Ахралов Шавкат Сулаймоновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Ер ости гидросферасининг автоматлаштирилган мониторинги асосида геомиграция жараёнларининг моделини ишлаб чиқиш” мавзусидаги 05.01.10 – “Ахборот олиш тизимлари ва жараёнлари” (техника фанлари).
Диссертация мавзуси роʻйхатга олинган рақам: B2024.1.PhD/Т1427.
Илмий раҳбарнинг Ф.И.Ш., илмий даражаси ва унвони: Джуманов Жамолжон Худайкулович, техника фанлари доктори, профессор.
Диссертация бажарилган муассаса номи: Муҳаммад ал-Хоразмий номидаги Тошкент ахборот технологиялари университети.
Илмий кенгаш фаолият коʻрсатаётган муассаса номи, Илмий кенгаш рақами: Тошкент ахборот технологиялари университети Нукус филиали, PhD.13/05.05.2023.Т.162.01.
Расмий оппонентлар:  Якубов Мақсадхон Султаниёзович, техника фанлари доктори, профессор; Элов Ботир Болтаевич , техника фанлари фалсафа доктори (PhD), доцент.
Етакчи ташкилот номи: Бухоро мухандислик технологиялари иниститути.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ер ости гидросфересининг автоматлашган мониторинги самарадорлигини оширишда геомиграция жараёнларини моделини ва ахборот-таҳлил тизимларини ишлаб чиқишдан иборат.
III. Тадқиқотнинг илмий янгилиги қуйидагилардан иборат:
гидрогеологик мониторинг юритишда ахборот оқимлари модели ва автоматлаштирилган ўлчов асосида ер ости сувлари ҳолатининг ўзгаришини аниқлаш усули ишлаб чиқилган;
табиий ва техноген тизимларнинг гидрорежим омиллари ва гидрогеологик шароитларини тавсифловчи мониторинг жараёнларининг математик модели ва геоахборот тузилмаси ишлаб чиқилган;
ер ости суви конларини истиқболлигини асослашда гидрогеологик тизимларнинг геофилтрлация ва геомиграция жараёнларини математик модели, сонли ечиш алгоритмлари ҳамда дастурий воситаси ишлаб чиқилган;
гидрогеология ва муҳандислик геологияси тизимларининг ахборот таъминоти, ахборот ресурсларини бошқаруви жараёнларини таҳлил қилиш, қарор қабул қилиш фаолиятини қўллаб-қувватлаш усуллари ишлаб чиқилган.
IV. Тадқиқот натижаларининг жорий қилиниши: Ер ости гидросферасини автоматлашган мониторинг асосида геомиграция жараёнларини моделлаш ва самарали сонли ҳисоблаш алгоритмлари бўйича олинган натижалар асосида:
гидрогеологик мониторингни юритишда ахборот оқимлари модели, автоматлаштирилган ўлчов асосида ер ости сувлари ҳолатининг ўзгаришини аниқлаш усули ва гидрогеологик шарт-шароитларини тавсифловчи геофултрация жараёнларининг математик модели ва геоахборот тузилмаси Ўзбекистон Республикаси Геология ва минерал ресурслар Давлат қўмитаси “Ўзбекгидрогеология” Давлат унитарй корхонасининг Оҳангарон гидрогеологик станциясида жорий этилган (Ахборот технологиялари ва коммуникацияларни ривожлантириш вазирлигининг 2022 йил 5 феврал 03-8/17-сон маълумотномаси). Натижада ерости суви сатҳи ва менераллашувининг ўзгаришини башоратлаш ҳамда мухандислик ҳисобларини ўтказишга кетадиган вақт ва меҳнат сарфини 4-6% га қисқартириш имконини берган;
гидрогеология ва муҳандислик геологияси тизимларнинг ахборот таъминоти, ахборот ресурсларининг бошқарув жараёнларини таҳлил қилиш, қарор қабул қилиш фаолиятини қўллаб-қувватлаш усуллари, ер ости суви конларининг истиқболлилигини асослашда гидрогеологик тизимларнинг геомиграция жараёнларининг математик модели, сонли ечиш алгоритмлари ва дастурий воситалари Ўзбекистон Республикаси Геология ва минерал ресурслар Давлат қўмитаси “Ўзбекгидрогеология” Давлат унитар корхонасининг Оҳангарон гидрогеологик станциясида жорий этилган (Ахборот технологиялари ва коммуникацияларни ривожлантириш вазирлигининг 2022 йил 05 феврал 03-8/17-сон маълумотномаси). Натижада геомиграция жараёнида ер ости сувлари сифати ўзгариши баҳоланган ҳамда муҳандислик ҳисобларида вақт ва меҳнат сарфини 0.2 марта қисқартириш имконини берган.