Қулмуродов Улуғбек Исломовичнинг
фалсафа доктори (PhD) диссертацияси ҳимояси ҳақида эълон
I. Умумий маълумотлар.
Диссертация мавзуси, ихтисослик шифри: “Ўзбекистон Республикаси Ички ишлар вазирлиги тизимидаги таълим муассасаларининг фуқаровий-ҳуқуқий мақоми”, 12.00.03 — Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ (юридик фанлар).
Диссертация мавзуси рўйхатга олинган рақам: В2023.2.PhD/Yu1051.
Илмий раҳбарнинг Ф.И.Ш., илмий даражаси ва унвони: Кулдашев Нуриддин Абдуганиевич, юридик фанлар доктори, профессор.
Диссертация бажарилган муассаса номи: Ўзбекистон Республикаси Ички ишлар вазирлиги Академияси.
ИК фаолият кўрсатаётган муассаса номи, ИК рақами: Ўзбекистон Республикаси Судялар олий кенгаши ҳузуридаги Судялар олий мактаби, PhD/37/27.02.2020.Yu.107.01.
Расмий оппонентлар: Баротов Миродилжон Хомуджонович, юридик фанлар доктори, профессор; Шамсиддинова Озода Бўриевна, юридик фанлар бўйича фалсафа доктори (PhD).
Етакчи ташкилот: Ўзбекистон Республикаси Жамоат хавфсизлиги университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади ИИВ тизимидаги таълим муассасаларининг фуқаролик муомаласида субект сифатидаги иштироки, юридик шахс сифатидаги белгилари, фуқаровий-ҳуқуқий жавобгарлигининг асослари, таъсисчиларининг субсидиар жавобгарлиги билан боғлиқ муносабатларни тартибга солувчи норматив-ҳуқуқий ҳужжатларни баҳолаш ва изоҳлаш асосида таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
ИИВ тизимидаги таълим муассасаларининг фаолиятини янги сифат даражасига кўтариш мақсадида уларнинг фуқаролик муомаласидаги иштирокини ва қўшимча даромад келтирадиган фаолият турларини янада кенгайтириш зарурати асосланган;
ИИВ тизимидаги таълим муассасаларининг хизмат кўрсатиш тизимига замонавий механизмларни қўллаган ҳолда инвестор ва тадбиркорлик субектларини давлат-хусусий шериклик асосида кенг жалб этиш зарурати асосланган;
ИИВ тизимидаги таълим муассасалари тасарруфида бўлган давлат иштирокидаги корхоналарнинг ишлаб чиқариш ва хизмат кўрсатиш турларини кўпайтириш орқали ушбу муассасаларнинг қўшимча даромад олиш имкониятларини кенгайтириш зарурати асосланган;
ИИВ тизимидаги таълим муассасалари тизимида амалга оширилаётган ислоҳотларнинг самарадорлигини ошириш, молиявий барқарорлигини таъминлаш ҳамда моддий-техник базасини мустаҳкамлаш масалаларини мустақил ҳал қилиш, илмий тадқиқот фаолиятига маблағларни жалб этиш имкониятини ва олий таълим муассасалари ўртасидаги рақобат муҳитида уларнинг иштирокини янада кенгайтириш зарурати асосланган.
IV. Тадқиқот натижаларининг жорий қилиниши. ИИВ тизимидаги таълим муассасаларининг фуқаровий-ҳуқуқий мақомини тадқиқ этиш натижасида қуйидаги таклифлар ишлаб чиқилиб, амалиётга жорий этилган:
ИИВ тизимидаги таълим муассасаларининг фаолиятини янги сифат даражасига кўтариш мақсадида уларнинг фуқаролик муомаласидаги иштирокини ва қўшимча даромад келтирадиган фаолият турларини янада кенгайтириш бўйича ишлаб чиқилган таклифлар Ўзбекистон Республикаси Вазирлар Маҳкамасининг (2017-йил 26-сентябр, 767-сон) қарори билан тасдиқланган “Ўзбекистон Республикаси ИИВ академик лицейлари тўғрисида”ги низомнинг 141-бандида ҳамда Ўзбекистон Республикаси Вазирлар Маҳкамасининг (2017-йил 1-декабр, 958-сон) қарори билан тасдиқланган “Ўзбекистон Республикаси Ички ишлар вазирлиги Академияси бакалавриатининг кундузги таълим шаклига номзодларни танлаш ва ўқишга қабул қилиш тартиби тўғрисида”ги низомнинг 681-бандида ўз ифодасини топган (Ўзбекистон Республикаси Бош вазири котибияти Ахборот-таҳлил ва юридик таъминлаш департаментининг 2024-йил 18-мартдаги
12/1-442-сон далолатномаси). Мазкур таклифнинг қабул қилиниши ИИВ тизимидаги таълим муассасаларининг пулли таълим хизматлари ва даромад келтирадиган фаолиятини кенгайтиришга, шу орқали уларнинг моддий-техник ва ўқув базасини ривожлантиришга хизмат қилган;
ИИВ тизимидаги таълим муассасаларининг хизмат кўрсатиш тизимига замонавий механизмларни қўллаган ҳолда инвестор ва тадбиркорлик субектларини давлат-хусусий шериклик асосида кенг жалб этиш бўйича берилган таклифлар Ўзбекистон Республикаси Ички ишлар вазирининг “Ички ишлар органларининг молиявий барқарорлигини мустаҳкамлашга оид чора-тадбирлар тўғрисида”ги (2023-йил 5-декабр, 679-сон) буйруғининг 1 банди 5 қисмида ўз ифодасини топган (Ўзбекистон Республикаси ИИВнинг 2024-йил 20-мартдаги 2/2-535-сон далолатномаси). Мазкур таклифнинг қабул қилиниши ИИВ тизимидаги таълим муассасаларининг хизмат кўрсатиш тизими давлат-хусусий шериклик асосида кенгайтирилишига ҳамда таълим сифатининг янада яхшиланишига хизмат қилган;
ИИВ тизимидаги таълим муассасалари тасарруфида бўлган давлат иштирокидаги корхоналарнинг ишлаб чиқариш ва хизмат кўрсатиш турларини кўпайтириш орқали ушбу муассасаларнинг қўшимча даромад олиш имкониятларини кенгайтиришга қаратилган таклифлар Ўзбекистон Республикаси Ички ишлар вазирининг “Ички ишлар органларининг молиявий барқарорлигини мустаҳкамлашга оид чора-тадбирлар тўғрисида”ги (2023-йил 5-декабр, 679-сон) буйруғи 2-банди “а” қисмининг 2 ва 3 кичик қисмларида ўз ифодасини топган (Ўзбекистон Республикаси ИИВнинг 2024-йил 20-мартдаги 2/2-535-сон далолатномаси). Мазкур таклифнинг қабул қилиниши муассасанинг асосий фаолиятига таъсир қилмаган ҳолда қўшимча даромад олиш имкониятларини кенгайтиришга хизмат қилган;
ИИВ тизимидаги таълим муассасалари тизимида амалга оширилаётган ислоҳотларнинг самарадорлигини ошириш, молиявий барқарорлигини таъминлаш ҳамда моддий-техник базасини мустаҳкамлаш масалаларини мустақил ҳал қилиш, илмий тадқиқот фаолиятига маблағларни жалб этиш имкониятини ва олий таълим муассасалари ўртасидаги рақобат муҳитида уларнинг иштирокини янада кенгайтириш бўйича таклифлар Ўзбекистон Республикаси Ички ишлар вазирининг “Ички ишлар органларининг молиявий барқарорлигини мустаҳкамлашга оид чора-тадбирлар тўғрисида”ги (2023-йил 5-декабр, 679-сон) буйруғининг 2-банди “в” қисмининг 2 кичик қисмида ўз ифодасини топган (Ўзбекистон Республикаси ИИВнинг 2024-йил 20-мартдаги 2/2-535-сон далолатномаси). Мазкур таклифнинг қабул қилиниши Вазирлик тизимидаги таълим муассасаларининг пулли хизмат кўрсатиш доирасини кенгайтиришга хизмат қилган.
