Саидоббозов Саидмансур Шамшидиновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Инден асосида полиметиленинденсулфокислота олиниши ва қўлланилиши», 02.00.14 - Органик моддалар ва улар асосидаги материаллар технологияси (техника фанлари).
Диссертация мавзуси рўйхатга олинган рақам: В2024.2.PhD/Т4593.
Илмий раҳбар: Мирхамитова Дилором Худойбердиевна, кимё фанлари доктори, профессор.
Диссертация бажарилган муассаса номи: Ўзбекистон Миллий университети.
ИК фаолият кўрсатаётган муассаса номи, ИК рақами: Наманган муҳандислик-технология институти ҳузуридаги DSc.03/29.08.2023.К/Т.66.02 рақамли илмий кенгаш асосидаги бир марталик илмий кенгаш.
Расмий оппонентлар: Нурқулов Файзулла Нурмўминович, техника фанлари доктори, профессор; Юсупова Лола Азимовна,  техника фанлари доктори, профессор.
Етакчи ташкилот: Умумий ва ноорганик кимё институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: “Уз-КорГас Чемиcал” МЧЖга қарашли Устюрт газ-кимё мажмуасининг иккиламчи маҳсулоти пиролиз мойи таркибидан инденни ажратиб олиш ва у асосида сулфокатионит синтез қилиш ва ишлаб чиқариш технологиясини яратишдан иборат.
III. Тадқиқотнинг илмий янгилиги:
углеводородлар пиролизи иккиламчи маҳсулотини қайта ишлаш усуллари илмий жиҳатдан асосланган ва унинг таркибидан инден моддаси ажратиб олинган;
илк бор инденни сулфолаш ва поликонденсациялаш орқали полиметиленинденсулфокислота синтез қилинган, реакция механизми исботланган;
инденсулфокислотани формалин иштирокида поликонденсацияси амалга оширилган ва жараёнда тармоқланган тузилишли полиметиленинденсулфокислота ҳосил бўлиши исботланган;
олинган полиметиленинденсулфокислотанинг катионит сифатида эксплуатацион хоссалари аниқланган ва физик-кимёвий усуллар орқали термик барқарорлиги асосланган;
саноат иккиламчи маҳсулоти таркибидан инденни ажратиш ва у асосида полиметиленинденсулфокислота олиш жараёни техналогияси ишлаб чиқилган.
IV. Тадқиқот натижаларининг жорий қилиниши. Саноат иккиламчи махсулоти таркибидан инденни ажратиб олиш, тозалаш, у асосида полиметиленинденсулфокислота олиш технологияси ишлаб чиқиш бўйича олинган илмий натижалар асосида:
ишлаб чиқилган иккиламчи махсулот таркибидан инденни ажратиб олиш ва уни поликонденсациялаш усули “Муборак газни қайта ишлаш заводи” корхонасида амалиётга жорий қилинган (“Муборак газни қайта ишлаш заводи” АЖнинг 2023 йил 8 августдаги 773/ГК-08-сон маълумотномаси). Натижада, маҳаллий хом ашё асосида янги махсулот синтез қилиш имконини берган;
синтез қилинган полиметиленинденсулфокислота “Муборак газни қайта ишлаш” АЖ айланма сувларини тозалашда катионит сифатида амалиётга жорий қилинган (“Муборак газни қайта ишлаш заводи” АЖ нинг 2023 йил 8 августдаги 773/ГК-08-сон маълумотномаси). Натижада, корхонада ишлатилаётган импорт катионитни маҳаллийлаштириш имконини берган.