Махмудов Анвар Абдулла ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Олий таълим муассасаларида умумий физиканинг “Атом физикаси” бўлимини ўқитиш методикасини такомиллаштириш (университетлар мисолида)”, 13.00.02 – Таълим ва тарбия назарияси ва методикаси (физика) (педагогика фанлари)
Диссертация мавзуси рўйхатга олинган рақам: B2022.2.PhD/Ped3582.
Илмий тадқиқот иши бажарилган муассаса номи: Тошкент давлат транспорт университети.
Илмий раҳбар: физика-математика фанлари доктори, профессор Турсунметов Камилжан Ахметович.
ИК фаолият кўрсатаётган муассаса номи, ИК рақами: Нукус давлат педагогика институти, DSc.03/30.12.2019.Ped.34.01
Расмий оппонентлар: Даулетмуратов Борибай Кўптилеуович, техника  фанлари доктори, доцент; Хужанов Эркин Бердиевич, педагогика фанлари бўйича фалсафа доктори (PhD), доцент.
Етакчи ташкилот: Урганч давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади университетларда атом физикаси мавзуларини  ўқитиш методикасини такомиллаштиришнинг методик асослари бўйича таклиф ва тавсиялар ишлаб чиқишдан иборат.
III. Тадқиқотнинг илмий янгилиги:
талабаларнинг умумий, яъни назарий, амалий, лойиҳалаштириш ва креатив фикрлаш компетенцияларини ривожлантиришга йўналтирилган ташкилй-педагогик аспектлари умумий физиканинг “Атом физикаси” бўлимини ўқитиш механизмларига ҳамда индивидуал ва дифференциал ёндашувларнинг интегратив яхлитлигини таъминланишига устуворлик бериш асосида аниқлаштирилган;
умумий физиканинг “Атом физикаси” бўлими мавзуларини ўқитиш методикаси талабаларнинг креатив фикрлаш лаёқатларини ривожлантириш бўйича ишлаб чиқилган моделнинг ташкилий-услубий жиҳатлари,  репродуктив ва креатив даражаларини баҳолашнинг ижодий фикрлаш, тасаввур, маҳорат, креативлик ва ижодий ёндашиш каби критерияларининг  мантиқий боғлиқлигини визуаллаштириш асосида такомиллаштирилган;
умумий физиканинг “Атом физикаси” бўлими мавзуларини ўқитиш методикаси талабаларнинг умумий, яъни назарий, амалий, лойиҳалаштириш ва креатив  фикрлаш компетенцияларини ривожланганлик даражасини баҳолаш мезонлари репродуктив, продуктив, продуктив-ижодий ва ижодий даражаларининг мантиқий фикрлаш босқичларида алгоритмик кетма-кетликни самарали амалга ошириш орқали уйғунлаштириш асосида такомиллаштирилган;
умумий физиканинг “Атом физикаси” бўлимига оид мавзуларни ўқитиш методикаси ишлаб чиқилган моделнинг ташкилий-услубий жиҳатлари, репродуктив, продуктив, продуктив-ижодий ва ижодий каби баҳолаш даражалари интерграциялашувига устуворлик бериш асосида такомиллаштирилган.  
IV.Тадқиқот натижаларининг жорий қилиниши. Университетларда умумий физиканинг “Атом физикаси” бўлимини ўқитиш механизмлари асосида шу бўлимни ўқитишда ва талабаларнинг умумий компетенцияларини ривожлантиришда олинган илмий тадқиқот натижаларидан ўқув воситаси сифатида фойдаланиш бўйича олинган илмий натижаларга асосан:
талабаларнинг умумий, яъни назарий, амалий, лойиҳалаштириш ва креатив  фикрлаш компетенцияларини ривожлантиришга йўналтирилган ташкилй-педагогик аспектларини умумий физиканинг “Атом физикаси” бўлимини ўқитиш механизмларига ҳамда индивидуал ва дифференциал ёндашувларнинг интегратив яхлитлигини таъминланишига устуворлик бериш асосида аниқлаштиришга оид тавсия ва таклифлардан, “АМ-ПЗ-2019062031 “Ядро энергетикаси”, “Ядро медицинаси ва технологияси”, ”Радиацион медицина ва технология” фанлари бўйича бакалавр ва магистрлар учун мултимедияли машғулотликларни яратиш” номли инновацион лойиҳа (2020-22 йй) вазифаларини бажаришда фойдаланилган (Низомий номидаги Тошкент давлат педагогика университетининг 2024 йил 6 апрелдаги 11-05-1595/04–сон маълумотномаси). Натижада, талабаларнинг умумий компетенцияларини  ривожлантиришга эришилган;
умумий физиканинг “Атом физикаси” бўлими мавзуларини  ўқитиш методикаси ишлаб чиқилган моделнинг ташкилий-услубий жиҳатлари, репродуктив, продуктив, продуктив-ижодий ва ижодий каби баҳолаш даражалари интерграциялашувига устуворлик бериш ҳамда талабаларнинг умумий, яъни назарий, амалий, лойиҳалаштириш ва креатив  фикрлаш компетенцияларини ривожланганлик даражасини баҳолаш мезонлари репродуктив, продуктив, продуктив-ижодий ва ижодий даражаларининг мантиқий фикрлаш босқичларида алгоритмик кетма-кетликни самарали амалга ошириш орқали уйғунлаштириш асосида атом физикаси мавзуларининг ўқитиш методикасини такомиллаштиришга доир таклиф ва тавсиялари “Атом физикаси, асосий тушунча, қонун, тажриба ва формулалар” номли ўқув қўлланма мазмунига сингдирилган (Олий ва ўрта махсус таълим вазирлигининг 2018–йил 28–июндаги 434–сон буйруғига асосан 434–066–сон нашр рухсатномаси). Натижада, мазкур ўқув қўлланма талабаларнинг атом физикаси мавзуларига оид умумий компетенцияларини ривожлантиришга хизмат қилган;
умумий физиканинг “Атом физикаси” бўлими мавзуларини ўқитиш методикаси талабаларнинг креатив фикрлаш лаёқатларини ривожлантириш бўйича ишлаб чиқилган моделнинг ташкилий-услубий жиҳатлари,  репродуктив ва креатив даражаларини баҳолашнинг ижодий фикрлаш, тасаввур, маҳорат, креативлик ва ижодий ёндашиш каби критерияларининг  мантиқий боғлиқлигини визуаллаштириш асосида такомиллаштишга оид тавсия ва таклифларидан ОТ-Ф2-75-рақамли “Деформацияланган ўта оғир, трансуран ва ноёб Ер элементлари ядролари ротацион ҳолатларининг хусусиятларини тадқиқоти” мавзусидаги илмий-амалий лойиҳа (2018-2021 йй.) вазифаларини бажаришда фойдаланилган (Низомий номидаги Тошкент давлат педагогика университетининг 2024 йил 6 апрелдаги 11-05-1595/04–сон маълумотномаси). Натижада, атом ва ядро физикаси билан шуғлланувчи ва бу бўлимларга қизиқувчи талабалар гуруҳининг  атом физикасига  доир  креатив  фикрлаш  лаёқатларини  ривожлантиришга  эришилган.