Qodirov Sardorbek Isroiljon o‘g‘lining
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): “Iqtisodiyotni raqamli transformatsiyalash sharoitida sanoat korxonalarini rivojlantirishning tashkiliy-iqtisodiy mexanizmlari”, 08.00.03 – “Sanoat iqtisodiyoti” va 08.00.16 – “Raqamli iqtisodiyot va xalqaro raqamli integratsiya”
Dissertatsiya mavzusi ro‘yxatga olingan raqam: B2022.2.PhD/Iqt1538
Ilmiy rahbar: Muminova Elnoraxon Abdukarimovna, iqtisodiyot fanlari doktori, professor.
Dissertatsiya bajarilgan muassasa nomi: Farg‘ona politexnika instituti
IK faoliyat ko‘rsatayotgan muassasa (muassasalar) nomi: Farg‘ona politexnika instituti, DSc.03/08.05.2024.I.06.05
Rasmiy opponentlar: Qo‘chqorov Toxir Safarovich, iqtisodiyot fanlari doktori, professor; Xakimov Ziyodulla Axmadovich, iqtisodiyot fanlari doktori, dotsent.
Yetakchi tashkilot: Namangan muhandislik-qurilish instituti
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: Iqtisodiyotni raqamli transformatsiyalash sharoitida sanoat korxonalarini rivojlantirishning tashkiliy-iqtisodiy mexanizmlarini takomillashtirish va sohani samarali rivojlantirish bo‘yicha taklif va tavsiyalar ishlab chiqishdan iborat.
III.Tadqiqotning ilmiy yangiligi:
qurilish materiallari sanoati korxonalarining raqamli texnologiyalardan foydalanish darajasini baholash  mezonlari “boshqaruv jarayoni”, “ishlab chiqarish jarayoni”, “marketing”, “ijtimoiy muhit” ko‘rsatkichlari asosida takomillashtirilgan;
qurilish materiallari korxonalarida raqamli texnologiyalarni joriy etishning tashkiliy-iqtisodiy mexanizmi “dastlabki raqamlashtirish”, “vertikal integratsiya”, “gorizontal integratsiya”, “raqamli faoliyat” darajalari orqali takomillashtirilgan;
qurilish materiallari korxonalarining transformatsiyalashuv jarayonlariga moslashuvchanligini oshirish maqsadida iqtisodiy samaradorlikning yuqori natijasini ta’minlovchi  raqamli transformatsiyani amalga oshirish ssenariylari ishlab chiqilgan;
amalga oshirilgan qurilish ishlari, ishlab chiqarilgan sanoat mahsulotlari, asosiy kapitalga o‘zlashtrilgan investisiyalar, faoliyat ko‘rsatayotgan qurilish materiallari ishlab chiqaruvchi korxonalar soni asosida 2024-2028-yillarda ishlab chiqarilishi mumkin bo‘lgan qurilish materiallari hajmining ekonometrik modellari va prognoz ko‘rsatkichlari ishlab chiqilgan.
IV. Tadqiqot natijalarining joriy qilinishi. Iqtisodiyotni raqamli transformatsiyalash sharoitida sanoat korxonalarining tashkiliy-iqtisodiy mexanizmlarini takomillashtirish bo‘yicha olingan ilmiy natijalar asosida quyidagi ishlar amalga oshirildi:
qurilish materiallari sanoati korxonalarida raqamli texnologiyalardan foydalanish samaradorligini “boshqaruv jarayoni”, “ishlab chiqarish jarayoni”, “marketing”, “ijtimoiy muhit” yo‘nalishlaridagi ko‘rsatkichlar asosida takomillashgan baholash mezonlari bo‘yicha berilgan amaliy taklif “O‘zsanoatqurilishmateriallari” uyushmasi tarkibidagi korxonalarda joriy qilingan. (“O‘zsanoatqurilishmateriallari” uyushmasi 05/13-1460-sonli ma’lumotnomasi). Mazkur ilmiy yangilikni amaliyotga joriy etish natijasida sanoat korxonalarida transformatsion jarayonlarni strategik rejalashtirishni optimallashtirishga erishilgan;
qurilish materiallari korxonalarida raqamli texnologiyalarni joriy qilishning tashkiliy-iqtisodiy mexanizmi “dastlabki raqamlashtirish”, “vertikal integratsiya”, “gorizontal integratsiya”, “raqamli faoliyat” yo‘nalishlari orqali takomillashtirish bo‘yicha berilgan amaliy taklif “O‘zsanoatqurilishmateriallari” uyushmasi tarkibidagi korxonalarda joriy qilingan. (“O‘zsanoatqurilishmateriallari” uyushmasi 05/13-1460-sonli ma’lumotnomasi). Natijada sanoat korxonalarida raqamli transformatsiyani amalga oshirishda jarayonlar ketma-ketligini ta’minlash imkonini yaratilgan;
qurilish materiallari korxonalarining transformatsiyalashuv jarayonlariga moslashuvchanligini oshirish maqsadida iqtisodiy samaradorlikning yuqori natijasini ta’minlovchi  raqamli transformatsiyani amalga oshirish ssenariylari “O‘zsanoatqurilishmateriallari” uyushmasi tarkibidagi korxonalarda joriy qilingan. (“O‘zsanoatqurilishmateriallari” uyushmasi 05/13-1460-sonli ma’lumotnomasi). Natijada sanoat korxonalarida ularning moliyaviy holati, iqtisodiy salohiyati, kadrlar ta’minotini o‘z ichiga olgan transformatsion strategiyani shakllantirishga xizmat qilgan;
amalga oshirilgan qurilish ishlari, ishlab chiqarilgan sanoat mahsulotlari, asosiy kapitalga o‘zlashtrilgan investisiyalar, faoliyat ko‘rsatayotgan qurilish materiallari ishlab chiqaruvchi korxonalar soni asosida 2024-2028-yillarda ishlab chiqarilishi mumkin bo‘lgan qurilish materiallari hajmining ekonometrik modellari va prognoz ko‘rsatkichlari “O‘zsanoatqurilishmateriallari” uyushmasi faoliyatiga tadbiq qilingan. (“O‘zsanoatqurilishmateriallari” uyushmasi 05/13-1460-sonli ma’lumotnomasi).  Buning natijasida, Farg‘ona viloyatida faoliyat olib boruvchi qurilish materiallari sanoati korxonalarining ishlab chiqarish hajmi o‘zgarishining 2024-2028-yillarga mo‘ljallangan prognoz parametrlari aniqlangan.