Юлдашев Бекзод Бахрамовичнинг
фалсафа доктори (PhD) диссертация ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): «Ғўзага ишлов бериш машиналарида қўллаш учун полимер композициянинг таркиби ва улар асосида резервуарлар олиш технологиясини ишлаб чиқиш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйхатга олинган рақам: В2024.1.PhD/Т4360.
Илмий раҳбар: Халимжонов Тохир Салимович, техника фанлари доктори, доцент.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассаса номи, ИК рақами: Тошкент давлат техника университети «Фан ва тараққиёт» ДУК, DSc.03/30.12.2019.K/T.03.01.
Расмий оппонентлар: Адилов Равшан Иркинович, техника фанлари доктори, профессор; Юлчиева Сурайё Бахрамовна, техника фанлари доктори, катта илмий ходим.
Етакчи ташкилот: Андижон машинасозлик институти.
Диссертация йўналиши: амалий аҳамиятга молик.
II. Тадқиқотнинг мақсади: ғўзага ишлов бериш машиналарида қўллаш учун полимер композициянинг таркиби ва улар асосида резервуарлар олиш технологиясини ишлаб чиқиш чиқишдан иборат.
III. Тадқиқотнинг илмий янгилиги:
ғўзани кимёвий қайта ишлаш учун машина резервуарларининг оптимал конструкцияси ва уларни ротацион қолиплаш технологияси ишлаб чиқилган;
композицион полимер материалларининг таркибига киритилган ингредиентларнинг табиати, тури, тузилиши, миқдори, ёруғлик ва термик стабилизаторларнинг ротацион қолиплаш учун ўртача зичликдаги полиэтиленнинг физик-механик ва эксплуатацион хусусиятларига таъсири аниқланган;
ишлаб чиқилган полиолефин композициялари асосида резервуарларни ротацион қолиплаш учун полиэтилен асосидаги полимер композициясининг таркиби, тузилиши ва эксплуатацион шароитларини ва уларнинг ўзига хос хусусиятларини ҳисобга олган ҳолда намунавий қурилма ишлаб чиқилган;
резервуарларнинг конструкцион хусусиятларига қараб ротацион қолипга технологик параметрларнинг таъсири аниқланган;
ўртача зичликдаги полиэтилен асосидаги композицион полимер материаллардан тайёрланган резервуарларни ротацион қолиплаш технологик жараёнининг оптимал ҳарорат ва тезлик параметрлари аниқланган;
юқори технологик, физик-механик ва эксплуатацион хусусиятларга эга бўлган резервуарларни ротацион қолиплаш учун самарали композицион полиэтилен материалларининг бир қатор янги таркиблари ва рецептлари ишлаб чиқилган.
IV. Тадқиқот натижаларининг жорий қилиниши:
Ғўзага ишлов бериш машиналарида қўллаш учун полимер композициянинг таркиби ва улар асосида резервуарлар олиш технологиясини ишлаб чиқиш бўйича олинган илмий натижалар асосида:
ғўзани кимёвий қайта ишловчи машина резервуарлари учун ишлаб чиқилган полимер композицияларининг оптимал таркиби «Кувамаштехсервис» МТП МЧЖда амалиётга жорий этилган («O'ZAGROSERVIS» JOINT STOCK COMPANYнинг 2024 йил 26 мартдаги 03-02/102-463-сон маълумотномаси). Натижада, ғўзани кимёвий қайта ишловчи композицион полимер резервуарларнинг об-ҳавога чидамлилиги ва агрессив ҳамда ишқорий муҳитга чидамлилигини 1,5 баробар ошириш имконини берган;
композицион материаллардан резервуарлар ишлаб чиқаришнинг такомиллашган технологияси «Кувамаштехсервис» МТП МЧЖда амалиётга жорий этилган («O'ZAGROSERVIS» JOINT STOCK COMPANYнинг 2024 йил 26 мартдаги 03-02/102-463-сон маълумотномаси). Натижада, резервуарларнинг умрбоқийлигини 1,5 баравар ошириш имконини берган.