Самадов Сардор Сaбировичнинг
фалсафа доктори (PhD) диссертация ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Юқори физик-механик хоссаларига эга бўлган физик-кимёвий модификацияланган композицион эпоксидли полимер материалларни яратиш ва уларни олиш технологияси», 02.00.07 - Композицион, лок-бўёқ ва резина материаллар кимёси ва технологияси (техника фанлари).
Диссертация мавзуси рўйхатга олинган рақам: В2024.4.PhD/Т4568.
Илмий раҳбар: Мухиддинов Баходир Фахриддинович, кимё фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.К/Т.03.01.
Расмий оппонентлар: Абед Нодира Сайибжановна, техника фанлари доктори, профессор; Ихтиярова Гулнора Акмаловна, техника фанлари доктори, профессор.
Етакчи ташкилот: Бухоро давлат университети.
Диссертация йўналиши: амалий аҳамиятга молик.
II. Тадқиқотнинг мақсади: юқори физик-механик хоссаларига эга бўлган физик-кимёвий модификацияланган композицион эпоксидли полимер материалларни яратиш ва уларни олиш технологиясини ишлаб чиқишдан иборат.
III. Тадқиқотнинг илмий янгилиги:
блокланган диизоцианатлар томонидан эпоксидли полимерларнинг модификациясини комплекс тахлил қилиш орқали эпоксидли полимерларни модификация қилиш механизми, шунингдек, блокланган диизоцианатларни блокдан чиқариш ва полимерларнинг шаклланишига турли функционал гуруҳларнинг таъсири аниқланган;
блокланган диизоцианатлар билан эпоксидли полимерларни модификациялаш вақтидаги микротузилишидаги ўзгаришлар асосланган;
микротузилиш параметрлари ва модификацияланган эпоксидли полимерларнинг физик-механик хусусиятлари ўртасидаги корреляцион боғлиқлик ва модификаторларнинг оптимал концентрацияси аниқланган;
полимер модификациясининг самарадорлиги, алмашинув ва парчаланишнинг ҳароратга, блокланган диизоцианат ва блокировка қилувчи агентнинг табиатига боғлиқлиги исботланган;
эпоксидли олигомерларни модификатори сифатида фурфурилиденаминоэтанол томонидан блокланган толуилендиизоцианат асосидаги қўшимчалардан фойдаланиш тавсия этилган;
блокланган диизоцианатлар ва улар асосида композиционлар билан модификацияланган эпоксидли полимерларни олиш технологияси ишлаб чиқилган.
IV. Тадқиқот натижаларининг жорий қилиниши:
Юқори физик-механик хоссаларига эга бўлган физик-кимёвий модификацияланган композицион эпоксидли полимер материалларни яратиш ва уларни олиш технологиясини ишлаб чиқиш бўйича илмий тадқиқотлар натижалари асосида:
модификацияланган эпоксидли полимер композицияларини коррозияга чидамли материаллар сифатида олишнинг техник шарти “Навоий кон-металлургия комбинати” АЖда амалиётга жорий этилган (ТШ 64-15086836-03:2024) (“Навоий кон-металлургия комбинати” АЖнинг 2024 йил 6 августдаги 23/01-01-07/437-сон маълумотномаси). Натижада, эпоксиуретан полимерлари асосида емирилишга ва коррозияга чидамли, юқори мустаҳкамликка эга модификацияланган эпоксидли полимер композицияларини олиш имконини берган;
модификацияланган эпоксидли полимер композициялари қоплама материаллари сифатида Навоий кон-металлургия комбинати АЖда амалиётга жорий этилган (Навоий кон-металлургия комбинати АЖ нинг 2024 йил 6 августдаги 23/01-01-07/437-сон маълумотномаси). Натижада, агрессив муҳитда ишлайдиган технологик машиналар ва қурилмаларни қоплама материаллари учун модификацияланган эпоксидли полимер композицияларининг адгезион мустаҳкамлигини 25%гача ошириш имконини берган;
модификацияланган эпоксидли полимер композицияларини ишлаб чиқаришнинг оптимал технологик параметрлари Навоий кон-металлургия комбинати АЖда амалиётга жорий этилган (“Навоий кон-металлургия комбинати” АЖнинг 2024 йил 6 августдаги 23/01-01-07/437-сон маълумотномаси). Натижада, гидрометаллургия ва гидротехнология тармоқларида кислотали мухитга ишлайдиган насосларнинг хизмат қилиш муддатини узайтириш имконини берган.