Abduolimov Urinboy Xudoberdievichning
falsafa doktori (PhD) dissertatsiya himoyasi haqida e’lon

I.    Umumiy ma’lumotlar.
Dissertatsiya mavzusi, ixtisoslik shifri: “Prokuratura organlarining tashkiliy-huquqiy asoslarini takomillashtirish (O‘zbekiston va Turkiya misolida)”, 12.00.07 – Sud hokimiyati. Prokuror nazorati. Huquqni muhofaza qilish faoliyatini tashkil etish. Advokatura (yuridik fanlar).
Dissertatsiya mavzusi ro‘yxatga olingan raqam: B2021.4.PhD/Yu637.
Ilmiy rahbar: Mamasiddiqov Muzaffarjon Musajonovich, yuridik fanlar doktori, professor.
Dissertatsiya bajarilgan muassasa nomi: O‘zbekiston Respublikasi Huquqni muhofaza qilish akademiyasi.
IK faoliyat ko‘rsatayotgan muassasa nomi, IK raqami: O‘zbekiston Respublikasi Huquqni muhofaza qilish akademiyasi, DSc.31/31.12.2020.Yu.67.01.
Rasmiy opponentlar: Tulyaganov Abdumannop Abdujabbarovich, yuridik fanlar doktori, professor; Maxmudov Alisher Abdusalimovich, yuridik fanlar bo‘yicha falsafa doktori (PhD), dotsent.
Yetakchi tashkilot: Inson huquqlari bo‘yicha O‘zbekiston Respublikasi Milliy markazi.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi O‘zbekiston va Turkiya tajribasini qiyosiy-huquqiy tahlil qilish asosida mamlakatimiz prokuratura organlari faoliyatining tashkiliy-huquqiy asoslarini takomillashtirishga doir ilmiy asoslangan taklif va tavsiyalar ishlab chiqishdan iborat.
III. Tadqiqotning ilmiy yangiligi:
qonuniylikni qat’iy ta’minlovchi, ochiq va adolatli prokuratura faoliyatining mustahkam huquqiy asoslarini yaratish maqsadida prokuratura organlarida prokuratura organlarining hay’atlari, malaka kengashlari, odob-axloq kengashlari, O‘zbekiston Respublikasi Bosh prokuraturasi huzuridagi Jamoatchilik kengashi kabi kollegial va maslahat organlarining faoliyati,  huquqiy maqomi va tizimini O‘zbekiston Respubliksining “Prokuratura to‘g‘risida”gi Qonunida belgilash asoslantirilgan;
prokuratura organlarida ishlarni samarali tashkil etish, prokuror nazoratining shakl va uslublarini takomillashtirish, prokuratura organlari faoliyatining ochiqligi va shaffofligini, prokuror nazorati samaradorligi va natijaviyligini oshirish maqsadida O‘zbekiston Respublikasi Bosh prokuratura va Oliy sudi axborot tizimlarini integratsiya qilishga qaratilgan yagona axborot tizimini yaratishning huquqiy asoslarini ishlab chiqish asoslantirilgan;
qonun ustuvorligini ta’minlash, prokuratura organlarining mustaqilligini mustahkamlash, lavozimni suiiste’mol qilinishining oldini olish hamda prokuratura tizimining samaradorligini oshirish maqsadida ayni bir shaxs surunkasiga ikki muddatdan ortiq O‘zbekiston Respublikasining Bosh prokurori lavozimini egallashi mumkin emasligi haqidagi normani mamlakatimiz Konstitusiyasi darajasida belgilab qo‘yilishi asoslantirilgan;
Turkiya qonunchilik tajribasidan kelib chiqib, mamlakatimizda prokuratura organlari xodimlarini rag‘batlantirish, intizomiy jazo turlari va ularni qo‘llash tartibi, xizmat tekshiruvini tayinlash va o‘tkazish tartibi, prokuratura organlari xodimlarining moddiy va ijtimoiy ta’minoti, xodimlarning ish vaqti va mehnat ta’tili, prokuratura organlari xodimlari hamda ularning oila a’zolarining ijtimoiy kafolatlari kabi masalalar O‘zbekiston Respublikasining “Prokuratura to‘g‘risida”gi Qonunida alohida bo‘limda batafsil tartibga solinishi to‘g‘risidagi takliflar asoslantirilgan.
IV. Tadqiqot natijalarining joriy qilinishi. Tadqiqot ishi bo‘yicha olingan ilmiy natijalardan quyidagilarda foydalanilgan:
prokuratura organlarida prokuratura organlarining hay’atlari, malaka kengashlari, odob-axloq kengashlari, O‘zbekiston Respublikasi Bosh prokuraturasi huzuridagi Jamoatchilik kengashi kabi kollegial va maslahat organlarining faoliyati, huquqiy maqomi va tizimini qonunchilikda belgilash taklifi O‘zbekiston Respublikasining “Prokuratura to‘g‘risida”gi Qonuni loyihasida o‘z ifodasini topgan (O‘zbekiston Respublikasi Bosh prokuraturasining 2022 yil 8 avgustdagi 27/2-185-22-son dalolatnomasi). Ushbu taklifning qabul qilinishi qonuniylikni qat’iy ta’minlovchi, ochiq va adolatli prokuratura faoliyatining mustahkam huquqiy asoslarini yaratishga xizmat qilgan;
Bosh prokuratura va Oliy sud axborot tizimlarini integratsiya qilishga qaratilgan yagona axborot tizimini yaratishning huquqiy asoslarini ishlab chiqish taklifi O‘zbekiston Respublikasi Prezidentining 2023 yil 16 yanvardagi “Odil sudlov faoliyatini amalga oshirishni samarali tashkil etish bo‘yicha qo‘shimcha chora-tadbirlar to‘g‘risida”gi PF-12-son Farmoni 1-bandi uchinchi xatboshisida Bosh prokuratura va Oliy sud axborot tizimlarini integratsiya qilish yo‘li bilan o‘zaro hujjat almashinuvini to‘liq yo‘lga qo‘yish borasidagi topshiriqni shakllantirishda foydalanilgan (O‘zbekiston Respublikasi Bosh prokuraturasining 2024 yil 13 iyundagi 27/2-144-24-son dalolatnomasi). Ushbu taklifning qabul qilinishi prokuratura organlarida ishlarni samarali tashkil etish, prokuror nazoratining shakl va uslublarini takomillashtirish, prokuratura organlari faoliyatining ochiqligi va shaffofligini, prokuror nazorati samaradorligi va natijaviyligini oshirishga xizmat qilgan;
ayni bir shaxs surunkasiga ikki muddatdan ortiq O‘zbekiston Respublikasining Bosh prokurori lavozimini egallashi mumkin emasligi to‘g‘risidagi taklif O‘zbekiston Respublikasining 2024 yil 19 fevraldagi “Yangi tahrirdagi O‘zbekiston Respublikasi Konstitusiyasi qabul qilinganligi munosabati bilan O‘zbekiston Respublikasining ayrim qonun hujjatlariga O‘zbekiston Respublikasi Oliy Majlisining faoliyatini takomillashtirishga qaratilgan o‘zgartirish va qo‘shimchalar kiritish to‘g‘risida”gi O‘RQ-909-sonli Qonunning birinchi moddasiga muvofiq  “Prokuratura to‘g‘risida”gi Qonuni 12-moddasini shakllantirishda foydalanilgan (O‘zbekiston Respublikasi Oliy Majlisi Qonunchilik palatasining Korrupsiyaga qarshi kurashish va sud-huquq masalalari qo‘mitasining 2024 yil 13 maydagi 04/2-10-1126-son dalolatnomasi). Ushbu taklifning qabul qilinishi qonun ustuvorligini ta’minlash, prokuratura organlarining mustaqilligini mustahkamlash, lavozimni suiiste’mol qilinishining oldini olish hamda prokuratura tizimining samaradorligini oshirishga xizmat qilgan;
prokuratura organlari xodimlarini rag‘batlantirish, intizomiy jazo turlari va ularni qo‘llash tartibi, xizmat tekshiruvini tayinlash va o‘tkazish tartibi, prokuratura organlari xodimlarining moddiy va ijtimoiy ta’minoti, xodimlarning ish vaqti va mehnat ta’tili, prokuratura organlari xodimlari hamda ularning oila a’zolarining ijtimoiy kafolatlari kabi masalalar qonunchilikda batafsil tartibga solinishi to‘g‘risidagi taklif O‘zbekiston Respublikasining yangi tahrirdagi “Prokuratura to‘g‘risida”gi qonuni loyihasining “Prokuratura organlari xodimlarining javobgarligi” deb nomlangan 106-moddasi 1-3-xatboshilarida, “Intizomiy jazolar” deb nomlangan 107-moddasi 1-2-xatboshilarida, “Prokuratura organlari xodimlarining moddiy ta’minoti” deb nomlangan 108-moddasi 1-2-xatboshilarida, “Xodimlarning ish vaqti va mehnat ta’tili” deb nomlangan 110-moddasi 4-8-xatboshilarida, “Prokuratura organlari xodimlari hamda ularning oila a’zolarining ijtimoiy kafolatlari” deb nomlangan 111-moddasi 1, 3, 5, 6, 7-xatboshilarida o‘z ifodasini topgan (O‘zbekiston Respublikasi Bosh prokuraturasining 2024 yil 25 iyundagi 27/2-157-24-son dalolatnomasi). Ushbu takliflarning qabul qilinishi prokuratura organlari xodimlarining ijtimoiy himoyasini kuchaytirishga, prokuraturaga yuklatilgan vazifa-larning samaradorligini oshirishga va sifat jihatdan yaxshilanishiga, bu boradagi ishlarni to‘g‘ri tashkil qilinishiga xizmat qilgan.