Alimova Fotima Muratovnaning
falsafa doktori (PhD) dissertatsiya himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): “Oliy ta’lim muassasalari talabalarining salohiyatini baholash va rivojlanish dinamikasini aniqlash jarayonlarining axborot tizimi”, 05.01.10- Axborot olish tizimlari va jarayonlari (texnika fanlari).
Dissertatsiya mavzusi ro‘yxatga olingan raqam: B2024.1.PhD/T4427
Ilmiy rahbar: Nazirova Elmira Shodmonovna, texnika fanlari doktori, professor.
Dissertatsiya bajarilgan muassasa nomi: Muhammad al-Xorazmiy nomidagi Toshkent axborot texnologiyalari universiteti.
Ilmiy kengash faoliyat ko‘rsatayotgan muassasa (muassasalar) nomi, Ilmiy kengash raqami: Muhammad al-Xorazmiy nomidagi Toshkent axborot texnologiyalari universiteti, DSc.13/30.12.2019.T.07.01.
Rasmiy opponentlar: Xamdamov Utkir Raxmatillaevich, texnika fanlari doktori, professor; Asqaraliev Odilbek Ulug‘bek o‘g‘li, texnika fanlari falsafa doktori (PhD), dotsent.
Yetakchi tashkilot: Toshkent davlat transport universiteti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi. Oliy ta’lim muassasalari talabalarining salohiyatini baholash va rivojlanish dinamikasini aniqlash jarayonlarining modellari, algoritmlari hamda axborot olish tizimini ishlab chiqishdan iborat.
III. Tadqiqotning ilmiy yangiligi:
oliy ta’lim muassasalari talabalari salohiyat darajasini avtomatlashtirilgan baholashning ko‘p bosqichli texnologik jarayonlarining konseptual modeli asosida  ko‘p pog‘onali ma’lumotlar almashinuvining kognitiv modeli ishlab chiqilgan;
oliy ta’lim muassasalari talabalari salohiyat darajasini avtomatlashtirilgan baholash axborot oqimlarining funksional jarayonlari va ko‘p mezonli yondashuvlar asosida baholash jarayonining algoritmlari ishlab chiqilgan;
salohiyatni baholash jarayonining algoritmlari asosida ko‘p bosqichli baholash texnologik jarayonlarining BPMN modellari hamda axborot tizimi ma’lumotlar bazasining mohiyat-aloqa modeli ishlab chiqilgan;
ko‘p pog‘onali salohiyatni baholash texnologik jarayonlarini tashkiliy ta’minlaydigan axborot tizimining funksional modullari ishlab chiqilgan.
IV. Tadqiqot natijalarining joriy qilinishi:
Oliy ta’lim muassasalari talabalarining salohiyatini baholash jarayonlarini modellashtirish, monitoring ma’lumotlariga ishlov berish va boshqaruv qarorlarini qabul qilish maqsadida yaratilgan usul, matematik model, algoritm va axborot tizimi asosida:
Oliy ta’lim muassasasi talabasining salohiyatini nazoratga olish jarayonlarini avtomatlashtirishning matematik modellari, talaba yoshlar salohiyatini belgilovchi ma’lumotlar bazasini muvofiqlashtirish dasturiy majmuasi Islom Karimov nomidagi Toshkent davlat texnika universitetiga joriy qilingan (O‘zbekiston Respublikasi oliy ta’lim, fan va innovatsiyalar vazirligining 2023 yil 26 oktyabrdagi 2/14-3/1-82-160 - son ma’lumotnomasi). Dasturiy ta’minotni amaliyotga joriy etilishi natijasida mutaxassislar tomonidan ta’kidlandiki, natijalarni o‘zgarishini real vaqtda sonli ko‘rinishlarda kuzatish imkonini beradi va olingan natijalar aniqligi va ishonchliligini oshirdi hamda xatoliklarni kamayishiga olib keldi.
Muhammad al-Xorazmiy nomidagi Toshkent axborot texnologiyalari universiteti Farg‘ona filialida ishlab chiqilgan dasturiy ta’minoti  amalyotda joriy qilinishi natijasida ishlab chiqilgan model va algoritmlar, oliy ta’lim muassasalari talabalarining intellektual salohiyatini baholash va rivojlanish dinamikasini aniqlash, monitoring qilishda, mavhum bo‘lgan salohiyatli yoshlarni aniqlashda hamda bashoratlashda ma’lumotlarni qayta ishlashga ketadigan vaqtni 30-35% qisqartirish hisobiga mehnat samaradorligini 1,42 barobargacha oshirish imkonini berdi. (O‘zbekiston Respublikasi oliy ta’lim, fan va innovatsiyalar vazirligining 2023 yil 26 oktyabrdagi 2/14-3/1-82-160- son ma’lumotnomasi).