Мўминов Улуғбек Одилжоновичнинг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Ноанъанавий хомашёлардан консервалар тайёрлаш технологияси», 02.00.17 – Қишлоқ хўжалик ва озиқ-овқат маҳсулотларига ишлов бериш, сақлаш ҳамда қайта ишлаш технологиялари ва биотехнологиялари (техника фанлари).
Диссертация мавзуси рўйхатга олинган рақам: В2024.4.PhD/Т5005.
Илмий раҳбар: Атаханов Шухратжон Нуриддинович, техника фанлари доктори, доцент.
Диссертация бажарилган муассаса номи: Наманган давлат университети.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/30.12.2019.Т.04.01.
Расмий оппонентлар: Исабоев Исмоил Бобожанович, техника фанлари доктори, профессор; Суванова Фаёза Усмоновна, техника фанлари доктори, профессор.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: семизўт, арман бодринги (тарра), ғўра ёнғоқ каби ноанъанавий хомашёлардан консерва маҳсулотлари тайёрлаш технологиясини ишлаб чиқишдан иборат.
III. Тадқиқотнинг илмий янгилиги:
семизўт, тарра, ғўра ёнғоқ хомашёларидан тайёрланадиган консерва рецептига кирадиган миқдорларининг рационал нисбати аниқланиб, маҳсулот рецепти асосланган;
семизўт, тарра, ғўра ёнғоқ хомашёларини консервалаш учун тайёрлаш, бирламчи ишлов бериш ва ишлаб чиқариш технологиялари асосланган;
яратилган янги маҳсулотни озиқавий, биологик ва энергетик қийматлари исботланган;
семизўт, тарра, ғўра ёнғоқ хомашёларини қайта ишлашдаги кесиш ва аралаштириш жараёнларининг математик модели ишлаб чиқилган ва мақбул параметрлари асосланган.
IV. Тадқиқот натижаларининг жорий қилиниши: Семизўт, арман бодринги (тарра), ғўра ёнғоқ каби ноанъанавий хомашёлардан консерва маҳсулотлари тайёрлаш технологиясини ишлаб чиқиш бўйича олинган натижалар асосида:
ноанъанавий хомашёлардан  консерва маҳсулоти тайёрлаш технологияси «Наманган шарбати» МЧЖ, Учқўрғон туманидаги «Муҳаммадали Ҳамкор Бизнес» ОАЖ ва «Шокиржон Шавкатжон ҳамкор» Фермер хўжаликларида ишлаб чиқаришга жорий этилган («Ўзбекистон озиқ-овқат саноати уюшмаси» ХКнинг 2024 йил 1 апрелдаги 01-26/04-24-сонли маълумотномаси). Натижада, озуқавий ва биологик қиймати юқори бўлган, ноанъанавий хомашёдан тайёрланган консервадан физик-кимёвий кўрсаткичлари қолишмайдиган консерва маҳсулотлари ассортиментини кенгайтириш имконини берган;
семизўт, арман бодринги (тарра), ғўра ёнғоқ асосидан  консерва маҳсулоти тайёрлаш технологияси «Наманган шарбати» МЧЖ, Учқўрғон туманидаги «Муҳаммадали Ҳамкор Бизнес» ОАЖ ва «Шокиржон Шавкатжон ҳамкор» Фермер хўжаликларида ишлаб чиқаришга жорий этилган («Ўзбекистон озиқ-овқат саноати уюшмаси» ХКнинг 2024 йил 1 апрелдаги 01-26/04-24-сонли маълумотномаси). Натижада, аҳолини сифатли, биологик ва озуқавий қиймати юқори  ҳамда таннархи арзон консерва маҳсулотлари билан таъминлаш имконини берган.