлар усули ёрдамида ишлаб чиқилган;
шамоллатишда пахтадан намлик ажралиши билан пахта вазни, шамоллатиш вақти ва қайталиги ўртасидаги боғланишлар олинган, уларни рационал қийматлари қурилган регрессия тенгламалари таҳлили асосида аниқланган;
ғарам баландлиги билан уни зичлиги пахта намлиги, ифлослиги ўртасидаги боғланишларни характерловчи регрессия тенгламалари кичик квадратлар усули ёрдамида ишлаб чиқилган ва шулар асосида пахта ғарами баландлиги бўйича намлик, ифлослик хамда зичликларни тақсимланиши аниқланган.
IV. Тадқиқот натижаларининг жорий қилиниши. Намлиги юқори пахталарни ғарамда сақлаш ва қуритиш режимларини такомиллаштириш бўйича олиб борилган илмий тадқиқотлар натижалари асосида:
Такомиллаштирилган намлиги юқори пахталарни ғарамда сақлаш ва қуритиш режими “Real agro cotton” УК Юқори Чирчиқ тумани филиали пахта тозалаш корхонасида жорий этилган (Ўзтўқимачиликсаноат уюшмасининг 2024-йил 24-сентябрдаги 03/25-2562-сонли маълумотномаси). Натижада шамоллатиш ва қуритиш режимларининг амалдаги ва тажриба намуналарини солиштирма синов ишларида V-саноат навли намлиги юқори пахтани дастлабки ишлашда ишлаб чиқарилган тола синфи “Ўрта” синфдан “Яхши” синфга яхшиланишига, сақлашда электр-энергия сарфи 888 кВт*соат га камайишига эришилган.