Мансуров Омон Абдувалиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертасия мавзуси, ихтисослик шифри (илмий даража бериладиган фан тармоғи номи): «Меваларни узлуксиз қуритишнинг энергия тежамкор қурилмасини ишлаб чиқиш», 02.00.16 - Кимё технологияси ва озиқ-овқат ишлаб чиқариш жараёнлари ва аппаратлари (техника фанлари).
Диссертация мавзуси рўйхатга олинган рақам: В2022.4.PhD/Т3255.
Илмий раҳбар: Хамдамов Анвар Махмудович, техника фанлари доктори, доцент.
Диссертация бажарилган муассаса номи: Наманган муҳандислик-технология институти.
ИК фаолият кўрсатаётган муассаса номи, ИК рақами: Наманган муҳандислик-технология институти, PhD.03/31.03.2023.Т.66.05.
Расмий оппонентлар: Султонова Шахноза Абдувохитовна, техника фанлари доктори, профессор; Исмоилов  Ойбек Юлибаевич, техника фанлари доктори.
Етакчи ташкилот: Фарғона политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: меваларни конвектив қуритиш жараёнини такомиллаштириш ва ўзи ағдарилувчан поддонлар ёрдамида узлуксиз ишловчи энергиятежамкор қурилма ишлаб чиқишдан иборат.
III. Тадқиқотнинг илмий янгилиги:
конвектив қуритиш жараёнининг турли технологик режимларида  5° қия бурчак остида ўзи ағдарилувчан поддонда хомашёни ҳаракатланиши ҳамда қуритувчи агентнинг  қурилманинг ишчи баландлиги бўйлаб тақсимланиши қонуниятлари аниқланган;
хомашёни импулс билан ағдариб қуритиш жараёни юқори интенсив жараён эканлиги ва материалга максимал мумкин бўлган ҳарорат, намлик ва босимнинг ўсиши жиҳатидан структуравий-механик хусусиятининг ўзгариши исботланган;
қуритиш жараёни давомийлигига уч факторли (ҳарорат, поддонлар сони, хомашёнинг бошланғич нам сақлаши) эксперимент усулидан фойдаланиб алоҳида факторлар таъсири моҳияти очиб берилган;
ўзи ағдарилувчан поддонлар иштирокида хомашё таркибидан намликни қуритувчи агент воситасида буғлатиш жараёнининг технологик ва гидродинамик режимларини оптимал чегаралари аниқланган;
узлуксиз қуритиш жараёнини ташкил этиш орқали қуритилаётган хом ашёнинг айланиши ҳисобига маҳсулотнинг бир текис қуритилиши таъминланиши ҳамда қуритиш давомийлигини 42-48 % гача қисқариши исботланган;  
олҳўрини ўзи ағдарилувчан поддонлардан фойдаланиб қуритиш жараёнининг технологик самарадорлиги исботланган, шу асосда конвектив қуритгичнинг такомиллаштирилган янги конструксияси ишлаб чиқилган
IV. Тадқиқот натижаларининг жорий қилиниши.
Меваларни узлуксиз қуритишнинг энергиятежамкор қурилмасини ишлаб чиқиш орқали қуритиш жараёнини такомиллаштириш бўйича олинган илмий натижалар асосида:
ўзи ағдарилувчи поддонлар билан таъминланган қуритгичнинг тавсия этилган янги конструксияси “Nateco impex” МЧЖ нинг 2024-2028-йилларда амалиётга жорий этиладиган ишлар рўйхатига киритилган (Ўзбекистон Республикаси Озиқ-овқат саноати уюшмасининг 2024 йил 24 августдаги 23-76/08-24-сонли -сонли маълумотномаси). Натижада, олхўрини узлуксиз қуритиш жараёнининг давомийлигини 10-12 соатгача қисқартириш, электр энергия сарфини эса 25 % га қисқартириш имконини беради;
олхўрини узлуксиз режимда ишлайдиган қуритиш жараёнида хомашё юзасига тўлиқ ишлов бериш технологияси “GREEN FRUIT WAREHOUSE” МЧЖ нинг 2024-2028-йилларда амалиётга жорий этиладиган ишлар рўйхатига киритилган (Ўзбекистон Республикаси Озиқ-овқат саноати корхоналари уюшмасининг 2024 йилнинг 24 августдаги 23-76/08-24 -сонли маълумотномаси). Натижада қуритилган олхўрининг сифат кўрсаткичлари яхшиланишига, 5 % яроқсиз маҳсулотни йўқотилиши олди олинишига ва ГОСТ 32896-2014 талабларига тўлиқ мос келиш имконини беради.