Жалов Холмурод Ҳакимовичнинг

фалсафа доктори (PhD) диссертацияси ҳимояси ҳақида эълон

I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи номи): «Зарафшон дарёси ўрта оқими ҳавзаси йўсинтоифалари», 03.00.05–Ботаника (биология фанлари).

Диссертация мавзуси рўйхатга олинган рақам: B2018.2.PhD/B185.

Илмий раҳбар: Ҳайдаров Хислат Қудратович, биология фанлари доктори.

Диссертация бажарилган муассаса номи: Самарқанд давлат университети.

ИК фаолият кўрсатаётган муассаса (муассасалар) номи, ИК рақами: Ботаника институти, Ўзбекистон Миллий университети, Dsc.27.06.2017.B.39.01.

Расмий оппонентлар: Хасанов Фуркат Орунбаевич, биология фанлари доктори, профессор; Jia Yu, биология фанлари бўйича фалсафа доктори (PhD), профессор.

Етакчи ташкилот: Жиззах давлат педагогика институти.

Диссертация йўналиши: назарий ва амалий аҳамиятга молик.

II. Тадқиқотнинг мақсади: Зарафшон дарёси ўрта оқими бриофлорасининг конспектини тузиш ҳамда унинг экологик ва географик хусусиятларини асослашдан иборат.

III. Тадқиқотнинг илмий янгилиги:

илк бор Зарафшон дарёси ўрта оқими ҳавзасидан йўсинтоифаларнинг 2 аждод,
11 қабила, 24 оила, 39 туркумга мансуб 78 тури аниқланган;

илк бор Ўрта Осиё бриофлораси учун 2 та янги тур: Eurhynchium savatieri Schimp. ex Besch., Bryum terskeiense Par. аниқланган;

эколого-флористик бирликлар асосида йўсинтоифалар яшаш жойларининг 3 та типи очиб берилган;

бриофлоранинг намликка муносабатига кўра, географик элементлар ва субстратларда тақсимланишига кўра гуруҳлари асосланган.

IV. Тадқиқот натижаларининг жорий қилиниши.

Зарафшон дарёси ўрта оқими ҳавзаси бриофлораси бўйича  олинган натижалар асосида:

78 йўсин турлари тарқалишини акс эттирувчиГАТ хариталари Самарқанд вилояти Экология ва атроф-муҳитни муҳофаза қилиш бошқармасининг амалий фаолиятига жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2018 йил 18 майдаги 03-03/2604-сон маълумотномаси). Натижада 6 камёб ва Ўрта Осиё бриофлораси учун янги бўлган 2 тур тарқалган ҳудудларни муҳофаза қилиш ва уларни сақлаб қолиш имконини берган;

атмосфера ҳавоси таркибидаги металл ионлари миқдорини аниқлашда фойдаланиладиган 9 та индикатор турлар рўйхати Самарқанд вилояти Экология ва атроф-муҳитни муҳофаза қилиш бошқармасининг амалий фаолиятига жорий этилган (Ўзбекистон Республикаси Экология ва атроф-муҳитни муҳофаза қилиш давлат қўмитасининг 2018 йил 18 майдаги 03-03/2604-сон маълумотномаси). Натижада саноат ҳудудлари атмосфера ҳавоси таркибидаги 7 та металл ионлари, жумладан, Pb ва Cd оғир металлари миқдорини йўсинлар орқали белгилаш ва ифлосланган ҳудудларни аниқлаш имконини берган;

йўсинларнинг 70 турга мансуб 72 нусха гербарий намуналари Хитой Фанлар академияси Пекин Ботаника институти Хитой Миллий гербарийси коллекциясига жорий этилган (Хитой Фанлар академиясининг 2018 йил 20 апрелдаги маълумотномаси). Натижада Хитой Миллий гербарийсининг Ўрта Осиё йўсинлари фондини бойитган ва йўсинларни Марказий Осиё бўйича маълумотлар базасини шакллантириш имконини берган.